ພະແນກການເງິນແຂວງຊຽງຂວາງປະຕິບັດລາຍຮັບເພີ່ມຂຶ້ນທຸກປີ

ການຈັດເກັບລາຍຮັບ- ຄຸ້ມຄອງລາຍຈ່າຍໃນປີ 2017 ຜ່ານມາຂອງພະແນກການເງິນ ແຂວງຊຽງຂວາງ ມີການເພີ່ມ ຂຶ້ນ ທຸກໆປີຢ່າງຕໍ່ເນື່ອງສະເລ່ຍ 14% ຂຶ້ນໄປ.
ອີງຕາມການໃຫ້ສຳ ພາດ ຂອງ ທ່ານ ຄຳພູມີ ບົວລະພິມ ຫົວໜ້າພະແນກການເງິນ ແຂວງຊຽງຂວາງ ຕໍ່ທີມງານ ຂ່າວການເງິນວ່າ: ໃນສົກປີ 2017 ຜ່ານມາລາຍຮັບທ້ອງ ຖິ່ນປະຕິບັດໄດ້ 122 ຕື້ກວ່າ ກີບ, ຕາມແຜນດັດແກ້ທ້າຍ ປີ ສາມາດປະຕິບັດ ໄດ້ 127 ຕື້ ກວ່າກີບ ລື່ນແຜນປະມານ 4%, ເຊິ່ງລາຍຮັບ ດັ່ງກ່າວ ແມ່ນໄດ້ມາຈາກຂະແໜງ ສ່ວຍອາກອນກວມ ເອົາ 93% ແລະ ຂະແໜງຊັບ ສິນ ກວມເອົາ 7%, ລາຍຮັບ ທ້ອງຖິ່ນທຽບໃສ່ໄລຍະດຽວກັນໃນປີຜ່ານມາເຫັນວ່າ ເພີ່ມ ຂຶ້ນ 22 ຕື້ກວ່າກີບ, ລາຍຮັບ ວຽກງານ ສາມສ້າງປະຕິບັດ ໄດ້ 86% ຂອງແຜນການປີ, ສ່ວນລາຍຮັບພາສີແມ່ນເປັນລາຍຮັບທີ່ກ້າວກະໂດດຂັ້ນ ຂອງທ້ອງຖິ່ນ.

+ ແຂວງສະຫວັນນະເຂດ ແລະ ຈຳປາສັກປັບປຸງກົງຈັກການຈັດຕັ້ງຂະແໜງການເງິນ

+ ກຳມາທິການແຜນການການເງິນ ແລະ ກວດສອບສະພາແຫ່ງຊາດ ດຳເນີນກອງປະຊຸມປະຈຳຂອງຕົນ

ສຳລັບວຽກງານການສຳຫລວດເກັບກຳຖານ ຂໍ້ມູນລາຍຮັບຄືນໃໝ່ໃນ ແຂວງຊຽງຂວາງ, ຕາມຄຳ ສັ່ງເລກທີ 40/ນຍ ແລະ ໄດ້ປະສານສົມທົບກັບພະ ແນກຊັບພະຍາກອນທຳມະ ຊາດ ແລະ ສິ່ງແວດລ້ອມ ໃນການສຳຫລວດ, ໃນນັ້ນມີດິນ ກະສິກຳ 58 ພັນກວ່າຕອນ, ດິນ ປຸກສ້າງ 44 ພັນກວ່າຕອນ ແລະ ບັນດາຫົວໜ່ວຍທຸລະກິດລວມ ທັງໝົດທົ່ວແຂວງມີ 4.492 ຫົວ ໜ່ວຍ,ເພິ່ມຂຶ້ນຈາກປີຜ່ານ ມາ 509 ຫົວໜ່ວຍໃນນັ້ນມອບໃຫ້ ແຂວງຄຸ້ມຄອງ 167 ຫົວໜ່ວຍ ແລະ ເມືອງຄຸ້ມຄອງ 4.925 ຫົວໜ່ວຍ.
ສຳລັບປີ 2018 ພະແນກ ການເງິນແຂວງຊຽງຂວາງ ຕ້ອງເກັບລາຍຮັບເຂົ້າງົບປະ ມານໃຫ້ໄດ້ 140 ຕື້ກວ່າກີບ ແລະ ສືບຕໍ່ສຳຫລວດຂໍ້ມູນ ໃຫ້ລະອຽດຄືນໃໝ່ ແລະ ຈັດ ຕັ້ງປະຕິບັດໜ້າທີ່ຕາມພາ ລະບົດບາດຢ່າງເຂັ້ມງວດ ເອົາໃຈໃສ່ສຶກສາອົບຮົມວຽກ ງານການເມືອງແນວຄິດໃຫ້ ພະນັກງານໃຫ້ເປັນປະຈຳ./.