ກອງປະຊຸມສະພາປະຊາຊົນແຂວງຫລວງນ້ຳທາຮັບຮອງເອົາຫລາຍວຽກສຳຄັນ

ກອງປະຊຸມສະໄໝສາມັນ ເທື່ອທີ 4 ຂອງສະພາປະຊາຊົນ ແຂວງຫຼວງນໍ້າທາ ຊຸດທີ I, ທີ່ໄດ້ຈັດຂຶ້ນໃນວັນທີ 9-11 ມັງກອນນີ້, ທີ່ແຂວງ ດັ່ງກ່າວ, ນອກຈາກໄດ້ຮັບຟັງລາຍງານ ກ່ຽວກັບສະພາບການພົ້ນເດັ່ນ ແຕ່ລະດ້ານທີ່ ແຂວງຍາດມາ ໄດ້ໃນປີຜ່ານມາແລ້ວກອງປະ ຊຸມຍັງໄດ້ທາບທາມຮ່າງມະ ຕິຂໍ້ຕົກລົງຂອງແຂວງວ່າ ດ້ວຍການຄຸ້ມຄອງການປຸກ ສ້າງ, ການຂົນສົ່ງ ແລະ ສະ ຫງວນທາງໃນເທສະບານ ແລະ ຕົວເມືອງພາຍໃນ ແຂວງ ຂອງຕົນພ້ອມ ໄດ້ ຮັບຮອງເອົາ ນິຕິກຳ 2 ສະບັບ ຄື: ໂຄງການ ທະລຸເສັ້ນທາງແຕ່ເທສະບານ ເມືອງນາແລ ຫາ ບ້ານດອນ ທິບ ແລະ ແຜນປັບປຸງຊີວິດ ການເປັນ ຢູ່ແບບຍືນຍົງຂອງ ປະຊາຊົນທີ່ຖືກຜົນກະທົບ ຈາກ ໂຄງການກໍ່ສ້າງເຂື່ອນ ໄຟຟ້ານໍ້າທາ 1 ຢູ່ເມືອງນາ ແລ ດ້ວຍຄະແນນສຽງເປັນ ເອກະພາບ.

+ ສະພາແຫ່ງຊາດດໍາເນີນກອງປະຊຸມປະຈໍາປີ

+ ລະມາມເປີດກອງປະຊຸມຄົບຄະນະບໍລິຫານງານຊາວໜຸ່ມຄັ້ງທີ

ໃນຕອນທ້າຍ ປະທານ ກອງປະຊຸມໄດ້ມີຄຳເຫັນ ແນະ ນໍາໃຫ້ ສສຂ ຕ້ອງຕັ້ງໜ້າ ປະກອບສ່ວນເຂົ້າໃນການ ຕິຕາມກວດກາ ແລະ ປັບປຸງ ການຈັດຕັ້ງປະຕິບັດວຽກງານ ຂອງອົງການບໍລິຫານລັດໃຫ້ ມີຄວາມເຂັ້ມແຂງ ແລະ ໜັກ ແໜ້ນ, ປະສານສົມທົບກັບ ສສຊ ປະຈຳ ເຂດເລືອກຕັ້ງທີ 3 ແລະ ອົງການປົກຄອງພັກ- ລັດເພື່ອຜັນຂະຫຍາຍມະຕິ ກອງປະຊຸມໃຫຍ່ຄັ້ງທີ X ຂອງພັກໃຫ້ປະກົດຜົນເປັນ ຈິງ, ແລະ ໄດ້ຮຽກຮ້ອງໃຫ້ ສສຂ ຈັດຕັ້ງປະຕິບັດພາລະ ບົດບາດຂອງຕົນ, ປັບປຸງວິທີ ເຮັດວຽກ, ການປະສານງານ ເພື່ອກ້າວ ໄປສູ່ຄຸນນະພາບ ໃໜ່ ແລະ ຮີບຮ້ອນປະສານ ສົມທົບກັບອົງການປົກ ຄອງແຂວງ, ເມືອງ ແລະ ຂະແໜ່ງການທີ່ກ່ຽວຂ້ອງ ຜັນຂະຫຍາຍຜົນສຳເລັດ ກອງປະຊຸມຄັ້ງນີ້ໃຫ້ກວ້າງ ຂວາງທົ່ວເຖິງ ແລະ ມີຄຸນ ນະພາບ.