ທີມຊາດລາວ ຫລຸດລົງ 1 ຂັ້ນ ຢູ່ທີ 37 ຂອງອາຊີ ແລະ 183 ຂອງໂລກ

ສະຫະພັນບານເຕະນາໆຊາດ (ຟີຟາ) ປະກາດຈັດອັນດັບໂລກ ຜ່ານເວັບໄຊທາງການ ປະຈຳເດືອນມັງກອນ 2018 ໃນວັນທີ 18 ມັງກອນນີ້ ປາກົດວ່າທີມຊາດລາວ ຕົກລົງ 1 ຂັ້ນຍຶດອັນດັບ 183 ຂອງໂລກ. ສ່ວນທີມຊາດເຢຍລະມັນ ຍັງຄອງເບີ 1 ຂອງໂລກ, ອັນດັບ 2 ບຣາຊິນ ແລະ ອັນດັບ 3 ໂປຣຕູເກດ, ອັນດັບ 4 ອາເຈນຕິນາ, ອັນດັບ 5 ເບລຢ້ຽມ, ອັນດັບ 6 ສະເປນ, ອັນດັບ 7 ໂປແລນ, ອັນດັບ 8 ສະວິດ, ອັນດັບ 9 ຝຣັ່ງ ແລະ ອັນດັບ 10 ຊີຣີ.

ຂະນະທີ່ ທີມຊາດທີ່ເລື່ອນອັນດັບຂຶ້ນຫລາຍທີ່ສຸດຄື ຄູເວດ ເລື່ອນຂຶ້ນເຖິງ 15 ຈາກອັນດັບທີ 189 ຂອງໂລກມາຢູ່ທີ 174 ຂອງໂລກ, ສ່ວນ ໄຕ້ຫວັນ 134, ເລບານອນ 84 ແລະ ປາແລັສຕິນ 75 ກາຍເປັນຊາດທີ່ເລື່ອນອັນດັບຂຶ້ນດີທີ່ສຸດນັບແຕ່ເຄີຍຈັດມາ.

ດ້ານອາຊຽນອັນດັບ 1 ເປັນຂອງ ຫວຽດນາມ (122 ຂອງໂລກ), ອັນດັບ 2 ຟີລິບປິນ ແລະ ອັນດັບ 3 ໄທ.