ຍົກສູງການຮ່ວມມືວຽກງານຂ່າວສານ ລາວ-ຫວຽດນາມ
ເນື່ອງໃນໂອກາດຄົບຮອບ 50 ປີ ແຫ່ງການສ້າງຕັ້ງສຳ ນັກງານຂ່າວສານປະເທດລາວ, ກໍຄືວັນຄົບຮອບ 50 ປີແຫ່ງການພົວພັນຮ່ວມມືລະຫວ່າງ ຂ່າວສານລາວ-ຫວຽດນາມ (6/1/1968-2018) ແລະ ໃນວັນທີ 2 ມັງກອນນີ້ ທ່ານ ສູນທອນ ຄັນທະວົງ ຜູ້ອຳນວຍການໃຫຍ່ສຳນັກຂ່າວສານປະ ເທດລາວໄດ້ໃຫ້ສຳພາດຕໍ່ນັກຂ່າວສຳນັກຂ່າວສານຫວຽດນາມ ປະຈຳລາວ, ເຊິ່ງທ່ານໄດ້ ຍົກໃຫ້ເຫັນໝາກຜົນຂອງການຮ່ວມມື, ນັບແຕ່ຊຸມປີ 1945 ຈົນມາເຖິງປັດຈຸບັນແມ່ນຜົນສຳເລັດອັນໃຫຍ່ຫຼວງໜຶ່ງຄື :
ກ່ອນໄລຍະ 50 ປີຜ່ານມາ ຂ່າວສານຫວຽດນາມໄດ້ໃຫ້ການຮ່ວມມືຊ່ວຍເຫຼືອການບັນທຶກພາບເຫດການຕໍ່ສູ້ກູ້ຊາດໃນແຕ່ລະບັ້ນຮົບ, ຜ່ານທຸກຜ່ານ ຍາກຮ່ວມໃນຂຸມຄອງ, ອັນດຽວກັນ, ເຂົ້າເມັດຫັກ-ຜັກ ເສັ້ນໜຶ່ງໄດ້ບິແບ່ງກັນ, ນັ້ນສະແດງເຖິງນ້ຳໃຈຄວາມຮັກແພງອັນເລິກເຊິ່ງຈິງໃຈຊ່ວຍເຫຼືອກັນ, ມີຮູບພາບ ແລະ ຟິມຫຼາຍ ກວ່າ 6 ພັນຟີມທີ່ອ້າຍນ້ອງຂ່າວສານຫວຽດນາມບັນທຶກພາບ ໄວ້ໃນຂະບວນການຕໍ່ສູ້ພວກລ່າເມືອງຂຶ້ນ ແລະ ຈັກກະພັດຜູ້ ຮຸກຮານໃນເມື່ອກ່ອນຂອງກຳລັງການປະຕິວັດລາວແລ້ວມອບໃຫ້ແກ່ລາວ; ພ້ອມດຽວ ກັນນັ້ນກໍໄດ້ມີການເຜີຍແຜ່ຜ່ານສື່ວິທະຍຸ, ໂທລະພາບ, ໜັງສືພິມຢ່າງກວ້າງຂວາງຢູ່ຫວຽດ ນາມ ແລະ ສປປ ລາວ, ເພື່ອນນັກຂ່າວຫວຽດນາມໄດ້ສະໜັບສະໜູນໂຄງຮ່າງສ້າງຕັ້ງສຳນັກງານຂ່າວສານປະເທດລາວ ແລະ ໄດ້ຮັບການສ້າງຕັ້ງຢ່າງເປັນທາງການໃນວັນທີ 6 ມັງກອນ 1968, ພ້ອມປະກອບອຸ ປະກອນ, ເຕັກນິກຕ່າງໆ ແລະ ຈັດຝືກອົບຮົມພະນັກງານນັກ ຂ່າວລາວແລະການຊ່ວຍເຫຼືອອື່ນໆແລ້ວກໍໄດ້ຮັບການເສີມຂະຫຍາຍຢ່າງຕັ້ງໜ້າກ່ອນການປະ ຕິວັດ ແລະ ລະບອບໃໝ່ ຈົນເຖິງ ປັດຈຸບັນໄດ້ຊ່ວຍໃຫ້ສຳນັກຂ່າວລາວມີຄວາມເຕີບໃຫຍ່ຮອບດ້ານມີຫຼາກຫຼາຍຜະລິດຕະພັນເຊັ່ນ: ໜັງສືພິມ, ວາລະສານ, ສື່ອີເລັກໂຕນິກ, ພາບວິດີ ໂອ, ສື່ອອນລາຍ ແລະ ອື່ນໆ ກະຍ້ອນໄດ້ຮັບການຊ່ວຍເຫຼືອ ຈາກສຳນັກຂ່າວສານຫວຽດ ນາມຕະຫຼອດມາ.
ຖໍ້າພູແຄ ທີ່ເມືອງວຽງໄຊ, ແຂວງຫົວພັນ ເວລານັ້ນ ເປັນບ່ອນເຮັດວຽກຂອງອາດີດຊ່ຽວຊານສຳນັກຂ່າວສານຫວຽດນາມ (VNTTX) ແລະ ບັນ ດາເພື່ອນຮ່ວມງານຂອງສຳນັກ ຂ່າວສານປະເທດລາວ (KP L), ປີ 1954 ນັກຂຽນຂ່າວ, ນັກຖ່າຍພາບຂອງຊ່ຽວຊານ ສຳນັກຂ່າວສານຫວຽດນາມ ຈຳນວນໜຶ່ງ ລວມມີສະຫາຍ ຈິງວັນຮາຍ, ສະຫາຍ ຫວຽດ ແທງບິງ, ສະຫາຍ ເລີມຮົ່ງ ລອງ, ສະຫາຍ ຟານແທ່ງ ງຽມ, ສະຫາຍ ຟາມຢາເຫຼ, ສະ ຫາຍ ກິມຮຸງ ແລະ ສະຫາຍ ອື່ນໆໄດ້ມາຢູ່ລາວເພື່ອມາຂຽນຂ່າວ, ຖ່າຍພາບ ແລະ ສ່ອງ ແສງຢ່າງທັນການເຊັ່ນ: ການຕໍ່ສູ້ທາງດ້ານການເມືອງ, ການທະຫານ, ການຕ່າງປະ ເທດ ແລະ ການສ້າງສາພັດທະ ນາເສດຖະກິດ ໃນເຂດປົດປ່ອຍ ແລະ ສ້າງຕັ້ງລັດຖະບານປະ ສົມຊົ່ວຄາວຄັ້ງທີໜຶ່ງປີ 1957ແລະ ຄັ້ງທີສອງປີ1962; ປີ1965 ເຮືອບິນອາເມລິກາຖິ້ມລະເບີດຢ່າງຮ້າຍແຮງລົງໃສ່ ຊຳເໜືອ ແລະ ເຂດປົດປ່ອຍ ລາວ, ແຕ່ເພື່ອບໍ່ໃຫ້ກະບອກ ສຽງຂອງສູນກາງພັກຖືກຕັດ ຂາດ, ພື້ນຖານເຕັກນິກ, ວິທະຍຸ ຂອງລາວສ່ວນໜຶ່ງກໍຍົກຍ້າຍ ໄປຢູ່ເບໜຶ່ງ (B1) ຢູ່ເຂດພູຍໍ ກວານ, ແຂວງນິງບິ່ງ ສ ສ ຫວຽດນາມ. ນັກຂຽນຂ່າວ, ນັກຖ່າຍພາບ, ເຕັກນິກ ແລະ ເຄື່ອງຮັບ- ສົ່ງຂ່າວຖືກຍົກ ຍ້າຍຂຶ້ນໄປປະຈຳຄຽງຂ້າງສູນ ກາງພັກເພື່ອໄດ້ຮັບການຊີ້ນຳ. ເວລານັ້ນສະຫາຍ ຟາມຊວນເກ້ ຮັບຜິດຊອບຂຽນຂ່າວ, ສະຫາຍ ຟ້າມເກ້ວ ເລິມ ຂຽນບົດສົ່ງໃຫ້ ວິທະຍຸອ່ານ, ຈາກນັ້ນ ສະຫາຍ ດັ່ງ ກຽນ ມາເຮັດໜ້າທີ່ແທນຮັບ ຜິດຊອບໂດຍກົງຄະນະຊ່ຽວ ຊານຂ່າວສານຫວຽດນາມທີ່ ມາຊ່ວຍຂ່າວສານປະເທດລາວ ສ້າງໂຄງຮ່າງສົມບູນແບບ ກຽມສ້າງຕັ້ງສຳນັກຂ່າວສານປະເທດລາວມີ: ຂ່າວ, ບົດ, ເຕັກນິກຮັບ-ສົ່ງ, ຫ້ອງມືດອັດ ລ້າງຟີມ, ຮູບພາບ, ຫ້ອງພິມດີດ ແລະ ແລ້ວໄດ້ຮັບການສ້າງ ຕັ້ງສຳນັກຂ່າວສານປະເທດ ລາວຂຶ້ນຢ່າງເປັນທາງການໃນວັນທີ 6 ມັງກອນ 1968 ພ້ອມພະນັກງານຊ່ວຍຂຽນຂ່າວ, ບົດ, ເຕັກນິກປະສົມປະສານກັບນັກຂ່າວລາວ; ເວລານັ້ນ ນຳພາຂ່າວສານປະເທດລາວ-ວິທະຍຸແມ່ນສະຫາຍ ສີຊະນະ ສີສານ.
ນັ້ນເປັນພຽງສ່ວນໜຶ່ງໃນການຮ່ວມມືຂ່າວສານລາວ- ຫວຽດນາມ ເຊິ່ງຍັງມີອີກຫລາຍໆບົດບາດສຳຄັນຂອງການຮ່ວມມືອັນດີເລີດດັ່ງກ່າວ ຊິ່ງຍັງບໍ່ທັນໄດ້ນຳມາສະເໜີ, ແຕ່ກໍ່ສາມາດຢັ້ງຢືນໃຫ້ເຫັນ ແລ້ວວ່າສອງຂ່າວສານລາວ ແລະຫວຽດນາມມີຄວາມສຳພັນຊ່ວຍເຫຼືອຊຶ່ງກັນ ແລະ ກັນ ຢ່າງແໜ້ນແຟ້ນຄືແນວໃດ. ເຊິ່ງຄົນຮຸ່ນໃໝ່ຕ້ອງໄດ້ມີການເຊື່ອມຊືມ, ສຶກສາຄົ້ນຄວ້າສືບຕໍ່ການພົວພັນນີ້ໃຫ້ໄດ້ຮັບການພັດທະນາຕໍ່ໄປ.
