ບໍ່ຄວນຖືເບົາຕໍ່ການຮັກສາສິ່ງແວດລ້ອມ

ໂດຍ: ທ່ຽງທຳ

ສະບາຍດີເພື່ອນຜູ້ອ່ານ ທີ່ຮັກແພງ, ອາທິດຜ່ານມານີ້, ເຫັນພາບ ແລະ ບົດຂຽນຂອງສື່ ມວນຊົນຫລາຍສະບັບອອກມາ ວິພາກວິຈານໂຮງງານຕົ້ມກັ່ນ ນ້ຳມັນດຳເພື່ອມາເປັນນ້ຳມັນ ກາຊວນຢູ່ບ້ານບໍ່ເຫລັກ ເມືອງ ໄຊທານີ້ ນະຄອນຫລວງວຽງ ຈັນ, ພາຍຫລັງໂຮງງານດັ່ງ ກ່າວບໍ່ສາມາດຄວບຄຸມ ແລະ ປະຕິບັດຖືກຕ້ອງຕາມຂະບວນ ການຜະລິດ, ກໍ່ໃຫ້ເກີດກິ່ນເໝັນ ແລະ ກິ່ນຂິວສົ່ງຜົນກະທົບຕໍ່ສະ ພາບແວດລ້ອມ ແລະ ທີ່ຢູ່ອາໄສ ຂອງປະຊາຊົນໃນເຂດໃກ້ຄຽງ, ໂດຍສະເພາະແມ່ນລະບົບການ ລະບາຍນ້ຳເສຍຂອງໂຮງງານ ດັ່ງກ່າວລົງ ສູ່ອ່າງບຳບັດແລ້ວ ລົ້ນລົງສູ່ທົ່ງນາຂອງປະຊາຊົນ ເຮັດໃຫ້ສັດນ້ຳ ແລະ ຜົນລະປູກ ໃນເຂດດັ່ງກ່າວໄດ້ຮັບຜົນກະ ທົບຈົນບໍ່ສາມາດນຳມາບໍລິໂພກ ໄດ້ ແລະ ຕໍ່ບັນຫານີ້ ໃນຜ່ານມາ ປະຊາຊົນເຂດນີ້ກໍໄດ້ນຳສະເໜີ ອຳນາດການປົກຄອງເພື່ອຕັກ ເຕືອນໃຫ້ຜູ້ເປັນເຈົ້າຂອງໂຮງ ງານປັບປຸງແກ້ໄຂແຕ່ກໍບໍ່ໄດ້ ຮັບການຮ່ວມມືແຕ່ຢ່າງໃດ ແລະ ຜ່ານມາກໍມີເຈົ້າໜ້າ ທີ່ກ່ຽວ ຂ້ອງຂອງເມືອງໄຊທານີລົງໄປ ກວດກາເບິ່ງລະອຽດແລ້ວເຖິງ 3 ຄັ້ງ, ຕໍ່ຜົນກະທົບຮ້າຍແຮງ ຂອງໂຮງງານດັ່ງກ່າວແຕ່ກໍບໍ່ ໄດ້ຮັບການປ່ຽນແປງແຕ່ຢ່າງ ໃດ ແລະ ພາກສ່ວນກ່ຽວຂ້ອງ ກໍຮູ້ດີວ່າ ການກະທຳດັ່ງກ່າວ ຂອງໂຮງງານແຫ່ງນີ້ ແມ່ນຜິດ ຕໍ່ລະບຽບກົດໝາຍຂອງ ສປປ ລາວ, ໂດຍສະເພາະແມ່ນດ້ານ ສິ່ງແວດລ້ອມແຕ່ເປັນຫຍັງບໍ່ ໄດ້ຮັບການແກ້ໄຂ ຫລື ວ່າເບື້ອງ ອຳນາດລັດຂອງເຮົາບໍ່ມີຄວາມ ເຂັ້ມແຂງພໍບໍ່? ທີ່ຈະສົ່ງໃຫ້ຜູ້ ລະເມີດຍຸດຕິການກະທຳດັ່ງ ກ່າວ, ເຊິ່ງໃນບົດຂຽນຂອງໜັງ ສືພິມສະບັບໜຶ່ງ ຍັງໄດເຜີຍວ່າ: ການສ້າງຕັ້ງໂຮງງານດັ່ງກ່າວ ແມ່ນຜິດຕໍ່ລະບຽບກົດໝາຍນ້ຳ ມັນເຊື້ອໄຟອີກດ້ວຍ, ໂດຍສະ ເພາະແມ່ນການຜະລິດ ແລະ ສະ ໜອງນ້ຳມັນບໍ່ໄດ້ມາດຕະຖານ ແລະ ໄດ້ຮັບອະນຸຍາດ ແລະ ໄປ ຄຽງຄູ່ກັບໂຮງງານນີ້ກໍຍັງມີ ຫລາຍໂຮງງານອື່ນໆ ອີກ, ໂດຍ ສະເພາະແມ່ນໂຮງງານປຸງແຕ່ງ ຢາງທີ່ໃຊ້ແລ້ວໃນເຂດດັ່ງກ່າວ ກໍສົ່ງຜົນກະທົບຮ້າຍແຮງຕໍ່ສະ ພາບແວດລ້ອມ ແລະ ສັງຄົມ ເຊັ່ນກັນ, ເຊິ່ງຈຸດນີ້ຂະແໜງກ່ຽວ ຂ້ອງຈະຕ້ອງໄດ້ເລັ່ງມືປັບປຸງ ແກ້ໄຂ ເພື່ອສ້າງນະຄອນຫລວງ ຕາມທິດສີຂຽວໃຫ້ປະກົດຜົນ ເປັນຈິງ.

+ ການແກ້ໄຂບັນຫາສິ່ງແວດລ້ອມໂຄງການໄຟຟ້າພະລັງງານຄວາມຮ້ອນຫົງສາ

+ ເຊັນສັນຍາໂຄງການປັບປຸງສິ່ງແວດລ້ອມເຂດບ້ານມະໂນ