ຄູຝຶກ U-23 ຫວຽດນາມ ຄຸມເຂັ້ມ ໃຫ້ນັກເຕະດື່ມນົມມື້ລະລິດ
ກາຍເປັນເຄັດບໍ່ລັບອີກອັນໜຶ່ງຈາກບັນຫາທີ່ ທີມຊາດຫວຽດນາມ ຮຸ່ນອາຍຸບໍ່ເກີນ 23 ປີ ທະລຸເຂົ້າຮອບຊີງຊະນະເລີດບານເຕະຊີງແຊ້ມອາຊີ 2018 ໄປພົບກັບ ອຸດສະເບກິດສະຖານ ໃນວັນທີ 27 ມັງກອນນີ້, ຫລ້າສຸດ ສື່ຫວຽດນາມລາຍງານວ່າ: 1 ໃນສາເຫດທີ່ U-23 ຂອງພວກເຮົາປະສົບຜົນສຳເລັດນັ້ນ ເພາະການຊ້ອມເຂັ້ມຂອງຄູຝຶກ ເຮັດໃຫ້ນັກເຕະພ້ອມລົງແຂ່ງຂັນຢູ່ສະເໝີ ແລະ ສຳຄັນຍັງບັງຄັບດື່ມນົມມື້ລະ 1 ລິດ.
ປາກ ຮັງ ຊໍ ຫົວໜ້າຄູຝຶກຄົນ ສ.ເກົາຫລີ ອາຍຸ 59 ປີ ເຂົ້າມາຄຸມທີມຊາດຫວຽດນາມທັງຊຸດໃຫຍ່ ແລະ U-23 ນັບແຕ່ປີຜ່ານມາ ເຊິ່ງໄດ້ສາຍາໃນເລື່ອງການຄຸມຝຶກຊ້ອມຢ່າງເຂັ້ມງວດ ເນື່ອງຈາກສະໄໝເປັນນັກເຕະເຄີຍລົງຫລິ້ນໃຫ້ກັບທີມທະຫານມາແລ້ວ.
ໂດຍສິ່ງຮືຮາທີ່ສື່ຫວຽດນາມລາຍງານວ່າ: ທຸກໆວັນ ຄູຝຶກຄົນ ສ.ເກົາຫລີ ນີ້ ຈະໃຫ້ນັກເຕະທຸກຄົນດື່ມນົມ ເຊິ່ງເຕັມໄປດ້ວຍແຮ່ທາດມື້ລະ 1 ລິດ ເຊິ່ງເປັນການເບິ່ງແຍງທາງໂພຊະນາການໃຫ້ນັກເຕະນຳອີກ.
