ຄວາມຕາຍຍັງໜັກໜ້າຢາບ້າຍັງໜັກໜ່ວງ

ໂດຍ: ທິດກ່ຳ

ໃນປີ 2017 ຜ່ານມາ, ເວົ້າ ເຖິງປະກົດການຫຍໍ້ທໍ້ຢູ່ບ້ານ ເຮົາ ແມ່ນຍັງມີບາງຢ່າງທີ່ມັນຍັງຄ້າງ ຄາເກາະຫ້ອຍ ແລະ ພົ້ນເດັ່ນ, ເບິ່ງ ຢ່າງໜຶ່ງຄືມັນໜັກໜ້າ ແລະ ກໍ ໜັກໜ່ວງຢູ່ ເຊິ່ງໃນປີ 2018 ນີ້ ເຮົາຈະຕ້ອງໄດ້ສືບຕໍ່ແກ້ໄຂຢ່າງ ຈິງຈັງທັງເດັດຂາດ ແລະ ເຖິງກົກ ເຖິງຮາກ ໜຶ່ງໃນບັນຫາພົ້ນເດັ່ນທີ່ ກ່າວມານີ້ ກໍຄືຄວາມຕາຍປະຈຳ ວັນໃນທ້ອງຖະໜົນ. ສ່ວນບັນຫາ ໜຶ່ງອີກກໍແມ່ນຢາບ້າທີ່ຕາມລ່າ ລ້າງຜານຂ້າຄົນ. ໃນສອງປະ ເດັນທີ່ທິດກ່ຳໄດ້ຍົກຂຶ້ນມານີ້ຖື ວ່າຍັງໜັກໜ້າ ແລະ ໜັກໜ່ວງ ໃນປັດຈຸບັນເວົ້າເລື່ອງຄວາມຕາຍ ໃນທ້ອງຖະໜົນເປັນລາຍວັນມາ ບວກເປັນອາທິດແມ່ນບໍ່ຕ່ຳກວ່າ 5 ຫາ 10 ຄົນສະເພາະຢູ່ນະຄອນ ຫລວງວຽງຈັນ, ແຕ່ຖ້າມາບວກ ໃສ່ທົ່ວປະເທດມັນຈະເປັນຈັກສິບຈັກຮ້ອຍ ແລະ ປີໜຶ່ງມັນຈະຕາຍ ຈັກຄົນແມ່ນພວກເຮົາຄິດເອົາ. ສ່ວນຢາບ້ານັ້ນທາງເຈົ້າໜ້າທີ່ ກ່ຽວຂ້ອງເພິ່ນກໍບໍ່ໄດ້ລົດລະ, ເຊິ່ງ ໃນແຕ່ລະວັນຫລື ແຕ່ລະອາທິດ ກໍໄດ້ມ້າງກຸ່ມແກ້ງ ແລະ ຈັບກຸ່ມ ໄປຕິກໆ. ບາງກຸ່ມແກ້ງກໍມີຢາບ້າ ເປັນຄັນລົດ, ຖືວ່າຈັບໄດ້ທັງຂອງ ກາງ ແລະ ທັງຄົນຜູ້ກະທຳຜິດ ໃນວັນທີ 23 ມັງກອນທີ່ຜ່ານມາ ນີ້, ແຫລ່ງສື່ອອນລາຍຂອງລາວ ແລະ ໄທກໍໄດ້ອອກຂ່າວວ່າ ໄດ້ບຸກ ຢຶດ ແລະ ຈັບຂອງກາງຢາບ້າທີ່ ຂົນເຂົ້າຈາກລາວຫລາຍສິບມັດ ໃຫຍ່ພ້ອມດ້ວຍຜູ້ກະທຳຜິດທີ່ ເປັນລາວໜຶ່ງຄົນ. ສ່ວນຢູ່ບ່ອນ ອື່ນໆ ພາຍໃນປະເທດໃນແຕ່ລະ ມື້ທາງເຈົ້າໜ້າທີ່ກ່ຽວຂ້ອງກໍສາມາດຈັບພວກກຸ່ມແກ້ງທີ່ເຄື່ອນ ໄຫວດ້ານນີ້ໄປຫລາຍລາຍໃນ ແຕ່ລະວັນ. ດ້ວຍສາເຫດນີ້ລະ ທິດກ່ຳ ຈຶ່ງວ່າຄວາມຕາຍເບິ່ງຄື ວ່າ ມັນຍັງໜັກໜ້າ, ສ່ວນຢາບ້າ ມັນກໍຍັງໜັກໜ່ວງ.

