ປີໃໝ່ແຂວງສະຫວັນນະເຂດຕັ້ງເປົ້າໃຫ້ເສດຖະກິດຂະຫຍາຍຕົວ 10,2%

ທ່ານເຈົ້າແຂວງສະຫວັນນະເຂດໄດ້ລາຍງານໃນກອງ ປະຊຸມເທື່ອທີ 4 ຂອງສະພາ ປະຊາຊົນແຂວງຂອງຕົນໃນ ອາທິດ ຜ່ານມານີ້ວ່າ: ໃນປີ 2018, ແຂວງຈະຮັບປະກັນ ໃຫ້ເສດຖະກິດຂະຫຍາຍຕົວ ບໍ່ໃຫ້ຫລຸດ 10,2%, ໃນນັ້ນກະ ສິກຳໃຫ້ເພີ່ມຂຶ້ນ 5,90%, ອຸດ ສາຫະກຳ-ຫັດຖະກຳເພີ່ມຂຶ້ນ 12,93% ແລະ ບໍລິການໃຫ້ ເພີ່ມຂຶ້ນ 12,40% ສະເລ່ຍລາຍ ຮັບຂອງພົນລະເມືອງໃຫ້ໄດ້ ຫລາຍກວ່າ 17 ລ້ານກີບຕໍ່ຄົນ, ຮັບປະກັນໃຫ້ອັດຕາເງິນເຟີຢູ່ ໃນລະດັບຕ່ຳກວ່າ 5% ພິເສດ ແມ່ນຈະສູ້ຊົນສົ່ງອອກສິນຄ້າ ໃຫ້ໄດ້ 6.800 ກວ່າລ້ານກີບ.
ທ່ານເຈົ້າແຂວງຍັງເປີດ ເຜີຍໃຫ້ຮູ້ວ່າ: ໃນປີ 2017 ຜ່ານ ມານີ້ ການພັດທະນາເສດຖະ ກິດ-ສັງຄົມຂອງແຂວງດຳ ເນີນໄປບໍ່ປົກກະຕິປານໃດ, ແຕ່ ແຂວງກໍຍັງສາມາດຮັກສາອັດ ຕາການຂະຫຍາຍຕົວຂອງເສດ ຖະກິດຢູ່ໃນລະດັບ 9,52%, ສະເລ່ຍລາຍຮັບຕໍ່ຫົວຄົນ ບັນລຸໄດ້ 1.952 ໂດລາສະຫະ ລັດ ແລະ ເຖິງວ່າລະດັບການ ຂະຫຍາຍຕົວດັ່ງກ່າວເພີ່ມຂຶ້ນ ແຕ່ທຽບກັບລະດັບຄາດໝາຍ ທີ່ສະພາປະຊາຊົນແຂວງວາງ ໄວ້ແມ່ນຫລຸດລົງອັນເນື່ອງ ມາຈາກການຜະລິດເຂົ້ານາ ປີໃນຜ່ານມາໄດ້ຮັບຜົນກະ ທົບຈາກໄພນ້ຳຖ້ວມ ແລະ ສັດ ຕູພຶດທຳລາຍ, ລາຍຮັບຈາກ ຂະແໜງທ່ອງທ່ຽວມີອັດຕາ ສ່ວນຫລຸດລົງເກືອບ 30%, ແຕ່ເຖິງຢ່າງ ໃດກໍຍັງສາມາດ ຮັກສາອັດຕາເງິນເຟີຢູ່ໃນ ລະດັບດີ, ບໍ່ເກີນ 5% ເຊິ່ງ ເປັນ ຈຸດດີທີ່ແຂວງຈະຕ້ອງສືບຕໍ່ ປົກປັກຮັກສາປີໃໝ່ນີ້.

ປີ 2017 ເສດຖະກິດແຂວງ ຈຳປາສັກຂະຫຍາຍຕົວກວ່າ 8%

+ ເສດຖະກິດ​ລາວເຕີບ​ໂຕ​ຢູ່​ໃນ​ລະດັບ 6,8%