ການສັນຈອນແຄມທາງໃນນະຄອນຫລວງຍັງດຳເນີນໄປໄດ້ຍາກ

       ສະບາຍດີ ເພື່ອນຜູ້ອ່ານທີ່ຮັກແພງ, ໃນໄລຍະຜ່ານມານີ້ ເຖິງວ່າຮອງເຈົ້າຄອງນະຄອນຫລວງວຽງຈັນ ແລະ ພາກສ່ວນກ່ຽວຂ້ອງຕ່າງໆ ຄືພະແນກໂຍທາທິການ ແລະ ຂົນສົ່ງ, ເຈົ້າໜ້າທີ່ຕຳຫລວດຈະລາຈອນ, ອົງການຄຸ້ມ ຄອງ ແລະ ບໍລິຫານຕົວເມືອງ (ອພບ) ແລະ ອຳນາດການປົກຄອງເມືອງຕ່າງໆໃນນະຄອນຫລວງຕ່າງກໍໄດ້ມີກອງ ປະຊຸມປຶກສາຫາລືວາງແຜນກຳຈັດສິ່ງຫຍໍ້ທໍ້ຕ່າງໆໃນການນຳໃຊ້ແຄມທາງຍ່າງເປັນບ່ອນຈອດລົດ ແລະ ວາງຂາຍ ເຄື່ອງຢ່າງຊະຊາຍ ສົ່ງຜົນໃຫ້ການສັນຈອນໄປມາແອອັດ ແລະ ຂາດຄວາມເປັນລະບຽບຮຽບຮ້ອຍ ແລະ ເພື່ອແກ້ ໄຂບັນຫາດັ່ງກ່າວ, ທ່ານຮອງເຈົ້າຄອງນະຄອນຫລວງກໍໄດ້ແນະນຳໃຫ້ແຕ່ລະພາກສ່ວນເອົາໃຈໃສ່ຈັດຕັ້ງປະຕິບັດ ຕາມພາລະບົດບາດຂອງຕົນ, ແຕ່ແລ້ວຈົນມາຮອດປັດຈຸບັນ ຫລາຍຈຸດແອອັດດັ່ງແຄມທາງເຂດຕະຫລາດຂົວ ດິນ, ຕະຫລາດເຊົ້າຕັດອອກຄູວຽງ, ແຄມທາງເຂດຕະຫລາດນ້ອຍໂພນຕ້ອງຂຶ້ນໄປຮອດເຂດໂຮງໝໍມິດຕະພາບ 150 ຕຽງ ກໍຍັງແກ້ໄຂຫຍັງບໍ່ໄດ້ ໂດຍສະເພາະແມ່ນຂະບວນການນຳໃຊ້ທາງຍ່າງເປັນບ່ອນວາງຂາຍສິນຄ້າ ແລະ ເຮັດເປັນຈຸດບໍລິການຕ່າງໆ, ແຕ່ລະມື້ກໍ່ໃຫ້ເກີດສະພາບລົດແອອັດຕິດກັນຢ່າງຍາວຢຽດນັບຫລາຍຊົ່ວໂມງຈຶ່ງສາ ມາດຜ່ານໄປໄດ້, ສ່ວນຢູ່ເຂດຕະຫລາດແລງໜອງດ້ວງເບື້ອງຮ້ານຂາຍຢາແມ່ນຍັງມີປາກົດການເຮັດເປັນບ່ອນ ຈອດລົດເກັບເງິນ ໂດຍບໍ່ຄຳນຶງເຖິງຄວາມເປັນລະບຽບຮຽບຮ້ອຍຂອງຕົວເມືອງແຕ່ຢ່າງໃດ ແລະ ຫລາຍບ່ອນ ອື່ນໆອີກ, ຖ້າແຕ່ລະພາກສ່ວນກ່ຽວຂ້ອງບໍ່ເຮັດແທ້ທຳຈິງນັບມື້ຍິ່ງຈະສົ່ງຜົນກະທົບຮ້າຍແຮງຕໍ່ລະບຽບການຈະ ລາຈອນ ແລະ ຄວາມສະອາດສວຍງາມຂອງນະຄອນຫລວງວຽງຈັນ ດັ່ງຄຳຂວັນ 6ສ ວາງໄວ້.