ປະຊາຊົນຮຽກຮ້ອງໃຫ້ລັດເພີ່ມໂກຕ້າເສັງເຂົ້າວິຊາຊີບໃຫ້ຫລາຍຂຶ້ນ

ປັດຈຸບັນເຖິງວ່າ ບໍລິສັດ, ຫ້າງຮ້ານ, ໂຮງຈັກໂຮງງານ ຫຼາຍແຫ່ງຍັງມີຄວາມຕ້ອງ ການບຸກຄະລາກອນທີ່ມີ ຄວາມ ຮູ້ຄວາມສາມາດຢ່າງຫຼວງ ຫຼາຍກໍຕາມ, ແຕ່ຍ້ອນຄ່ານິຍົມ ທາງສັງຄົມ ເຮັດໃຫ້ນັກສຶກສາ ມັກຈະແຫ່ກັນເຂົ້າເຮັດວຽກ ນຳອົງກອນລັດຈົນຂະແໜງ ການຕ່າງໆເລົ່ານັ້ນບໍສາມາດ ຮອງຮັບໄດ້. ໃນຂະນະທີ່ ປະຊາ ຊົນບ້ານດົງນາໂຊກໃຕ້ຕ່າງກໍ ໄດ້ຮຽກຮ້ອງໃຫ້ລັດຖະບານ ເພີ່ມໂກຕ້າຮັບເອົານັກຮຽນ ເສັງເຂົ້າວິຊາຊີບໃຫ້ຫຼາຍຂຶ້ນ ແລະ ທາງກະຊວງສຶກສາທິ ການ ແລະ ກິລາ ກໍໄດ້ອອກມາ ຕອບຂໍ້ຂ້ອງໃຈດັ່ງກ່າວຮຽບ ຮ້ອຍແລ້ວ ແລະ ນັກສຶກສາ ສ່ວນໜຶ່ງກໍສະເໜີໃຫ້ເບື້ອງ ລັດ, ເພື່ອສ້າງພະນັກງານອອກ ມາແລ້ວກໍຕ້ອງຮັບເຂົາເຈົ້າເຂົ້າ ເຮັດວຽກຕາມຂະແໜງທີ່ໄດ້ ຮຽນມາໃຫ້ເໝາະສົມ ແລະ ພະ ນັກງານລັດວິສາຫະກິດໄຟຟ້າ ລາວ ສະເໜີໃຫ້ພິຈາລະນາ ການນໍາເອົາວິຊາຄຸນສົມບັດ ຫຼື ວິຊາຮີດຄອງປະເພນີເຂົ້າໃນ ຫຼັກສູດການຮຽນ-ການສອນ ເພື່ອໃຫ້ເດັກຮຸ່ນໃໝ່ໄດ້ຮູ້ເຄົາລົບ ນັບຖືຜູ້ໃຫຍ່ ແລະ ສາມາດ ເຮັດ ໃຫ້ເຂົາເຫຼົ່ານີ້ມີຈິດສໍານຶກໃນ ການດໍາລົງຊີວິດທີ່ດີ.

+ ເຜີຍແຜ່ລະບຽບການຂັບຂີ່ໃຫ້ນັກສຶກສາວິຊາຊີບການຊ່າງແຂວງຫລວງພະບາງ

+ ສູນກາງສະຫະພັນແມ່ຍິງລາວ ອົບຮົມວິຊາຊີບສໍາລັບແມ່ຍິງ

ກະຊວງສຶກສາທິການ ແລະ ກິລາ ໄດ້ຊີ້ແຈງວ່າ: ລັດຖະ ບານ ໄດ້ມີນະໂຍບາຍສົ່ງເສີມ ນັກຮຽນດີ, ຮຽນເກັ່ງ, ມີຄຸນສົມ ບັດດີ ແລະ ຜູ້ດ້ອຍໂອກາດໃຫ້ ໄດ້ຮັບການສຶກສາໃນລະດັບ ຕ່າງໆທັງພາຍໃນ ແລະ ຕ່າງ ປະເທດ ໂດຍໃຫ້ທຶນການສຶກ ສາ ແລະ ເບ້ຍລ້ຽງແກ່ນັກຮຽນ ແຕ່ບໍ່ໄດ້ໝາຍຄວາມວ່າທຸກ ຄົນທີ່ຮຽນຈົບແລ້ວຈະໄດ້ບັນ ຈຸເປັນລັດຖະກອນທັງໝົດ, ການ ບັນຈຸລັດຖະກອນແມ່ນ ອີງ ຕາມຄວາມຕ້ອງການຕົວຈິງ ຂອງຂະແໜງການຕ່າງໆທີ່ ກ່ຽວຂ້ອງ.

