ແມນຊິຕີ້ ຄວ້າ ລາປອກ ດ້ວຍຄ່າຕົວ ເປັນສະຖິຕິຂອງສະໂມສອນ
January 31, 2018 - 5:45 PM
ແມນເຊັສເຕີ ຊິຕີ້ ສະໂມສອນໃນພຣີເມຍລີກ ອັງກິດ ເປີດຕົວ ເອມເມີຣິກ ລາປອກ ເຂົ້າມາເປັນນັກເຕະໃໝ່ຂອງທີມເປັນທີ່ຮຽບຮ້ອຍ ໃນວັນທີ 30 ມັງກອນຜ່ານມາ ຫລັງຍ້າຍມາຈາກ ແອັດເລຕິໂກ ບິລເບົາ ດ້ວຍຄ່າຕົວເປັນສະຖິຕິຂອງສະໂມສອນ 58 ລ້ານປອນ.
ຈາກຄ່າຕົວ 58 ລ້ານປອນ ນັ້ນເຮັດໃຫ້ເປັນສະຖິຕິໃໝ່ຂອງສະໂມສອນ ທຳລາຍສະຖິຕິເກົ່າທີ່ເຄີຍຊື້ ເຄວິນ ເດິ ບຣອຍ ກອງກາງທີມຊາດເບລຢຽມ ມາຈາກ ໂອຟບວກ ດ້ວຍຄ່າຕົວ 55 ລ້ານປອນ ໃນປີ 2015.
ສຳລັບ ລາປອກ ຫລິ້ນໃນຕຳແໜ່ງກອງຫລັງ ປັດຈຸບັນອາຍຸ 23 ປີ ລົງຫລິ້ນໃຫ້ກັບ ແອັດເລຕິໂກ ບິລເບົາ 161 ນັດ ຍິງໄດ້ 7 ປະຕູ ນັບແຕ່ປີ 2012.
