ມີຄົນຕ່າງປະເທດເສຍຊີວິດ 14 ຄົນ ເຫດໂຈມຕີໂຮງແຮມຫລູໃນກາບູນ
ພົນລະເມືອງຕ່າງປະເທດຢ່າງໜ້ອຍ 14 ຄົນ ເສຍຊີວິດໃນເຫດກຸ່ມຕາລີບັນບຸກໂຈມຕີໂຮງແຮມອິນເຕີຄອນຕິເນນຕັລ ນອກນະຄອນຫລວງກາບູນ ໃນວັນທີ 20 ມັງກອນ ຕາມການເປີດເຜີຍຂອງລັດຖະບານອັບການິດສະຖານ.
Taliban Claims Responsibility for Kabul Hotel Attack pic.twitter.com/PVOh6EV9qt
— Fox News (@FoxNews) January 21, 2018
ສຳນັກຂ່າວຕ່າງປະເທດລາຍງານຈາກນະຄອນຫລວງກາບູນ ປະເທດອັບການິດສະຖານ ໃນວັນທີ 22 ມັງກອນນີ້ ກ່ຽວກັບຄວາມຄືບໜ້າຂອງເຫດການສະມາຊິກກຸ່ມຕາລີບັນແຕ່ງກາຍຄືທະຫານ ບຸກໂຈມຕີໂຮງແຮມອິນເຕີຄອນຕິເນນຕັລ ຄວາມສູງ 6 ຊັ້ນ ນອກນະຄອນຫລວງກາບູນ ໃນຄືນວັນທີ 22 ມັງກອນວ່າ: ກະຊວງພາຍໃນຂອງອັບການິດສະຖານອອກຖະແຫລງການກ່ຽວກັບຈຳນວນຜູ້ເສຍຊີວິດວ່າເພີ່ມເປັນຢ່າງໜ້ອຍ 18 ຄົນ ໃນຈຳນວນນີ້ 14 ຄົນເປັນຄົນຕ່າງປະເທດ ແລະ ມີຊາວອັບການິດສະຖານເສຍຊີວິດອີກ 4 ຄົນ. ຂະນະທີ່ຈຳນວນຜູ້ໄດ້ຮັບບາດເຈັບມີປະມານ 30 ຄົນ ແລະ ເຈົ້າໜ້າທີ່ຝ່າຍຄວາມໝັ້ນຄົງໃຊ້ເວລາປະມານ 12 ຊົ່ວໂມງໃນການຄວບຄຸມສະຖານະການ ກ່ອນສາມາດວິສາມັນກຸ່ມຄົນຮ້າຍເຊິ່ງມີຢ່າງໜ້ອຍ 6 ຄົນ.