ສໍາລັບການສະເໜີຂອງ ປະຊາຊົນບ້ານດົງນາໂຊກໃຕ້, ສຶກສາໄດ້ຊີ້ແຈງວ່າ: ແຕ່ລະ ປີລັດຖະບານມີນະໂຍບາຍ ລວມໃນການຮັບເອົານັກຮຽນທີ່ຈົບມັດທະຍົມສຶກສາຕອນ ຕົ້ນເຂົ້າຮຽນອາຊີວະສຶກສາ ເຖິງ 5% ຂອງຜູ້ຮຽນຈົບທັງ ໝົດ, ການຮັບເອົານັກຮຽນທີ່ ຈົບຈາກມັດທະຍົມສຶກສາຕອນ ຕົ້ນທາງເລືອກທີ 1 ແມ່ນເຂົ້າ ຮຽນສາຍອາຊີວະສຶກສາ (9+3) ຕາມແຜນຮັບນັກ ຮຽນແຕ່ລະປີທີກະຊວງສຶກສາ ທິການ ແລະ ຈະບໍ່ໄດ້ເສັງເຂົ້າ, ແຕ່ມີການສໍາພາດ ແລະ ໄດ້ ຮັບເບ້ຍລ້ຽງນໍາອີກ ຫຼື ນັກ ຮຽນທີ່ຈົບມັດທະຍົມຕົ້ນທັງ ໝົດກໍສາມາດເລືອກເຝິກ ອົບຮົມວິຊາຊີບໄລຍະສັ້ນໃນ ຫຼາຍໆສາຂາອາຊີບຕາມ ຄວາມຕ້ອງການຕົວຈິງ. ນອກ ຈາກສະຖານອາຊີວະສຶກສາ ແລ້ວຍັງສາມາດເຂົ້າເຝິກອົບ ຮົມຢູ່ສູນພັດທະນາສີມືແຮງ ງານກໍໄດ້; ທາງເລືອກທີ 2 ເຂົ້າ ຮຽນສາຍອາຊີວະສຶກສາລະ ບົບ 2 ປີ (12+2) ນັກຮຽນທີ່ ຮຽນຈົບຈາກມັດທະຍົມສຶກ ສາຕອນປາຍ ສາມາດເຂົ້າ ເລືອກ ຮຽນວິຊາຊີບໃນສາຂາ ອາຊີບຕ່າງໆເຊັ່ນ: ຊ່າງກໍ່, ເຟີນີເຈີ (ຊ່າງໄມ້), ໂລຫະກໍາ (ຊ່າງຈອດ), ຊ່າງກົນຈັກ ໂຮງງານ, ກະສິກໍາ, ຕັດຫຍິບ, ປຸງແຕ່ງອາຫານ ຈະບໍ່ໄດ້ເສັງ ເຂົ້າມີແຕ່ສໍາພາດເຂົ້າກໍເປັນ ທີ່ຮຽບຮ້ອຍແລ້ວ ພ້ອມຮັບເບ້ຍ ລ້ຽງອີກ. ສ່ວນສາຂາອື່ນໆ ນອກຈາກນີ້ແລ້ວ ແມ່ນຈະໄດ້ ເສັງເຂົ້າຖ້າເສັງໄດ້ກໍຈະໄດ້ ເສຍຄ່າຮຽນ ແລະ ຄ່າບໍລິ ການເພີ່ມເຕີມອື່ນໆອີກ.

ສ່ວນບັນຫາພະນັກງານລັດວິສາຫະກິດໄຟຟ້າລາວ ສະເໜີໃຫ້ພິຈາລະນາກ່ຽວ ກັບການນໍາເອົາວິຊາຄຸນສົມ ບັດ ຫຼື ວິຊາຮີດຄອງປະເພນີ ເຂົ້າໃນຫຼັກສູດການຮຽນ- ການສອນນັ້ນ, ການຈັດຕັ້ງ ການຮຽນ- ການສອນວິຊາ ຄຸນສົມບັດ ແລະ ຮີດຄອງປະ ເພນີໄດ້ບັນຈຸວິຊາດັ່ງກ່າວ ເຂົ້າ ໃນຫຼັກສູດສາຍສາມັນສຶກ ສາໃນຊັ້ນປະຖົມສຶກສາແຕ່ ປ1-ປ5, ເຊິ່ງມີ ເນື້ອໃນລະ ອຽດໃນວິຊາ ຄຸນສົມບັດ, ສໍາລັບຊັ້ນມັດມະ ຍົມສຶກສາ ແຕ່ ມ1-ມ7.
ແນວໃດກໍຕາມ, ບັນຫາ ທັງໝົດທີ່ຫຼາຍພາກສ່ວນ ສະເໜີມານັ້ນ ນັບວ່າເປັນການ ດີທີ່ທົ່ວສັງຄົມໄດ້ມີຄວາມ ສົນໃຈ ແລະ ມີຄຳຄິດຄຳເຫັນ ເພື່ອການພັດທະນາວຽກງານສຶກສາ ແລະ ກິລາ ໃຫ້ມີການ ພັດທະນາດີຂຶ້ນເປັນກ້າວໆ.