ຫົວໜ້າ ປກສ ແຂວງສະຫວັນນະເຂດຊີ້ນຳວຽກງານຢູ່ເມືອງສອງຄອນ

ພັອ ຄຳພົນ ສີຫາປັນຍາ ຫົວໜ້າກອງບັນຊາການ ປກສ ແຂວງສະຫວັນນະເຂດ ພ້ອມ ຄະນະໄດ້ລົງເຄື່ອນໄຫວຊຸກຍູ້ ຊີ້ນຳວຽກງານ ປກສ ຢູ່ເມືອງ ສອງຄອນ ໃນວັນທີ 1 ກຸມພາ ນີ້, ໂດຍມີຄະນະກອງບັນຊາ ການ, ຄະນະພະແນກ ແລະ ພະ ນັກງານຫຼັກແຫຼ່ງພາຍໃນ ປກສ ເມືອງ ເຂົ້າຮ່ວມ.

+ ຮອງເຈົ້າແຂວງສະຫວັນນະເຂດລົງຊີ້ນຳວຽກງານຢູ່ ເມືອງອາດສະພອນ

+ ເຜີຍແຜ່ນິຕິກໍາກ່ຽວກັບວຽກງານກໍ່ສ້າງພັກ ແລະ ຄຸ້ມຄອງພະນັກງານ

ພັທ ສີເຮືອງ ອິນພິດານ ຫົວໜ້າກອງບັນຊາການ ປກສ ເມືອງສອງຄອນໄດ້ລາຍງານ ວ່າ: ໃນປີຜ່ານມາ ປກສ ເມືອງ ໄດ້ສຸມໃສແກ້ໄຂສະພາບການ ປະກົດການຫຍໍ້ທໍ້ເປັນຕົ້ນ ແມ່ນແກ້ໄຂຄະດີຊິງຊັບ, ຂີ້ລັກ ງັດແງະ, ຄ້າຂາຍເຖື່ອນ, ມ້າງ ຈຸດມົ້ວສຸມ ແລະ ຄ້າຂາຍຢາ ເສບຕິດ, ສຶກສາເປົ້າໝາຍແຂ່ງ ລົດຂັບລົດໄວໃຊ້ສຽງດັງ ແລະ ນັກເລງອັນຕະພານຢ່າງຕໍ່ ເນື່ອງຜ່ານມາມີຄະດີເກີດຂຶ້ນ 99 ເລື່ອງຜູ້ຖືກຫາທັງໝົດ 283 ຄົນ ຍິງ 18 ຄົນ ແກ້ໄຂ ໄດ້ 91 ເລື່ອງຄະດີລັກຊັບພົນ ລະເມືອງ 27 ເລື່ອງ; ເກັບກູ້ 23 ຄັນ, ປຸ້ນຊັບ ແລະ ຊິງຊັບ 4 ເລື່ອງຜົນເສຍຫາຍເງິນກີບ 166,000,000 ກີບ. ເງິນ ບາດ 2.465.000 ບາດ; ເກັບ ກູ້ຄືນມາໄດ້ ແລະ ສົ່ງເຈົ້າ ຂອງ ເດີມ 100 ກວ່າລ້ານ ກີບ; ເງິນບາດ 305.000 ບາດ, ຄະດີຢາ ເສບຕິດມີ 73 ເລື່ອງ; ຜູ້ຖືກຫາ 100 ຄົນ ຍິງ 15 ຄົນ; ຢຶດ ຂອງກາງຢາ ບ້າໄດ້ 53.726 ເມັດ, ຄະດີ ອຸບັດຕິເຫດເກີດຂຶ້ນທັງໝົດ 69 ຄັ້ງເສຍຊີວິດ 11 ຄົນ ຍິງ 6, ພາຫະນະເປ່ເພ 112 ຄັນ ແລະ ລາຍຄະດີອື່ນໆ.

ໂອກາດດຽວກັນຫົວ ໜ້າກອງບັນຊາການ ປກສ ແຂວງ ຍ້ອງຍໍຊົມເຊີຍ ປກສ ເມືອງທີ່ໄດ້ຕັ້ງໜ້າສຸມໃສ່ເຮັດ ໜ້າທີ່ວິຊາສະເພາະຂອງຕົນ ໄດ້ສຳເລັດໜ້າທີ່ ເຊິ່ງມັນ ສະແດງອອກໃນການແກ້ໄຂ ບັນຫາປະກົດການ, ສະພາບ ການຕ່າງໆ ທີ່ເກີດຂຶ້ນເຮັດ ໃຫ້ເມືອງມີຄວາມສະຫງົບ ໂດຍພື້ນຖານພ້ອມນີ້ໄດ້ເນັ້ນ ໃຫ້ບຸກບືນຂຶ້ນຕື່ມເປັນຕົ້ນເອົາ ໃຈໃສ່ຕິດຕາມແກ້ໄຂບັນຫາ ການລັກຊັບ, ຄ້າຂາຍເຖື່ອນ, ຢາເສບຕິດ, ອຸບັດຕິເຫດ, ເອົາ ໃຈໃສ່ວຽກງານສັນຕິບານ ໂດຍ ສະເພາະການຄຸ້ມຄອງຄົນ ຕ່າງ ປະເທດ, ປ້ອງກັນປະກົດການ ຫຍໍ້ທໍ້ພາຍໃນກຳລັງ,ວຽກງານ ຈະລາຈອນການຕັ້ງດ່ານຈຸດ ກວດກາຕ່າງໆ ໃຫ້ຖືກຕ້ອງ ສອດຄ່ອງ, ປັບປຸງການປະຕິ ບັດໜ້າທີ່ຕໍ່ປະຊາຊົນບໍ່ໃຫ້ເກີດ ຫາງສຽງຈາກສັງຄົມ, ເພີ່ມ ທະວີຄວາມຮັບຜິດຊອບຂອງ ຄະນະພັກຄະນະບັນຊາການ ເອົາໃຈໃສ່ວຽກງານການ ສຶກສາອົບຮົມການເມືອງ ແນວຄິດຢ່າງເປັນປະຈຳເພື່ອ ພ້ອມກັນເຮັດໜ້າທີ່ການ ເມືອງໃນໄລຍະໃໝ່ທີ່ ພັກ-ລັດ ມອບໝາຍໃຫ້ສຳເລັດ.