ບໍລິສັດ AB ມອບເຄື່ອງນຸ່ງຫົ່ມ ໃຫ້ອົງການກາແດງລາວຊ່ວຍປະຊາຊົນເຂດຫ່າງໄກສອກຫຼີກ ມີມູນຄ່າ 650.000 ໂດລາ
February 7, 2018 - 7:02 PM
ບໍລິສັດ ເອບີ (AB) ກໍ່ສ້າງ-ຂົວທາງ ແລະ ສ້ອມແປງເຄຫາສະຖານ ຈໍາກັດ ແລະ ພາກສ່ວນບໍລິການໃນ ສປ ຈີນ, ໄດ້ມອບເຄື່ອງນຸ່ງຫົ່ມ ໃຫ້ອົງການກາແດງລາວ ຈໍານວນ 1 ແສນຜືນ, ລວມມີມູນຄ່າ 650.000 ໂດລາສະຫະລັດ ເພື່ອຊ່ວຍເຫຼືອປະຊາຊົນຜູ້ທຸກຍາກຂາດເຂີນໃນເຂດຫ່າງໄກສອກຫຼີກ ຊຶ່ງມີພິທີມອຍ-ຮັບໄດ້ມີຂຶ້ນໃນທ້າຍອາທິດນີ້, ທີ່ແຂວງຫຼວງພະບາງ ລະຫວ່າງ ທ່ານ ເຈິນ ຈຽງ ຜູ້ອຳນວຍການໃຫຍ່ບໍລິສັດດັ່ງກ່າວ ແລະ ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ ແລະ ເວລາຕໍ່ມາອົງການກາແດງລາວໄດ້ມອບເຄື່ອງນຸ່ງຫົ່ມດັ່ງກ່າວໃຫ້ແຂວງຫຼວງພະບາງ ຈຳນວນ 60.000 ຜືນ, ແຂວງວຽງຈັນ 30.000 ຜືນ ແລະ ອີກ 10.000 ຜືນ, ອົງການກາແດງລາວ ກະກຽມໄວ້ເພື່ອຊ່ວຍເຫຼືອບັນດາແຂວງຕ່າງໆທີ່ຕ້ອງການໃນເວລາສຸກເສີນ.
