ສະມາຊິກພັກຕ້ອງເປັນກົກ

ໂດຍ: ທິດກ່ຳ

ຖ້າເອີ່ຍເຖິງຄຸນງາມ ຄວາມດີຂອງພັກເຮົາສຸດທີ່ຍິ່ງ ໃຫຍ່ມະຫາສານ. ນັບຕັ້ງແຕ່ມື້ ມີພັກ ໄດ້ກຳເນີດເກີດຂຶ້ນ ແລະ ໄດ້ນຳພາປະຊາຊົນບັນດາເຜົ່າຕໍ່ສູ້ຕີຕ້ານຈັກກະພັດທີ່ເຂົ້າ ມາຮຸກຮານຈົນໄດ້ຮັບໄຊຊະນະ ແລະ ສາມາດປົດປ່ອຍປະ ເທດຊາດໄດ້ຢ່າງສົມບູນໃນປີ 1975. ນັບແຕ່ ນັ້ນມາ, ພັກໄດ້ ກຳອຳນາດນຳພາປະຊາຊົນ ບັນດາເຜົ່າໃນທົ່ວປະເທດພ້ອມກັນປົກປັກຮັກສາໝາກຜົນຂອງການປະຕິວັດກໍຄືນຳພາປວງ ຊົນລາວປົກປັກຮັກສາ ແລະ ສ້າງສາປະເທດຊາດບ້ານ ເມືອງຈົນມາເຖິງປັດຈຸບັນກໍ ເປັນເວລາ 40 ກວ່າປີ, ເມື່ອມາ ບວກລົບຄູນຫານໃສ່ນັບຕັ້ງ ແຕ່ມື້ເລີ່ມຕົ້ນທີ່ມີພັກນຳພາ, ມີການຕໍ່ສູ້ເປັນຕົ້ນມາອາຍຸ ຂອງພັກກໍເກືອບໄດ້ໜຶ່ງສັດ ຕະວັດແລ້ວ.
ເພາະສະນັ້ນ, ເຮົາຈຶ່ງເຫັນ ໄດ້ວ່າກວ່າຈະກ້າວມາ ເຖິງຈຸດ ນີ້ພາລະກິດຂອງພັກ ໄດ້ກາຍມາ ເປັນພາລະກຳປະຫວັດສາດ ຂອງພັກ. ຂອງຊາດທີ່ເຕັມໄປ ດ້ວຍຄວາມໝາຍອັນຍິ່ງໃຫຍ່ ແລະ ອັນສຳຄັນທີ່ສຸດ ແມ່ນພັກ ເຮົາໄດ້ເຮັດທຸກສິ່ງທຸກຢ່າງເພື່ອ ສຳເລັດໜ້າທີ່ຂອງຕົນເພື່ອຊາດ ແລະ ເພື່ອປະຊາຊົນ, ພັກເຮົາໄດ້ ຜ່ານຜ່າ ແລະ ທົດສອບຫລາຍ ສິ່ງຫລາຍ ຢ່າງໃນການ ຊີ້ນຳ- ນຳພານັບແຕ່ເລີ່ມມີການ ຕໍ່ສູ້ຈົນມາເຖິງປັດຈຸບັນ.

