ຊາຍໜຸ່ມແຕ່ງຕົວດ້ວຍການນຸ່ງເຄື່ອງເກົ່າໆ ໄປງານລ້ຽງຮຸ່ນໝູ່ສະໄໝຮຽນ ຖືກໝູ່ເວົ້າຈາຢຽບຫຍາມ ເຂົາຕັດສິນໃຈເຮັດສິ່ງນີ້ກາງງານ ຊັອກກັນທັງງານ !

ເມື່ອການເວລາຜ່ານໄປຄົນເຮົາມັກຈະມີຄວາມຄິດເຖິງອະດີດ, ຄິດເຖິງໝູ່ເພື່ອນເກົ່າໆ ຢາກກັບມາພົບກັນອີກຄັ້ງໃນຊີວິດກໍຍັງດີ ຈົນກະທັ່ງໝູ່ເພື່ອນໄດ້ນັດລວມຕົວລ້ຽງຮຸ່ນສະໄໝຮຽນ ຂ້ອຍດີໃຈຫຼາຍທີ່ຈະໄດ້ພົບໝູ່ເພື່ອນທີ່ຫ່າງກັນໄປເກືອບ 20 ປີ ພຽງແຕ່ຄິດກໍຕື່ນເຕັ້ນແລ້ວ ແຕ່ພັນລະຍາຂອງຂ້ອຍກໍໄດ້ເຕືອນວ່າ ໃຫ້ລະວັງ ເພາະໝູ່ເພື່ອນທີ່ຫ່າງຫາຍກັນໄປດົນພໍມາພົບກັນອາດບໍ່ເປັນຄືເກົ່າ ເພາະບາງຄົນກໍໄປໄດ້ດີ ແຕ່ບາງຄົນກໍບໍ່ໄດ້ດີ ພໍຂ້ອຍໄດ້ຍິນແບບນັ້ນແລ້ວ ກໍຮູ້ສຶກວ່າພັນລະຍາອາດຈະຄິດຫຼາຍໄປເອງ ຂ້ອຍຂໍໃຫ້ພັນລະຍາເວົ້າຕົງໆ ເພາະບາງທີ່ການອ້ອມຄ້ອມໄປມາກໍບໍ່ສາມາດເຂົ້າໃຈໄດ້ ພັນລະຍາຈຶ່ງບອກວ່າ ບໍ່ມີຫຍັງ ພຽງແຕ່ຢາກເຕືອນໄວ້.

ຕໍ່ມາ ຂ້ອຍຕັດສິນໃຈວ່າຈະໄປເພາະຄິດວ່າໝູ່ເພື່ອນທີ່ບໍ່ໄດ້ພົບກັນມາດົນນານ ຫາກມາພົນກັນອີກຕ້ອງມີເລື່ອງໃຫ້ລົມກັນຫຼາຍແນ່ນອນ ແຕ່ກໍຢາກລອງໃຊ້ວິທີທີ່ພັນລະຍາເຕືອນ  ຂ້ອຍຈຶ່ງຄິດແຜນວ່າຈະລອງແຕ່ງຕົວທໍາມະດາໄປຮ່ວມງານ ເບິ່ງວ່າໝູ່ເພື່ອນຈະວ່າແນວໃດ.

ພໍໄປເຖິງໃນງານຂ້ອຍກໍໄດ້ລົມກັບໝູ່ເພື່ອນວ່າ ຕອນນີ້ຊີວິດບໍ່ຄ່ອຍດີປານໃດ ເພາະວ່າຂາຍໝາກໄມ້ແຄມທາງ ລາຍໄດ້ມີແດ່ຂາດແດ່ ພໍໝູ່ເພື່ອນໄດ້ຍິນກໍແຂ່ງກັນເວົ້າຈາໂອ້ອວດໃສ່ ບາງຄົນກໍບອກວ່າເປັນຫຍັງບໍ່ຕິດຕໍ່ມາຈະໄດ້ຊ່ວຍເຫຼືອ ຊຶ່ງຕອນທໍາອິດຕັ້ງໃຈວ່າຈະຮ່ວມກັນອອກເງິນງານລ້ຽງຮຸ່ນຄັ້ງນີ້ ແຕ່ພໍເຫັນຂ້ອຍລາຍໄດ້ບໍ່ຄ່ອຍມີ ຈຶ່ງບໍ່ຢາກໃຫ້ຂ້ອຍອອກເງິນ ແລ້ວພວກເຂົາຈະເປັນຄົນລ້ຽງຂ້ອຍເອງ, ໝູ່ເພື່ອນບອກໃຫ້ຂ້ອຍກິນໃຫ້ເຕັມທີ່, ຢາກໄດ້ຫຍັງເພີ່ມໃຫ້ສັ່ງມາ ແລ້ວກໍແຂ່ງກັນເວົ້າຈາໂອ້ອວດໃສ່ກັນຕໍ່ໄປ ພໍຂ້ອຍເຫັນເຊັ່ນນີ້ກໍຮູ້ສຶກບໍ່ຄ່ອຍສະບາຍໃຈ, ບໍ່ຢາກຢູ່ຈຸດນີ້ອີກ ພວກເຂົາໄດ້ທີ່ກໍຢຽບຫຍາມຄົນທີ່ລົ້ມລົງດ້ວຍຄໍາເວົ້າ ເຮັດໃຫ້ຄົນຟັງຮູ້ສຶກອຶດອັດໃຈ ແລະ ອັບອາຍ ພໍຄິດເຖິງບ່ອນນີ້ ຂ້ອຍກໍເຫັນດ້ວຍກັບພັນລະຍາຂອງຂ້ອຍຂຶ້ນມາທັນທີ  ຂ້ອຍຈຶ່ງຕັດສິນໃຈກູ້ໜ້າຂອງຂ້ອຍກັບຄືນ ໂດຍການຍ່າງອອກໄປທີ່ຄິດເງິນ ແລ້ວຈ່າຍເງິນຄ່າອາຫານໃນງານລ້ຽງຂອງມື້ນັ້ນເອງ.

            ເມື່ອທຸກຄົນຍ່າງອອກມາ ແລະ ເຫັນ ກໍຕ່າງຕົກໃຈ ຂ້ອຍຈຶ່ງຕ້ອງເວົ້າໄປວ່າ “ງານມື້ນີ້ໝູ່ເພື່ອນບໍ່ຕ້ອງຈ່າຍ ດຽວຂ້ອຍລ້ຽງເອງ ເຖິງຂ້ອຍຈະບໍ່ລວຍ ແຕ່ກໍບໍ່ໄດ້ຈົນນໍ້າໃຈ” ພໍເວົ້າຈົບເທົ່ານັ້ນ ຂ້ອຍກໍຍ່າງອອກມາທັນທີ. ຄວາມຈິງແລ້ວການຮ່ວມຮຸ່ນເປັນງານທີ່ຈັດຂຶ້ນ ເພື່ອໃຫ້ໝູ່ເພື່ອນເກົ່າໆທີ່ຫ່າງຫາຍກັນໄປໄດ້ມາພົບກັນອີກຄັ້ງ ບໍ່ຄວນເອົາເລື່ອງເລັກນ້ອຍມາໃສ່ໃຈ ເພາະອາດເຮັດໃຫ້ເສຍມິດຕະພາບໄດ້ຄືກັບກໍລະນີນີ້.