Apple ປ່ອຍອັບເດດ iOS ແລະ  macOS ເວີຊັ່ນໃຫມ່ແກ້ບັນຫາຊ່ອງຫວ່າງຂອງ CPU ເພີ່ມເຕີມ

ກ່ອນໜ້ານີ້ Apple ໄດ້ຢືນຢັນແລ້ວວ່າອຸປະກອນກຸ່ມ iOS ແລະ  macOS ໄດ້ຮັບຜົນກະທົບຈາກຊ່ອງຫວ່າງຂອງ CPU ໄດ້ແກ່ Meltdown ແລະ Spectre ຍົກເວັ້ນ Apple Watch ເທົ່ານັ້ນ ທີ່ບໍ່ໄດ້ຮັບຜົນກະທົບໃດໆທັງນັ້ນ ຫລ້າສຸດ Apple ໄດ້ປ່ອຍອັບເດດ iOS 11.2.2 ແລະ macOS 10.13.2 ເພື່ອອັບເດດປ້ອງກັນຊ່ອງຫວ່າງຈາກ Spectre ໂດຍການອັບເດດ Safari ຂອງທັງສອງລະບົບປະຕິບັດການ ສ່ວນ macOS ທີ່ເກົ່າກວ່າເຊັ່ນ macOS Sierra ຫຼື El Capitan ກໍໄດ້ຮັບອັບເດດ Safari ເປັນເວີຊັ່ນ 11.0.2 ເຊັ່ນດຽວກັນ.

ຢໍ້າອີກຄັ້ງວ່າ ການແກ້ໄຂບັນຫາໃນຕອນນີ້ເຮັດໄດ້ພຽງໃຊ້ຊັອບແວແກ້ບັນຫາໄປກ່ອນເທົ່ານັ້ນ ແຕ່ບໍ່ໄດ້ແກ້ທີ່ຮາດແວຢ່າງສົມບູນແບບ ສໍາລັບ iOS ສາມາດອັບເດດໄດ້ຜ່ານ Settings > General > Software Update ແລະ ສໍາລັບ macOS ສາມາດອັບເດດໄດ້ຜ່ານ Mac App Store.