+ ສະມາຊິກພັກອ້ອມຂ້າງກະຊວງ ຖວທ ເຊື່ອມຊຶມ 4 ເອກະສານສຳຄັນຂອງຊາດ

+ ສະມາຊິກສະພາເປັນ​ຫ່ວງ​ໜີ້​ສິນ​ສາທາລະນະ

ບາງຄັ້ງກໍອ້ອມໄປດ້ວຍ ຄວາມເສຍສະຫລະ, ຄວາມ ທຸກຍາກລຳບາກແຕ່ກໍເຕັມໄປ ດ້ວຍຄວາມຫວັງ, ຄວາມມຸ້ງ ໝັ້ນແຫ່ງໄຊຊະນະ ແລະ ສຸດ ທ້າຍຄວາມຫວັງເຫລົ່ານັ້ນກໍ ໄດ້ກັບກາຍມາເປັນຄວາມຈິງ ແລະ ເປັນຜົນສຳເລັດຢ່າງ ໃຫຍ່ ຫລວງແກ່ຊາດ ແລະ ແກ່ປວງ ຊົນພາຍໃນຊາດ. ການທີ່ພັກເຮົາ ໄດ້ຮັບໄຊຊະນະຢ່າງຍິ່ງໃຫຍ່ ແລະ ຖ້ວມທົ້ນຈົນມາເຖິງ ທຸກ ວັນນີ້ກໍຍ້ອນມາແນວທາງອັນ ຖືກຕ້ອງສອດຄ່ອງກັບຍຸກສະ ໄໝ, ຍ້ອນສະມາຊິກພັກເຮົາ ໄດ້ ເຮັດທຸກສິ່ງທຸກຢ່າງເພື່ອຄວາມຍືນຍົງຄົງຕົວຂອງພັກ, ຂອງອຳ ນາດລັດທີ່ພວມກ້າວເດີນຕາມ ເສັ້ນທາງປ່ຽນແປງໃໝ່ແຫ່ງ ຍຸກສະໄໝໃນພາກພື້ນ ແລະ ຂອງໂລກ.
ແນວໃດກໍຕາມ, ຕະຫລອດ ໄລຍະທີ່ຜ່ານມາມັນກໍຍັງມີ ຫລາຍອັນ, ຫລາຍຢ່າງທີ່ພັກ ຈະຕ້ອງໄດ້ກວດກາ ແລະ ປັບ ປຸງເພື່ອກ້າວສູ່ຄຸນນະພາບໃໝ່ ນັບທັງກົງຈັກຂອງພັກ ແລະ ທັງສະມາຊິກພັກ. ເວົ້າແທ້ຕ້ອງ ສ້າງກົງຈັກພາຍໃນພັກ, ສະມາ ຊິກພັກໃຫ້ເປັນຮາກເຫງົ້າ ແລະ ເປັນກົກຢ່າງແທ້ຈິງ. ຄຳວ່າພັກ ຕ້ອງເປັນຮາກເຫງົ້າ ແລະ ເປັນ ກົກນັ້ນກໍໝາຍເຖິງພັກຕ້ອງນຳໜ້າຢ່າງເຂັ້ມແຂງ ແລະ ເດັດ ຂາດ, ສະມາຊິກພັກຕ້ອງມີຄຸນ ນະພາບ, ເປັນແບບຢ່າງ ແລະ ເປັນແວ່ນແຍງອັນໃສແຈ້ງໃຫ້ ແກ່ມະຫາຊົນ ແລະ ປະຊາຊົນ ບັນດາເຜົ່າໃນທົ່ວປະເທດ. ສິ່ງ ທີ່ສະມາຊິກພັກຈະຕ້ອງສະແດງອອກຢ່າງຈະແຈ້ງໃນເງື່ອນໄຂໃໝ່ນັ້ນແມ່ນຕ້ອງເປັນຄົນຈົງ ຮັກພັກດີ ແລະ ສັດຊື່ຕໍ່ພັກ, ມີລະ ດັບຄວາມຮູ້ຄວາມສາມາດທີ່ ແນ່ນອນ. ສະມາຊິກພັກຕ້ອງ ເປັນ ຄົນຈົງຮັກພັກດີ ແລະ ສັດ ຊື່ຕໍ່ພັກ, ມີລະດັບຄວາມຮູ້ຄວາມ ສາມາດທີ່ແນ່ນອນ. ສະມາຊິກ ພັກຕ້ອງເປັນຄົນສັດຊື່ຈິງ ຈັງຈິງ ໃຈ, ບໍ່ຄິດທຳລະຍົດຄົດລ້ຽວ ຕໍ່ພັກ ແລະ ຕໍ່ປະຊາຊົນ.

ສິ່ງທີ່ສຳຄັນການນຳຂອງພັກທຸກຂັ້ນບໍ່ພາກັນສໍ້ລາດບັງ ຫລວງ, ບໍ່ນຳເອົາຖານະຕຳ ແໜ່ງຂອງພັກໄປສ້າງ ຜົນປະ ໂຫຍດໃຫ້ຕົນເອງ ແລະ ພວກ ພ້ອງ. ໃນສະພາບເງື່ອນໃໝ່ ຂອງປະເທດຊາດທີ່ພວກກ້າວ ເຂົ້າຍຸກພັດທະນາໄດ້ມີສະມາ ຊິກພັກຈຳນວນບໍ່ໜ້ອຍເປັນ ສະມາຊິກພັກພຽງແຕ່ຊື່ແຕ່ບໍ່ ມີຄຸນນະພາບ. ຍ້ອນວ່າບັນດາ ສະຫາຍເຫລົ່ານັ້ນບໍ່ປະຕິບັດ ຕາມກົດລະບຽບຂອງພັກຢ່າງ ເຄັ່ງຄັດ, ບໍ່ພາກັນຕັ້ງໜ້າປະຕິບັດ ມະຕິຄຳສັ່ງຂອງພັກ, ເຮັດວຽກ ພໍມ້າມແປະພຸງ. ນຳພາການປະ ຕິບັດແຜນງານຂອງພັກບໍ່ໄປ ເຖິງເປົ້າ. ສິ່ງທີ່ສະແດງອອກ ຢ່າງຈະແຈ້ງນັ້ນກໍຄືປະຕິບັດ ຕາມແຜນລາຍຮັບປະຈຳປີບໍ່ໄດ້ຕາມຄາດໝາຍກົງຂ້າມໃນ ດ້ານຜົນປະໂຫຍດສ່ວນຕົວພັດ ເກີດຄວວາມຮັ່ງມີຜິດປົກກະຕິ ໃນຖັນແຖວການນຳຂອງພັກຢູ່ແຕ່ລະກົມກອງທ້ອງຖິ່ນ. ຈາກ ສາເຫດດັ່ງກ່າວຜ່ານການກວດກາຂອງອົງການກວດກາພັກ-ລັດໃນປີຜ່ານມາຈຶ່ງມີຜົນກະ ທົບເຖິງຕົວເລກຈຳນວນ 500 ກວ່າຕື້ທີ່ບໍ່ເຂົ້າງົບປະມານ.

ເຖິງໃດກໍດີ, ເຮົາຄິດວ່າ ຜ່ານການເຜີຍແຜ່ຄຳສັ່ງເລກ ທີ 01/ກມສພ ລົງວັນທີ 3 ມັງ ກອນ 2018 ກ່ຽວການເພີ່ມ ທະວີການກໍ່ສ້າງໜ່ວຍພັກປອດໃສເຂັ້ມແຂງ, ໜັກແໜ້ນຈະ ເຮັດໃຫ້ກົງຈັກຂອງພັກ, ສະມາ ຊິກພັກຢູ່ແຕ່ລະກົມກອງທ້ອງ ຖິ່ນກ້າວສູ່ຄຸນນະພາບໃໝ່ໃນ ອະນາຄົດ./.