ເຮືອບິນຣັດເຊຍຕົກຫລັງບິນຂຶ້ນ ຈາກນະຄອນຫລວງມົດສະກູ

​ເຮືອບິນ​ໂດຍສານ​ຂອງຣັດ​ເຊຍ​ຕົກ ຫລັງ​ຈາກ​ບິນ​ຂຶ້ນຈາກ​ສະໜາມ​ບິນ​ໂດ​ໂມ​ເດ​ໂດ​ໂວ (Domodedovo Airport) ​ໃນ​ນະຄອນຫລວງ​ມົດ​ສະ​ກູ ພ້ອມ​ຄົນ​ໃນ​ເຮືອນ​ບິນ 71 ຄົນ.

Russia's Ministry of Emergency Situations (EMERCOM) released footage on Sunday showing a massive search and rescue operation underway near the village of Argunovo, where an An-148 airliner crashed earlier in the day, killing 71 people pic.twitter.com/htq52ZP5NG

— Ruptly (@Ruptly) February 12, 2018

ຂະນະ​ເກີດ​ເຫດ ​ເຮືອບິນ​ເຈັທ An-148 ຂອງ​ສາຍ​ການບິນ​ຊາຣາຕອຟ​ແອຣ​ລາຍ (Saratov Airlines) ກຳລັງ​ເດີນທາງ​ໄປ​ເມືອງ​ອັອກ (Orsk) ​ເທິງ​ພູ​ອູຣາລ ​ໃກ້​ກັບ​ຊາຍ​ແດນຣັດ​ເຊຍ​ທີ່ຢູ່​ຕິດ​ກັບ​ກາ​ຊັກ​ສະຖານ.

​ເຮືອບິນ​ລຳ​ດັ່ງກ່າວ​ສູນຫາຍ​ໄປ​ຈາກ​ຈໍ​ເຣດາ ຫລັງ​ຈາກ​ບິນ​ຂຶ້ນ​ໄດ້​ບໍ່​ເທົ່າ​ໃດ​ນາທີ ​ແລະ ມີ​ລາຍ​ງານ​ວ່າ​ຕົກ​ໃກ້​ກັບ​ບ້ານ​ອາຣກູ​ໂນ​ໂວ (Argunovo) ​ເຊິ່ງຢູ່​ຫ່າງ​ຈາກ​ນະຄອນຫລວງ​ມົດ​ສະ​ກູ​ໄປ​ທາງ​ຕາ​ເວັນ​ອອກສຽງ​ໃຕ້​ປະມານ 80 ກິ​ໂລ​ແມັດ. ​ເຮືອ​ບິນ​ລຳ​ດັ່ງກ່າວ​ມີ​ຜູ້​ໂດຍສານ 65 ຄົນ ​ແລະ ລູກ​ເຮືອ 6 ຄົນ.

Investigators search for clues amongst wreckage of flight 6W703 pic.twitter.com/n8T5BvNURY

— Ruptly (@Ruptly) February 11, 2018

ທາ​ງການຣັດ​ເຊຍ​ຄາດ​ວ່າ​: ປະຕິບັດ​ການຄົ້ນຫາ ​ແລະ ກູ້​ໄພ​ຈາກ​ເຫດ​ເຮືອບິນ​ຕົກ​ທີ່​ມີ​ຜູ້​ເສຍ​ຊີວິດ​ທັງ​ໝົດ 71 ຄົນ​ອາດ​ໃຊ້​ເວລາ​ເປັນ​ອາທິດ.