ຣີລ ມາດຣິດ ຫວັງດຶງ ເດ ເຄອາ ອີກຄັ້ງຫລັງຈົບລະດູການນີ້
January 24, 2018 - 6:38 PM


ຣີລ ມາດຣິດ ຍອດທີມແຫ່ງສະເປນ ຕົກເປັນຂ່າວກຽມຫວນກັບມາດຶງຕົວ ດາບິດ ເດ ເຄອາ ຜູ້ຮັກສາປະຕູຂອງ ແມນເຊັສເຕີ ຢູໄນເຕັດ ມາຮ່ວມທີມອີກຄັ້ງໃນລະດູການນີ້.
ສຳນັກຂ່າວຕ່າງປະເທດລາຍງານ ໃນວັນທີ 24 ມັງກອນວ່າ: ຣີລ ມາດຣິດ ຍັກໃຫຍ່ແຫ່ງວົງການ ລາລີກາ ສະເປນ ຕົກເປັນຂ່າວກຽມຫວນກັບມາດຶງ ດາບິດ ເດ ເຄອາ ຜູ້ຮັກສາປະຕູທີມຊາດສະເປນຂອງ ແມນເຊັສເຕີ ຢູໄນເຕັດ ມາຮ່ວມທີມອີກໃນລະດູການທີ່ຈະເຖິງນີ້.
ເຫດຜົນສຳຄັນທີ່ ຣີລ ມາດຣິດ ຕ້ອງກັບມາຫາ ດາບິດ ເດ ເຄອາ ອີກ ເນື່ອງຈາກເປົ້າໝາຍເກົ່າຄື ເກປາ ອາຣິຊາບາລາກາ ຜູ້ຮັກສາປະຕູດາວຮຸ່ງຂອງ ແອທເລຕິກ ບິລເບົາ ຕົກລົງເຊັນສັນຍາກັບສະໂມສອນຕົ້ນສັງກັດໄປຮອດປີ 2025 ຮຽບຮ້ອຍແລ້ວ ພ້ອມມີຄ່າຈີກສັນຍາສູງເຖິງ 80 ລ້ານເອີໂຣ.