ສະຖານທູດອາເມລິກາປະຈຳອິດສະລາແອນ ຈະຍ້າຍໄປຢູ່ເຢລູຊາເລມ
ທ່ານ ໄມ ເປນສ໌ ຮອງປະ ທານາທິບໍດີອາເມລິກາ ທີ່ພວມ ຢ້ຽມຢາມອິດສະລາແອນ ກ່າວ ໃນວັນທີ 22 ມັງກອນນີ້ວ່າ: ຈະ ເລີ່ມດຳເນີນແຜນການຍ້າຍສະຖານທູດອາເມລິກາປະຈຳອິດ ສະລາແອນຈາກແຕນອາວິບ ໄປຢູ່ເຢລູຊາເລມຢ່າງເປັນທາງການພາຍໃນບໍ່ເທົ່າໃດອາທິດ ແລະ ສະຖານທູດແຫ່ງໃໝ່ຈະ ເລີ່ມປະຕິບັດວຽກງານຕໍ່ພາຍ ນອກກ່ອນທ້າຍປີ 2019.
ທ່ານ ເປນສ໌ ໄດ້ກ່າວແຜນ ການນີ້ໃນຂະນະກ່າວປາໄສຢູ່ລັດ ຖະສະພາອິດສະລາແອນໃນວັນດັ່ງກ່າວ ແລະ ຄຳປາໄສຂອງ ທ່ານກໍຖືກສະມາຊິກສະພາສັງກັດພັກການເມືອງອາຣັບປະ ທ້ວງ. ທ່ານ ເປນສ໌ ໄດ້ເດີນທາງ ເຖິງແຕນອາວິບໃນຕອນຄ່ຳວັນທີ 21 ມັງກອນນີ້ ແລະ ຢ້ຽມ ຢາມອິດສະລາແອນເປັນເວລາ 2 ວັນ.
ການຕັດສິນໃຈດັ່ງກ່າວ ຂອງປະທານາທິບໍດີ ທຣຳ ເຮັດ ໃຫ້ເກືອບທົ່ວໂລກກ່າວປະນາມ ອາເມລິກາ ແລະ ສ້າງຄວາມບໍ່ພໍ ໃຈຢ່າງໜັກໃຫ້ແກ່ປາແລັສຕິນ ເຊິ່ງປະຕິເສດບໍ່ຍອມພົບກັບຮອງ ປະທານາທິບໍດີ ເປນສ໌ ໃນລະ ຫວ່າງການມາຢ້ຽມຢາມຄັ້ງນີ້.
