ປະທານອົງການກາແດງລາວ ຕ້ອນຮັບການຢ້ຽມຢາມຂອງສະມາຄົມ ເພື່ອຄວາມສາມັກຄີຂອງຄົນອາຊີ

ເມື່ອບໍ່ດົນມານີ້, ສະມາຄົມ ເພື່ອຄວາມສາມັກຄີຂອງຄົນ ອາຊີທີ່ດ້ອຍໂອກາດ (ປະເທດຢີ່ປຸ່ນ) ນຳໂດຍ ທ່ານ ນາງ ມີຢຸກິ ຢານາໂອກະ ເລຂາທິການສະມາຄົມພ້ອມຄະນະ, ໄດ້ເຂົ້າຢ້ຽມ ຢາມ ທ່ານ ຄຳຮຸ່ງ ເຮືອງວົງສີ ປະທານອົງການ ກາແດງລາວ, ເພື່ອເສີມຂະຫຍາຍສັນທະໄມຕີ ແລະ ການພົວພັນຮ່ວມມືລະຫວ່າງສອງອົງການໃນວຽກງານດ້ານມະນຸດສະທໍາໃຫ້ ແໜ້ນແຟ້ນຍິ່ງຂຶ້ນ.
ໃນໂອກາດນີ້, ທ່ານ ປະທານອົງການກາແດງກໍໄດ້ ສະແດງຄວາມຕ້ອນຮັບ, ພ້ອມທັງແຈ້ງໃຫ້ຊາບກ່ຽວກັບ ການເຄື່ອນໄຫວວຽກງານ ຂອງອົງການກາແດງ ໃນ ການຊ່ວຍເຫລືອປະຊາຊົນ ຜູ້ທຸກຍາກຫຼືດ້ອຍໂອກາດ ແລະ ການຊ່ວຍເຫຼືອດ້ານມະນຸດສະທໍາຕ່າງໆ ໃນສັງຄົມ, ພ້ອມທັງສະແດງຄວາມ ຂອບໃຈຕໍ່ສະມາຄົມເພື່ອ ຄວາມສາມັກຄີຂອງຄົນອາ ຊີ, ທີ່ໄດ້ນໍາເອົາເຄື່ອງນຸ່ງຫົ່ມ ມອບໃຫ້ອົງການກາແດງລາວຈຳນວນ 200 ແກັດ, ລວມມີມູນຄ່າ 40 ລ້ານກີບ ເພື່ອແຈກຢາຍໃຫ້ປະຊາຊົນ ຜູ້ທຸກຍາກຂາດເຂີນຢູ່ລາວ ແລະ ຫວັງວ່າສະມາຄົມດັ່ງກ່າວຈະສືບຕໍ່ໃຫ້ການຮ່ວມມືພັດທະນາວຽກງານກາ ແດງໄປເລື່ອຍໆ.

+ ປີຜ່ານມາກາແດງແຂວງວຽງຈັນຮັບບໍລິຈາກເລືອດໄດ້ເກືອບ 3.000 ຖົງ

+ ອົງການກາແດງລາວ ສືບຕໍ່ປັບປຸງຮ່າງກົດໝາຍກາ​ແດງ​ລາວ