ປີທ່ອງທ່ຽວລາວ 2018 ອຸດົມໄຊຄາດໝາຍດຶງດູດນັກທ່ອງທ່ຽວ 3-4 ແສນຄົນ
ແຫລ່ງຂ່າວແຂວງອຸດົມ ໄຊລາຍງານວ່າ: ໃນລະຫວ່າງ ວັນທີ 13-15 ມັງກອນນີ້, ແຂວງອຸດົມໄຊຈະເປີດປີທ່ອງ ທ່ຽວຂອງຕົນຂຶ້ນພ້ອມໆກັບ ງານບຸນປີໃໝ່ຂອງເຜົ່າກຶມມຸ (ບຸນເຕດນຶມ), ໂດຍຈະມີກິດ ຈະກຳຫລາຍຢ່າງເພື່ອແຮງ ດຶງດູດນັກທ່ອງທ່ຽວເຂົ້າມາ ທ່ຽວແຂວງພູດອຍແຫ່ງນີ້ໃຫ້ ໄດ້ແຕ່ 3-4 ແສນຄົນເພື່ອສ້າງ ລາຍຮັບໃຫ້ໄດ້ 15-20 ລ້ານ ໂດລາສະຫະລັດ.
+ ແຂວງເຊກອງເປີດປີທ່ອງທ່ຽວພ້ອມກັບບຸນປະເພນີເສົາຫລັກເມືອງສິບເຜົ່າ
+ ປີທ່ອງທ່ຽວແຂວງບໍລິຄຳໄຊເປີດຂຶ້ນແລ້ວ
ຜູ້ລາຍງານຂ່າວໃຫ້ຮູ້ວ່າ: ຢູ່ໃນງານເປີດປີທ່ອງທ່ຽວດ່ັງ ກ່າວຈະເລີ່ມຕົ້ນດ້ວຍການແຫ່ ຂອງກ້ອນກຳລັງຕ່າງໆ ເພື່ອ ສະແດງໃຫ້ເຫັນເຖິງຄວາມ ຫລາກຫລາຍຂອງຊົນເຜົ່າທີ່ມີ ຮີດຄອງປະເພນີ ແລະ ວັດທະ ນະທຳທີ່ແຕກຕ່າງກັນ, ພ້ອມ ນັ້ນກໍຈະມີການສະແດງສິລະ ປະຟ້ອນລຳຕ່າງໆ ຈຳນວນ 5 ລາຍການ, ການປະກວດ ນາງ ສາວເຜົ່າກຶມມຸ, ການເດີນແບບ ຂອງເຜົ່າຕ່າງໆ, ຈະມີງານຕະ ຫລາດນັດ, ການວາງສະແດງ ຜະລິດຕະພັນທ່ອງທ່ຽວ, ເຄື່ອງ ຫັດຖະກຳ ແລະ ຮູບພາບວິຖີ ຊີວິດ ແລະ ວັດທະນະທຳຂອງ ເຜົ່າກຶມມຸ-ນອກຈາກການເປີດ ງານນີ້ແລ້ວ, ໃນແຕ່ລະເດືອນ ແຕ່ລະເມືອງກໍຈະໄດ້ຈັດງານ ເປີດປີທ່ອງທ່ຽວຂອງຕົນຂຶ້ນຄື:
ໃນກາງເດືອນມັງກອນ ແມ່ນບຸນເຕັດນຶມ(ບຸນປີໃໝ່) ຂອງເຜົ່າກຶມມຸ ເມືອງໄຊ, ກາງ ເດືອນກຸມພາ ບຸນກິນ ຈຽງ ຂອງເຜົ່າໄຕ (ເຜົ່າໄຕດໍາ, ເຜົ່າ ໄດຂາວ) ເມືອງນາໝໍ້, ກາງ ເດືອນເມສາ ບຸນປີໃໝ່ໄຫ້ວ ພະເຈົ້າສິງຄໍາ ເມືອງຫຼາ, ທ້າຍ ເດືອນເມສາ ບຸນຊ່ວງເຮືອ ເດືອນຫ້າ ເມືອງງາ, ຕົ້ນເດືອນ ກັນຍາ ບຸນຊ່ວງເຮືອບຸນເຂົ້າ ສະຫຼາກ ເມືອງປາກແບງ, ຕົ້ນເດືອນຕຸລາ ບຸນຕ່ອຍ ເກິ່ງ ເບິ່ງຊ່ວງເຮືອອອກພັນສາ ເມືອງຮຸນ, ກາງເດືອນພະຈິກ ເທດສະການສົ່ງເສີມສິນ ຄ້າຜ້າພື້ນມືອງ ເມືອງແບງ, ທ້າຍ ເດືອນທັນວາບຸນກິນຈຽງ ເຜົ່າມົ້ງ ແລະ ງານວັດທະນະ ທໍາບັນດາເຜົ່າເທສະບານ ແຂວງ. ນອກຈາກນີ້ ຍັງຈະ ມີກິດຈະກຳປິ່ນອ້ອມທັງຢູ່ ພາຍໃນເທສະບານແຂວງ ແລະ ບັນດາເມືອງອີກຫລາຍ ກິດຈະກຳ ເພື່ອເປັນການດຶງ ດູດນັກທ່ອງທ່ຽວທັງພາຍໃນ ແລະ ຕ່າງປະເທດໃຫ້ເຂົ້າມາ ທ່ອງທ່ຽວ ແຂວງອຸດົມໄຊນັບ ມື້ເພີ່ມຂຶ້ນ.
