ຟູ ຊະນະ ເບຣເຊລ ຜ່ານເຂົ້າຮອບ 16 ຄົນສຸທ້າຍສຊີງແຊ໊ມສະນຸກເກີໂລກ 2017

ການແຂ່ງຂັນສະນຸກເກີຊີງແຊ໊]ມໂລກ “ເບດເຟຣດ ເວິລ ສະນຸກເກີ ແຊ໊ມປຽນຊິບ 2017” ທີ່ຄຣູຊູເບິ້ລ ເທຍເຕີ ໃນເມືອງເຊຟ ຟິລ ປະເທດອັງກິດ ໃນວັນຈັນທີ 17 ເມສາ ຜ່ານມາ ຮອບ 32 ຄົນ ສຸດທ້າຍ ມາໂກ ຟູ ນັກສະນຸກເກີ ຄົນ ຮົງກົງ ພິກສະຖານະການ ຈາກຕາມຫຼັງ ລູກາ ເບຣເຊ ຈາກ ເບລຢຽມ ທີ່ຜ່ານເຂົ້າມາຫຼິ້ນໃນ ຄຣູຊິເບິ້ລເທຍເຕີ ເປັນຄັ້ງທຳອິດ ຫ່າງເຖິງ 2-7 ເຟຣມ ຫຼັງຈົບເຊສ ຊັ່ນທຳອິດ ກັບມາເອົາຊະນະ ຫວຸດຫວິດ 10-9 ເຟຣມ ຜ່ານ ເຂົ້າຮອບ 16 ຄົນສຸດທ້າຍໄດ້ສຳ ເລັດ.

ໃນເຊສຊັ່ນທີ 2 ມາໂກ ຟູ ຫຼິ້ນໄດ້ຢ່າງດີເດັ່ນຄ່ອຍໆໄລ່ຕາມຈົນມາສະເໝີກັນທີ 8-8 ເຟຣມ ແລະ ເຖິງວ່າ ເບຣເຊລ ຈະໄດ້ ເຟຣມທີ 17 ຂຶ້ນແທ່ນກ່ອນທີ 9-8 ເຟຣມ ແຕ່ ມາໂກ ຟູ ເບຣກ 85 ແລະ 65 ຄະແນນ ກວາດ 2 ເຟຣມສຸດທ້າຍ ແຊງກັບມາເອົາ ຊະນະໄດ້ຢ່າງດີເດັ່ນ 10-9 ເຟຣມ ໂດຍໃນຮອບ 16 ຄົນສຸດ ທ້າຍ ມາໂກ ຟູ ຈະລໍຖ້າພົບຜູ້ຊະ ນະລະຫວ່າງ ນີລ ໂຣເບິດສັນ ຈາກ ອອສເຕຣເລຍ ກັບ ນົບພົນ ແສງຄຳ ຈາກ ໄທ ຕໍ່ໄປ.

ຜົນຄູ່ອື່ນໃນວັນຈັນຜ່ານມາ ຊອນ ເມີຟີ ຈາກ ອັງກິດ ຊະນະ ຫຍານ ປິງເຕົາ 10-8 ເຟຣມ, ມາກ ອັລເລນ ຈາກ ໄອແລນເໜືອ ຊະນະ ຈິມມີ ໂຣເບິດສັນ ຈາກ  ອັງກິດ 10-8 ເຟຣມ, ສະຈວດ ບິງແຮມ ຈາກ ອັງກິດ ຊະນະ ປີເຕີ ເອັບດອນ ຈາກ ອັງກິດ 10-5 ເຟຣມ, ຈອນ ຮິກກິນ ຈາກ ສະກອດ ນຳ ມາຕິນ ກູລ ຈາກ ອັງກິດ 7-2 ເຟຣມ, ຕິງ ຈຸນຮຸຍ ຈາກ ສປ.ຈີນ ນຳ ຈ້າວ ຢູຫຼົງ ຈາກ ສປ.ຈີນ 7-2 ເຟຣມ.