ສຳເລັດການແຂ່ງຂັນເປຕັງຊີງເງິນ ລາງວັນ-ຮູບແຕ້ມສະຖາບັນວິຈິດສິນ
ໃນວັນທີ 11 ກຸມພາຜ່ານມາ, ທີ່ສະຖາບັນວິຈິດສິນ ໄດ້ສຳເລັດການແຂ່ງຂັນເປຕັງຊີງເງິນລາງວັນ -ຮູບແຕ້ມຫົວໜ້າສະຖາບັນວິຈິດສິນ ໂດຍໃຫ້ກຽດມອບລາງວັນຂອງທ່ານ ໄມສິງ ຈັນບຸດດີ ຫົວໜ້າສະຖາບັນວິຈິດສິນ, ມີບັນດາແຂກຖືກເຊີນ ແລະ ນັກກິລາເຂົ້າຮ່ວມ.
ການແຂ່ງຂັນຄັ້ງນີ້ປະກອບມີ 2 ຮຸ່ນຄື: ຮຸ່ນອາວຸໂສ ແລະ ຮຸ່ນທົ່ວໄປ ເຊິ່ງມີນັກກິລາເຂົ້າຮ່ວມແຂ່ງຂັນທັງໝົດ 29 ທີມ, ໃນນັ້ນຮຸ່ນອາວຸໂສມີ 16 ທີມ, ຮຸ່ນຊາວໜຸ່ມມີ 13 ທີມ. ຜ່ານການແຂ່ງຂັນຜົນປະກົດວ່າຮຸ່ນອາວຸໂສ ອັນດັບທີ 1 ໄດ້ແກ່: ບ້ານໂນນສະຫວ່າງຫລໍ່ເສົາ, ອັນດັບທີ 2 ໄດ້ແກ່ທີມທ່ານ ບຸນມາ ປ່ຽງປັນຍາ, ອັນດັບທີ 3 ໄດ້ແກ່ກົມວິຈິດສິນ, ອັນດັບທີ 4 ໄດ້ແກ່ທີມບ້ານດ່ານຊ້າງ; ສ່ວນຮຸ່ນຊາວໜຸ່ມ ອັນດັບທີ 1 ໄດ້ແກ່ທີມຫໍພິພິທະພັນແຫ່ງຊາດ, ອັນດັບທີ 2 ໄດ້ແກ່ກອງສິລະປະກອນແຫ່ງຊາດ, ອັນດັບທີ 3 ໄດ້ແກ່ຫ້ອງການກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ອັນດັບທີ 4 ໄດ້ແກ່ກອງສິລະປະກອນແຫ່ງຊາດ.
ຂະນະທີ່ລາງວັນຮຸ່ນຊາວໜຸ່ມອັນດັບທີ 1 ໄດ້ຮັບຮູບແຕ້ມ 1 ແຜ່ນ ພ້ອມເງິນສົດ 1 ລ້ານກີບ, ອັນດັບທີ 2 ໄດ້ຮັບຮູບແຕ້ມ 1 ແຜ່ນ ພ້ອມເງິນສົດ 7 ແສນກີບ, ອັນດັບທີ 3 ໄດ້ຮັບຮູບແຕ້ມ 1 ແຜ່ນ ພ້ອມເງິນສົດ 5 ແສນ, ອັນດັບທີ 4 ໄດ້ຮັບເງິນສົດ 3 ແສນກີບ; ຂະນະທີ່ລາງວັນຮຸ່ນອາວຸໂສ ອັນດັບທີ 1 ໄດ້ຮັບຮູບແຕ້ມ 1 ແຜ່ນ ພ້ອມເງິນສົດ 7 ແສນກີບ, ອັນດັບທີ 2 ໄດ້ຮັບຮູບແຕ້ມ 1 ແຜ່ນ ພ້ອມເງິນສົດ 5 ແສນກີບ, ອັນດັບທີ 3 ໄດ້ຮັບຮູບແຕ້ມ 1 ແຜ່ນ ພ້ອມເງິນສົດ 3 ແສນກີບ, ອັນດັບທີ 4 ໄດ້ຮັບເງິນສົດ 2 ແສນກີບ.
