Instagram ເລີ່ມສະແດງໃຫ້ຄົນທີ່ເຮົາຕິດຕາມ ແລະ ຄົນທີ່ເຮົາແຊັດນໍາໄດ້ຮູ້ວ່າເຮົາໃຊ້ຄັ້ງຫລ້າສຸດເມື່ອໃດ

Instagram ຍັງຄົງພັດທະນາສ່ວນສົ່ງຂໍ້ຄວາມຢ່າງຕໍ່ເນື່ອງ ດ້ວຍຟີເຈີໃຫມ່ທີ່ເຄີຍປະກາດມາແລ້ວໃນແອັບ Facebook Messenger ແລະ  WhatsApp  ຕໍ່ຈາກນີ້ໃນໜ້າ Direct message ຄົນທີ່ເຮົາແຊັດນໍາ ຫຼື ເຮົາຕິດຕາມຢູ່ (ບໍ່ໄດ້ໝາຍເຖິງຄົນທີ່ຕິດຕາມເຮົາ) ຈະສາມາດເບິ່ງໄດ້ວ່າເຮົາໃຊ້ Instagram ຄັ້ງຫລ້າສຸດເມື່ອໃດ.

            ແຕ່ຖ້າຫາກທຸກຄົນບໍ່ມັກຟີເຈີນີ້ ກໍມີອີກໂຕໜຶ່ງ “Show Activity Status” ປາກົດໃນການຕັ້ງຄ່າຂອງແອັບ (ໂດຍຄ່າເລີ່ມຕົ້ນຈະເປັນ enable) ໃຫ້ເຮົາສາມາດເລືອກປິດຟີເຈີນີ້ຖິ້ມໄດ້ ແຕ່ຫາກປິດບໍ່ໃຫ້ຄົນອື່ນເຫັນເວລາໃຊ້ງານຫລ້າສຸດຂອງເຮົາ ເຮົາເອງກໍຈະບໍ່ສາມາດເຫັນເວລາໃຊ້ງານຫລ້າສຸດຂອງຄົນອື່ນໄດ້ເຊັ່ນກັນ.