ສາຍການບິນຢູໄນເຕັດຖືກວິຈານໜັກ ໃຊ້ກຳລັງບັງຄັບຜູ້ໂດຍສານໃຫ້ເສຍສະຫລະບ່ອນນັ່ງ (ມີພາບວິດີໂອ)

ສັງຄົມອ່ອນລາຍໃນອາເມລິການ ກຳລັງພາກັນແຊສ ວິດີໂອບັນທຶກເຫດການເທິງຖ້ຽວຍົນ 3411 ຂອງສາຍການບິນຢູ່ໃນເຕັດ ຊຶ່ງກຳລັງຈະອອກເດີນທາງຈາກ ເມືອງຊິຄາໂກ ໄປຍັງເມືອງ ຫລຸຍວິວ, ໂດຍພາບວິດີໄດ້ສະແດງໃຫ້ເຫັນເຈົ້າຫນ້າທີ່ຮັກສາຄວາມປອດໄພກຳລັງໃຊ້ກຳລັງເຂົ້າດຶງເສື້ອຜູ້ໂດຍສານໃຫ້ລຸກຈາກບ່ອນນັ່ງ ທ່າມກາງສຽງທັກທ້ວງຂອງຜູ້ໂດຍສານອື່ນຯ ແລະ ລາກຕົວຜູ້ຊາຍດັ່ງກ່າວໄປກັບພື້ນ ທີ່ມີຫນ້າເຕັມໄປດ້ວຍເລືອດ ອອກຈາກເຮືອບິນ.

ຜູ້ທີ່ບັນທຶກວິດີໂອ ໄດ້ເຜີຍແຜ່ທາງອອ່ນລາຍ ລະບຸວ່າສາຍການບິນຢູ່ໃນເຕັດ ໄດ້ຂໍອາສາສະມັກ 4 ຄົນໃນບັນດາຜູ້ໂດຍສານຂອງຖ້ຽວບິນດັ່ງກ່າວ ໃຫ້ສະລະທີ່ນັ່ງໃຫ້ແກ່ພະນັກງານຂອງຕົນ ຊຶ້່ງຕ້ອງບິນໄປກຽມວຽກທີ່ສະຫນາມບິນປາຍທາງໃນມື້ອື່ນ ໂດຍຖ້ຽວບິນດັ່ງກ່າວບໍ່ມີບ່ອນນັ່ງເຫລືອເນື່ອງຈາກທາງສາຍການບິນໄດ້ຂາຍປີ້ເກີນຈຳນວນຜູ້ໂດສານ.

ຖຶງຢ່າງໃດກໍ່ຕາມ ນອກຈາກມີຄູ່ສາມີພັນລະຍາຄູຫນຶື່ງອາສາສະມັກ ກໍ່ບໍ່ມີຜູ້ໂດຍສານໃດຍິນຍອມສະລະທີນັ່ງ ເຮັດໃຫ້ທາງສາຍການບິນປະກາດວ່າຈະໃຊ້ສິດທິເລືອກຜູ້ໂດຍສານອີກສອງຄົນໃຫ້ສະລະທີ່ນັ່ງ ຊຶ່ງໄດ້ເລືອກເອົາຜູ້ຊາຍຄົນອາຊີ ແລະ ພັນລະຍາ ແຕ່ຜູ້ຊາຍຄົນດັ່ງກ່າວບໍ່ຍອມອອກຈາກເຮືອບິນ ໂດຍບອກວ່າ ຕົວເອງເປັນແພດ ແລະ ມີວຽກທີ່ສຳຄັນທີ່ຕ້ອງໄປໂຮງພະຍາບານຂອງເມືອງປາຍທາງໃນມື້ອື່ນ ເຮັດໃຫ້ເຈົ້າຫນ້າທີ່ເຮືອບິນຕ້ອງເອີ້ນເຈົ້າຫນ້າທີ່ຮັກສາຄວາມປອດໄພມາດຶງໂຕລົງຈາກເຮືອບິນ ໂດຍໃຊ້ຄວາມຮຸ່ນແຮງຕໍ່ຫນ້າຜູ້ໂດຍສານຄົນອື່ນ ທີ່ມີທັງເດັກນ້ອຍ ແລະ ຜູ້ເຖົ້າໃນເຫດການ.

