ວານິພອນ ພູມີໄຊ ຄອງມົງກຸດນາງສາວນະຄອນຫລວງພ້ອມຍາດໄດ້ 4 ລາງວັນໃຫຍ່
ງານປະກວດຄັດເລືອກນາງສາວນະຄອນຫລວງວຽງຈັນ ປະຈຳປີ 2017, ໄດ້ຈັດຂຶ້ນໃນຄືນວັນທີ 8 ເມສາຜ່ານມານີ້, ທີ່ນະຄອນຫລວງວຽງຈັນ, ຊຶ່ງຜ່ານການລົງຄະແນນຂອງຄະນະກຳມະການຈາກພາກສ່ວນກ່ຽວຂ້ອງຕ່າງໆ, ໂດຍເລືອກເອົາຜູ້ທີ່ມີບຸກຄະລິກດີ, ຄຸນສົມບັດພຽບພ້ອມ ແລະ ມີຄວາມເປັນແມ່ຍິງລາວທີ່ໂດດເດັ່ນທາງດ້ານວັດທະນະທຳ, ຮີດຄອງປະເພນີຂອງຊາດ ເປັນຜູ້ຊະນະເລີດ, ຊຶ່ງຜົນຄະແນນດັ່ງກ່າວໄດ້ຕົກເປັນອງນາງ ວານິພອນ ພູມີໄຊ ຜູ້ເຂົ້າປະກວດໝາຍເລກ MVT10 ຕົວແທນຈາກເມືອງສີສັດຕະນາກ, ເປັນຜູ້ຄອງຕຳແໜ່ງນາງສາວນະຄອນ ຫລວງວຽງຈັນປະຈຳປີ 2017 ແລະ ສາມາດຍາດໄດ້ລາງວັນພິເສດອີກ 4 ລາງວັນຄື: ນາງສາວຜິວງາມ, ຂວັນໃຈຊ່າງພາບ, ນາງສາວໜ້າໃສ ແລະ ນາງສາວທັນສະໄໝ ຖືໄດ້ວ່າເປັນນາງສາວທີ່ສາມາດຍາດໄດ້ຫລາຍລາງວັນສູງສຸດໃນປະຫວັດສາດ, ຊຶ່ງໃນປີນີ້ ຜູ້ຊະນະເລີດຈະໄດ້ຮັບມົງກຸດເພັດ ມູນຄ່າ 35 ລ້ານກີບ, ເງິນສົດ 20 ລ້ານກີບ, ພ້ອມສາຍ ສະພາຍໄໝເງິນ, ຄໍາໜັກ 1 ບາດ, ບັດປະກັນຊີວິດ ແລະ ອື່ນໆອີກຫລາຍລາງວັນຢ່າງຊົງກຽດ. ສ່ວນຮອງອັນດັບ 1 ໄດ້ແກ່ນາງສາວ ຫຍິງງາມ ໜໍ່ຄໍາ ຜູ້ເຂົ້າປະກວດໝາຍເລກ MVT 04 ໄດ້ຮັບເງີນ 10 ລ້ານ ກີບ, ລາງວັນສຸຂະພາບດີ; ຮອງອັນດັບ 2 ໄດ້ແກ່ນາງ ສຸດາ ວັນທອງທິບ ໝາຍ ເລກ MVT 19 ໄດ້ຮັບເງິນ 5 ລ້ານກີບ, ລາງວັນຂວັນໃຈມະຫະຊົນ ແລະ ຮອງອັນດັບ 3 ມີ 4 ຄົນຄື: MVT 02 ນາງພຸດທະວິ ນັນຫຼວງລາດ, MVT 06 ນາງ ມະນິດາ ເອ້ ກັນຫາ, MVT12 ນາງ ສຸນິຕາ ໄຊຊະນະ ແລະ MVT 20 ນາງທິດາກອນ ເນົາວະລາດ ໄດ້ຮັບເງິນສົດຄົນລະ 3 ລ້ານກີບ, ພ້ອມຂອງລາງວັນອື່ນໆ ແລະ ລາງວັນຂວັນໃຈມິດຕະ ພາບເປັນຂອງໝາຍເລກ MVT 05 ນາງ ສຸດາລັດ ສີນະລາດ.
