ຣີລ ມາດຣິດ ເລັ່ງແນບ 3 ນັກເຕະ ເປັນສ່ວນໜຶ່ງຂໍ້ສະເໜີຊື້ ເຄນ
January 3, 2018 - 6:01 PM
ຣີລ ມາດຣິດ ຕົກເປັນຂ່າວ ເລັ່ງແນບນັກເຕະ 3 ຄົນ ເປັນສ່ວນໜຶ່ງໃນຂໍ້ສະເໜີຊື້ຕົວ ແຮຣີ ເຄນ ດາວຍິງຂອງທອດແນມ ຮອດສະເປີ.
ຣີລ ມາດຣິດ ສະໂມສອນຍັກໃຫຍ່ແຫ່ງ ລາລີກາ ສະເປນ ກຳລັງວາງແຜນໃຊ້ 3 ນັກເຕະຂອງທີມ ເປັນສ່ວນໜຶ່ງໃນຂໍ້ສະເໜີຂໍຊື້ຕົວ ແຮຣີ ເຄນ ກອງໜ້າທີມຊາດອັງກິດຂອງ ທອດແນມ ຮອດສະເປີ.
ເຊື່ອກັນວ່າ ເຄນ ຄືເປົ້າໝາຍຫລັກໃນການເສີມທີມຂອງ ຟໍເຣນຕິໂນ ເປເຣ ປະທານສະໂມສອນ ຣີລ ມາດຣິດ ທີ່ຫວັງດຶງມາເປັນຕົວແທນຂອງ ຄາຣິມ ເບນເຊມາ ທີ່ປະສົບບັນຫາຟອມຕົກຢ່າງໜັກ.
ລາຍງານຂ່າວຫລ້າສຸດຈາກ ເດຍຣິໂອ ໂກລ ສື່ຊື່ດັງຂອງສະເປນ ລະບຸວ່າ: ເປເຣ ຫວັງໃຊ້ ເກເຣທ ເບລ, ລູກາ ໂມດຣິຊ ແລະ ມັດເຕໂອ ໂຄວາຊິ ເພື່ອຫລຸດລາຄາຄ່າຕົວຂອງ ເຄນ ທີ່ທາງສະເປນຕັ້ງໄວ້ສູງເຖິງ 200 ລ້ານປອນ.