ຫລັງຈາກວິດີໂອນີ້ ເຜີຍແຜ່ທາງອ່ອນລາຍ ບັນດາສື່ໃນສັງຄົມອ່ອນລາຍ ຕ່າງກໍ່ພາກັນວິຈານຢ່າງຮຸ່ນແຮງຕໍ່ການກະທຳຂອງສາຍການບິນຢູ່ໃນເຕັດ ຈົນສຳນັກງານ ການບິນຂອງຊິຄາໂກ້ ໄດ້ອອກມາຖະແຫລງຂ່າວວ່າ ການກະທຳດັ່ງກ່າວແມ່ນບໍ່ເຫມາະສົມ ຊຶ່ງຂັດຕໍ່ມາດຕະຖານັຂ້ນຕອນປະຕິບັດວຽກ ທີ່ທາງສຳນັກງານກຳນົດ ແລະ ຈະດຳເນີນການກວດສອບໃນກໍລະນີນີ້.

ທາງດ້ານ ທ່ານອອດສະກ້າ ມູນອດ ປະທານຜູ້ບໍລິຫານຂອງສານການບິນຢູ່ໃນເຕັດ ໄດ້ຖະແຫລງ ຂໍອະໄພຕໍ່ເຫດການທີ່ເກີດຂຶ້ນ ແລະ ໄດ້ໃຫ້ເຈົ້າຫນ້າທີ່ຮັກສາຄວາມປອດໄພ 1 ໃນ 3 ຄົນໃນເຫດການພັກວຽກແລ້ວ, ໂດຍທາງສາຍການບິນຈະຮ່ວມມືເຕັມທີ່ໃນການ ສືບສວນກໍລະນີນີ້ໂດຍລະອຽດ.

ເຈົ້າຫນ້າທີ່ຜູ້ຫນຶ່ງຂອງສາຍການບິນຢູ່ໃນເຕັດ ເປີດເຜີຍກັບ ບີບີຊີ ວ່າ: ຕາມປົກກະຕິໃນກໍລະນີທີ່ສາຍການບິນຂາຍປີ້ໂດຍສານເກີນບ່ອນນັ່ງ ຈະມີການອາສະສະຫມັກໃຫ້ສະຫລະບ່ອນນັ່ງເພື່ອເດືນທາງໃນຖ້ຽວຕໍ່ໄປ ແລະ ຈະມີການໃຫ້ເງິນຊົດເຊີຍ ລວມທັງທີ່ພັກ ເພື່ອຈູງໃຈ ເປັນຈຳນວນເງິນ 400 ໂດລາ ຫລື ປະມານ3,2ລ້ານກີບ ແຕ່ຖ້າບໍ່ມີໃຜຮັບຂໍ້ສະເຫນີ ທາງສາຍການບິນຕ້ອງຂຶ້ນເງິນຊົດເຊີຍເຖີງ 800 ໂດລາ ຫລື ປະມານ 6,4ລ້ານກີບ ແຕ່ຍັງບໍ່ມີຜູ້ອາສາສະມັກໃດ ເນື່ອງຈາກເປັນຖ້ຽວບິນສຸດທ້າຍ ໃນຄືນວັນອາທິດ ທຸກຄົນຕ່າງມີວຽກໃນວັນຈັນ.

ເຈົ້າຫນ້າທີ່ສາຍການບິນຍັງບອກກັບ ບີບີຊີ ໃຫ້ຮູ້ອີກວ່າ ໃນທາງເຕັກນິກ ສາຍການບິນສາມາດບັງຄັບຜູ້ໂດຍສານລົງຈາກເຮືອບິນ ເນື່ອງຈາກການຂາຍປີ້ເກີນກໍ່ຕາມ ໂດຍຈະເລືອກເອົາຜູ້ໂດຍສານທີ່ບໍ່ໄດ້ບິນກັບສາຍການບິນເປັນປະຈຳ ຫລື ຊືປີ້ຖືກ ແຕ່ທີ່ຜ່ານມາຍັງບໍ່ເຄີຍມີກໍລະນີຮູ່ນແຮງແບບນີ້ເກີດຂຶ້ນ