ທ່ານ ສົມຈິດ ປັນຍາສັກ ຮອງເຈົ້າແຂວງ, ປະທານ ຄະນະຮັບຜິດຊອບຊີ້ນໍາຂັ້ນ ແຂວງໃນການຈັດປີທ່ອງ ທ່ຽວລາວ 2018 ແຂວງອຸ ດົມໄຊ ມີຄຳເຫັນວ່າ: ການຈັດ ປີທ່ອງທ່ຽວລາວ 2018 ທີ່ ແຂວງອຸດົມໄຊ ເພື່ອເປັນ ການດຶງດູດການລົງທຶນ, ການທ່ອງທ່ຽວທັງເປັນການ ສ້າງລາຍຮັບໃຫ້ແກ່ປະຊາ ຊົນບັນດາເຜົ່າ. ດັ່ງນັ້ນທຸກ ຂະແໜງການກ່ຽວຂ້ອງຕ້ອງ ຮ່ວມກັນກະກຽມວຽກງານ ຕ່າງໆ ໃຫ້ດີທີ່ສຸດເພື່ອຮອງ ຮັບ ແລະ ສ້າງຄວາມປະທັບ ໃຈໃຫ້ແກ່ນັກທ່ອງທ່ຽວ.
ການຈັດປີທ່ອງທ່ຽວ ລາວກໍເພື່ອແນໃສ່ເຜີຍແຜ່ ແນວທາງນະໂຍບາຍຂອງ ພັກ-ລັດ, ກໍຄືຜົນສຳເລັດ ໃນການສ້າງສາພັດທະນາ ຂອງປະຊາຊົນບັນດາເຜົ່າ ພາຍໃນແຂວງ, ເພື່ອປົກປັກ ຮັກສາ ແລະ ຄຸ້ມຄອງມໍລະດົກ ທາງດ້ານທໍາມະຊາດ, ວັດທະ ນະທໍາ ແລະ ປະຫວັດສາດ ຂອງ ແຂວງໃຫ້ຄົງຄຸນຄ່າເພື່ອ ດຶງດູດ ແລະ ສົ່ງເສີມການ ທ່ອງທ່ຽວ, ເປັນການໂຄສະ ນາເຜີຍແຜ່ວັດທະນະທໍາ, ຮີດ ຄອງປະເພນີອັນດີງາມ, ວິຖີ ຊີວິດອັນຈົບງາມຂອງປະຊາ ຊົນບັນດາເຜົ່າ ແຂວງອຸດົມ ໄຊ, ຊຸກຍູ້ປຸກລະດົມຂະບວນ ການພັດທະນາ ແລະ ສົ່ງເສີມ ການທ່ອງທ່ຽວທີ່ຖືເອົາການທ່ອງທ່ຽວທຳມະຊາດ, ວັດທະ ນະທຳ ແລະ ປະຫວັດສາດໃຫ້ ຂະຫຍາຍຕົວຢ່າງແຂງແຮງຕໍ່ເນື່ອງ ແລະ ຍືນຍົງ, ພັດ ທະນາການທ່ອງທ່ຽວໃຫ້ ກາຍ ເປັນອຸດສາຫະກຳການ ທ່ອງທ່ຽວທີ່ມີຄວາມເຂັ້ມ ແຂງ ແລະ ສາມາດເພີ່ມ ລາຍໄດ້ຂອງທ້ອງຖິ່ນພ້ອມ ນີ້ຍັງເປັນການຊຸກຍູ້ສົ່ງ ເສີມການທ່ອງທ່ຽວພາຍໃນ “ລາວທ່ຽວລາວ, ອຸດົມໄຊ ທ່ຽວອຸດົມໄຊ” ເຊິ່ງແຂວງ ອຸດົມໄຊມີແຫຼ່ງທ່ອງທ່ຽວທີ່ ໂດດເດັ່ນເຊັ່ນ: ນໍ້າກັດຍໍລາ ປາ, ວັດພະເຈົ້າສິງຄໍາອົງສັກ ສິດເມືອງຫຼາ, ຖໍ້າຈອມອອງ ເມືອງໄຊ, ຕາດຕະແລເມືອງ ຮຸນ ແລະ ທະເລໝອກເມືອງ ເໜືອເລົ່ານີ້ເປັນຕົ້ນ. ເພື່ອຫຼຸດ ຜ່ອນການຮົ່ວໄຫຼຂອງ ເງິນຕາ ອອກໄປຕ່າງປະເທດຕື່ມອີກ.
ແຂວງອຸດົມ ໄຊຂຶ້ນຊື່ລື ນາມວ່າ: ເປັນເມືອງແຫ່ງສະ ເໜ່ ທະເລພູເຂົາ ຊົນເຜົ່ານໍ້າໃຈ ດີ, ປະຊາຊົນມີ 12 ເຜົ່າເປັນຄົນ ທີ່ມີອັດທະຍາໄສດີ, ມີນ້ຳໃຈ ໄມຕີຈິດທີ່ໂອບເອື້ອອາລີຍິນ ດີຕ້ອນຮັບແຂກບ້ານ ແຂກ ເມືອງ ແລະ ມີຄວາມຊື່ສັດບໍ ລິສຸດຈິງໃຈ. ນີ້ຖືເປັນມົນສະ ເໜ່ ທີ່ສໍາຄັນຂອງຊາວແຂວງ ອຸດົມໄຊ. ດັ່ງນັ້ນໃນໂອກາດ ເປີດປີທ່ອງທ່ຽວລາວ 2018 ຄັ້ງທີ 3 ຂອງແຂວງອຸດົມໄຊ ປະຊາຊົນຊາວແຂວງອຸດົມໄຊບັນດາເຜົ່າ ປະກອບສ່ວນສ້າງ ສີສັນໃຫ້ປີທ່ອງທ່ຽວລາວ ທີ່ແຂວງອຸດົມໄຊ ເປັນປາງ ບຸນໃຫ່ຍ ທີ່ມີຄວາມໝາຍ ສຳຄັນຂອງແຂວງໃຫ້ເຕັມໄປ ດ້ວຍບັນຍາກາດອັນຄຶກຄື້ນ ມ່ວນຊື່ນ.
ຂ່າວໃຫ້ຮູ້ວ່າ: ໃນປີ 2.000 ມີນັກທ່ອງທ່ຽວເຂົ້າ ມາທ່ຽວ ແຂວງອຸດົມໄຊພຽງ 34.200 ກວ່າຄົນ, ສ້າງລາຍ ຮັບໄດ້ 7 ແສນກວ່າໂດລາສະ ຫະລັດ ແລະ ຕົກມາປີ 2015 ຈຳນວນນັກທ່ອງທ່ຽວດັ່ງ ກ່າວໄດ້ເພີ່ມເປັນ 2 ແສນກວ່າ ຄົນແລະສ້າງລາຍຮັບໃຫ້ທ່ອງ ຖິ່ນຫລາຍເຖິງ 12 ລ້ານກວ່າ ໂດລາສະຫະລັດ ແລະ ຄາດ ວ່າຮອດປີ 2020 ຈະມີນັກ ທ່ອງທ່ຽວເຂົ້າແຂວງອຸດົມ ໄຊເພີ່ມຂຶ້ນຫລາຍແສນຄົນ.