+ ມື້ຫນຶ່ງມີຜູ້ເສຍຊີວິດຈາກອຸປະຕິເຫດບໍ່ຫລຸດ 3 ຄົນ

+ ຕຳຫລວດແຂວງຄຳມ່ວນຈັບຜູ້ຄ້າຢາເສບຕິດພ້ອມຂອງກາງຢາບ້າ 32 ເມັດ

ເວົ້າເຖິງຄວາມຕາຍໃນ ທ້ອງຖະໜົນສາເຫດຫລັກໆ ກໍ ແມ່ນຍ້ອນນ້ຳເມົາ ແລະ ການ ລະເມີດກົດຈະລາຈອນ ໃນສອງ ຢ່າງນີ້ມັນກໍໄດ້ຄຽງຄູ່ກັນຖ້າ ວ່າດື່ມເຫລົ້າເມົາແລ້ວເພິ່ນພັດ ອວດອ້າງຂັບລົດ, ບໍ່ຈັກທິບຈັກ ດັນຢຽບຄັນເລັ່ງໄປຕິກໆ ສຸດ ທ້າຍກໍເກີດອຸປະຕິເຫດ. ຄັນວ່າ ເຫລົ້າວ່າ ເບຍມັນກໍມີຂາຍຢູ່ທຸກ ໝ້ອງ. ສັງຄົມບ້ານເຮົາດຽວນີ້ ເຮັດຫຍັງກໍມີແຕ່ອາໄສເຫລົ້າ ເປັນຂອງຄູ່ໃຈ, ອາໄສເບຍເປັນ ຕົວວັດຖານະຕຳ ແໜ່ງເຮັດຫຍັງ ທຳຫຍັງລົງໄປ ກໍຕ້ອງໄດ້ມ່ວນ; ເຮັດບຸນກໍຕ້ອງມີເຫລົ້າ, ແຕ່ງ ດອງກໍຕ້ອງມີເຫລົ້າ, ຜູກແຂນ ກໍຕ້ອງມີເຫລົ້າ, ງານພົບປະສັງ ສັນສະຫລຸບວຽກງານກໍຕ້ອງມີ ເຫລົ້າ, ພົບໜ້າພົບຕາກັນໝູ່ຄູ່ ມາຢາມເຮືອນກໍຕ້ອງໄດ້ກ໊ອກ, ດີໃຈຫລາຍກໍເອົານ້ຳເມົາມາສະ ຫລອງ, ເສຍໃຈຫລາຍກໍເອົາ ນ້ຳເຫລົ້າມາແກ້ກຸ້ມ, ສົມຮັກສົມ ຫວັງ ແລະ ຜິດຫວັງກໍຕ້ອງໄດ້ ເອົາເຫລົ້າເອົາເບຍມາເປັນສັນຍາ ລັກເອົາໄປເອົາມາເກືອບວ່າ ກາຍ ເປັນປະເພນີໄປແລ້ວ. ສ່ວນວ່າ ເລື່ອງຢາບ້ານັ້ນປາບເທົ່າໃດກໍ ປະກົດວ່າມີຂຶ້ນຕິກໆ, ຈັບໄດ້ຄັ້ງ ນີ້ ຄັ້ງໜ້າຫລາຍກວ່າເກົ່າ, ເຮັດ ຫລາຍກວ່າເກົ່າ, ທັງຜູ້ຂາຍຜູ້ເສບ ກໍແຜ່ລາມໄປເກືອບທຸກໝ້ອງ. ຈາກສອງປະກົດການຫຍໍ້ທໍ້ທີ່ ມັນ ຍັງພົ້ນເດັ່ນໃນບ້ານ ເຮົານີ້ໄດ້ກາຍ ເປັນປັດໄຈ ໜຶ່ງທີ່ກົດໜ່ວງຖ່ວງ ດຶງຄວາມຈະເລີນ ຂອງຊາດ ເຊິ່ງ ມີຄວາມຈຳເປັນພວກເຮົາຕ້ອງ ໄດ້ພ້ອມກັນແກ້. ສ່ວນວ່າວິທີແກ້ ນັ້ນມັນກໍຂຶ້ນກັບຕົວເຮົາເອງເປັນ ຜູ້ກຳນົດ.

ເຖິງຢ່າງໃດກໍດີ, ຕາມເຮົາ ຄິດ ໃນເງື່ອນໄຂທີ່ບ້ານເມືອງ ເຮົາ ພວມເລັ່ງລັດພັດທະນາສິ່ງຕາມ ມາກໍຕ້ອງມີຫລາຍອັນຫລາຍ ຢ່າງ, ມີທັງອັນດີ ແລະ ອັນຮ້າຍ, ແຕ່ສິ່ງສຳຄັນພວກເຮົາຕ້ອງເປັນເຈົ້າ ເພື່ອພ້ອມກັນສ້າງສິ່ງທີ່ດີໆ ໃຫ້ມັນຫລາຍໆ ພ້ອມດຽວກັນນັ້ນ ກໍຕ້ອງພະຍາຍາມປາບສິ່ງເຮີະ ຮ້າຍໃນສັງຄົມໃຫ້ມັນຫລຸດໜ້ອຍຖອຍລົງ ກ້າວໄປເຖິງໃຫ້ມັນ ເຫືອດຫາຍໄປຈາກສັງຄົມບ້ານ ເຮົາ,ຖ້າບໍ່ເປັນຄືດັ່ງວ່ານີ້ ສັງຄົມ ຈະບໍ່ເປັນສຸກ ແລະ ຍືນຍົງ,ຄຳ ວ່າ ສິນທຳ, ມະນຸດສະທຳ ແລະ ອະລິຍະທຳນັ້ນມັນບໍ່ໄດ້ເຂົ້າຂ້າງ ອອກຂາໃຜ, ໃຜເຮັດໃຜໄດ້ຜູ້ໃດ ສ້າງຜົນເສຍຫາຍບ້ານເມືອງກໍ ຈິບຫາຍເພາະຜົນຂອງການກະ ທຳນັ້ນຍ່ອມສະໝອງແທນດ້ວຍຜົນຂອງກຳ./.