ສປປ ເກົາຫລີ ບໍ່ປ່ຽນແປງນະໂຍບາຍ ພັດທະນານິວເຄຼຍ ແລະ ລູກສອນໄຟ
“ກຳລັງຍຸດທະສາດໃໝ່ທີ່ບໍ່ອາດໂຕ້ຖຽງໄດ້”. ຕາມ KCNA ແລ້ວ, ປີ 2018 ຄາດຄະເນວ່າ: ສປປ ເກົາຫລີ ບໍ່ປ່ຽນແປງນະໂຍບາຍພັດທະນານິວເຄຼຍ ແລະ ລູກສອນໄຟ.
ວັນທີ 30 ທັນວາຜ່ານມາ, ສປປ ເກົາຫລີ ຖະແຫລງສືບຕໍ່ນະໂຍບາຍພັດທະນາບັນດາໂຄງການນິວເຄຼຍ ແລະ ລູກສອນໄຟ ໃນປີ 2018, ພ້ອມທັງຢືນຢັນວ່າ: ປະເທດນີ້ແມ່ນ “ປະເທດມະຫາອຳນາດດ້ານນິວເຄຼຍ ມີຄວາມຮັບຜິດຊອບ”. ສຳນັກຂ່າວສານສູນກາງ ສປປ ເກົາຫລີ (KCNA) ມີບົດຍ້ອງຍໍຊົມເຊີຍ ສປປ ເກົາຫລີ ວ່າແມ່ນ “ກຳລັງຍຸດທະສາດໃໝ່ທີ່ບໍ່ອາດໂຕ້ຖຽງໄດ້”. ຕາມ KCNA ແລ້ວ, ປີ 2018 ຄາດຄະເນວ່າ ສປປ ເກົາຫລີ ບໍ່ປ່ຽນແປງນະໂຍບາຍພັດທະນານິວເຄຼຍ ແລະ ລູກສອນໄຟ. KCNA ຢັ້ງຢືນບັນດາຄຳສັ່ງລົງໂທດຂອງປະຊາຄົມສາກົນຕ້ານພຽງຢາງກ່ຽວກັບດ້ານການເມືອງ, ເສດຖະກິດ, ການທະຫານ, ການທູດ ແລະ ບັນດາຂົງເຂດອື່ນໆ ຈົນຮອດທ້າຍປີນີ້ແມ່ນ “ບໍ່ອາດສະກັດກັ້ນບາດກ້າວເດີນຂອງປະເທດ ສປປ ເກົາຫລີ ໄດ້”.
ໃນສະພາບການກ່ຽວຂ້ອງ, ທ່ານນາງ ຄວາຊວນຢິ່ງ ໂຄສົກກະຊວງການຕ່າງປະເທດ ສປ ຈີນ ຖະແຫລງຂ່າວວ່າ: ບັນດາກຳປັ່ນຂອງປະເທດນີ້ໄດ້ຂົນສົ່ງນ້ຳມັນໃຫ້ ສປປ ເກົາຫລີ “ແມ່ນບໍ່ຖືກຕ້ອງກັບສະພາບຕົວຈິງ”, ພ້ອມທັງຊີ້ແຈງວ່າ: ປັກກິ່ງ “ບໍ່ອະນຸຍາດໃຫ້ບໍ່ວ່າສ່ວນບຸກຄົນ ຫລື ບໍລິສັດໃດເຂົ້າຮ່ວມບັນດາການເຄື່ອນໄຫວໄປຝືນກັບມະຕິຂອງ ສປຊ”.
