ສ.ເກົາຫລີ ຂຶ້ນເງິນເດືອນທະຫານເກືອບ 2 ເທົ່າ
ສ.ເກົາຫລີ ຂຶ້ນເງິນເດືອນທະຫານເກືອບ 2 ເທົ່າໃນວັນທີ 17 ມັງກອນນີ້, ແຕ່ຍັງຕໍ່າກວ່າເງິນເດືອນຂັ້ນຕໍ່າຂອງປະເທດ.
ທະຫານ ສ.ເກົາຫລີ ທີ່ເປັນທະຫານອາສາສະໝັກໄດ້ຂຶ້ນເງິນເດືອນຈາກ 163.000 ວອນ ເປັນ 306.100 ວອນ ຫລື 88%. ຂະນະທີ່ສິບຕີ ແລະ ສິບໂທກໍໄດ້ຂຶ້ນ 2 ເທົ່າເຊັ່ນດຽວກັນ, ແຕ່ຍັງຖືວ່າຫ່າງໄກຫລາຍເມື່ອທຽບໃສ່ຄ່າແຮງຂັ້ນຕໍ່າຂອງ ສ.ເກົາຫລີ ຊົ່ວໂມງລະ 7.530 ວອນ. ປະທານາທິບໍດີ ມຸນ ແຈອິນ ຂອງ ສ.ເກົາຫລີ ຮັບປາກຈະເຮັດໃຫ້ເງິນເດືອນທະຫານອາສາສະໝັກເຖິງເຄິ່ງໜຶ່ງຂອງຄ່າແຮງຂັ້ນຕໍ່າພາຍໃນປີ 2022 ດ້ວຍການທະຍອຍຂຶ້ນເງິນເດືອນລັດຖະກອນສະເລ່ຍ 2,6%, ສ່ວນເງິນເດືອນຂອງທ່ານທະຍອຍຂຶ້ນສະເລ່ຍ 2,27% ເປັນປີລະ 225 ລ້ານວອນ.
ທະຫານອາສາສະໝັກ ສ.ເກົາຫລີ ສ່ວນຫລາຍອາຍຸ 20 ປີຂຶ້ນໄປ ມີຈຳນວນຫລາຍທີ່ສຸດໃນກຳລັງພົນທີ່ປະຈຳການຢູ່ທັງໝົດ 690.000 ຄົນ, ຜູ້ຊາຍ ສ.ເກົາຫລີ ອາຍຸ 18-35 ປີທີ່ມີຮ່າງກາຍຄົບ 32 ປະກາດຈະຕ້ອງຮັບການເປັນທະຫານຢ່າງໜ້ອຍ 2 ປີ.
