ຣີລ ມາດຣິດ ໄຟຂຽວ ໂຣນັລໂດ ຍ້າຍທີມໄດ້ຫລັງຈົບລະດູການນີ້
January 22, 2018 - 5:30 PM
ເວັບໄຊ ຢາຮູ ສະປອດ ລາຍງານວ່າ: ຟໍເຣນຕິໂນ ເປເຣຊ ປະທານສະໂມສອນ ຣີລ ມາດຣິດ ໄດ້ແຈ້ງຕໍ່ ຄຣິສເຕຍໂນ ໂຣນັລໂດ ກອງໜ້າຊາວໂປຣຕູເກດແລ້ວວ່າ ສາມາດຍ້າຍທີມໄດ້ຫລັງຈົບລະດູການນີ້ ທ່າມກາງຂ່າວລືວ່າ ເຈົ້າຂອງລາງວັນບັນລົງດໍ 5 ສະໄໝ ບໍ່ພໍໃຈທ່າທີຂອງຕົ້ນສັງກັດ ອີກທັງຍັງຮູ້ສຶກຄຽດທີ່ຖືກຕັ້ງຂໍ້ຫາຫລົບຫລີກພາສີໃນປີຜ່ານມາ.
ອະດີດດາວເຕະແມນເຊັສເຕີ ຢູໄນເຕັດ ອາຍຸ 32 ປີ ຍັງໄດ້ຮັບຄວາມສົນໃຈຈາກອະດີດຕົ້ນສັງກັດ ແຕ່ກໍມີຄູ່ແຂ່ງຄື ປາຣີສ ແຊງແຊກແມງ ທີ່ພ້ອມຈ່າຍເງິນຄ່າຈ້າງຕາມ ໂຣນັລໂດ ຮຽກຮ້ອງ. ເຖິງຢ່າງໃດກໍດີ ຄາດວ່າ ຣີລ ມາດຣິດ ອາດຮຽກຮ້ອງຄ່າຕົວຢ່າງໜ້ອຍ 100 ລ້ານປອນ ສຳລັບດາວເຕະທີ່ຍິງໄປ 424 ປະຕູຈາກ 419 ນັດໃນທຸກລາຍການ.
