ຣັດເຊຍສະເໜີເປັນຄົນກາງໃນການ ເຈລະຈາ ອາເມລິກາ-ສປປ ເກົາຫລີ
ຣັດເຊຍບໍ່ສາມາດຕັດສິນເອງເພື່ອກາຍເປັນຄົນກາງໄກ່ເກ່ຍໃນການເຈລະຈາລະຫວ່າງ ອາເມລິກາ ແລະ ສປປ ເກົາຫລີ ໄດ້. ສິ່ງດັ່ງກ່າວແມ່ນຂຶ້ນກັບເລື່ອງ 2 ຝ່າຍເຂົ້າຮ່ວມການເຈລະຈາ.
ຣັດເຊຍກຽມພ້ອມເປັນຄົນກາງໃນການເຈລະຈາລະຫວ່າງ ອາເມລິກາ ແລະ ສປປ ເກົາຫລີ ເພື່ອແນໃສ່ບັນເທົາຄວາມເຄັ່ງຕຶງ. ຖ້າຫາກວ່າ 2 ປະເທດນີ້ຍອມຮັບມົດສະກູສວມບົດບາດນີ້. ນີ້ແມ່ນເນື້ອໃນການຕອບສຳພາດຕໍ່ນັກຂ່າວຂອງໂຄສົກວັງແກມລິນ ທ່ານ ດີມີຕຣີ ປີໂກ ໃນວັນທີ 26 ທັນວາ. ທ່ານ ດີມີຕຣີ ປີໂກ ເນັ້ນໜັກວ່າ: ຣັດເຊຍບໍ່ສາມາດຕັດສິນເອງເພື່ອກາຍເປັນຄົນກາງໄກ່ເກ່ຍໃນການເຈລະຈາລະຫວ່າງ ອາເມລິກາ ແລະ ສປປ ເກົາຫລີ ໄດ້, ສິ່ງດັ່ງກ່າວແມ່ນຂຶ້ນກັບເລື່ອງ 2 ຝ່າຍເຂົ້າຮ່ວມການເຈລະຈາ. ທ່ານ ປີໂກ ຢັ້ງຢືນເຈດຕະນາດີນີ້ຂອງຣັດເຊຍ, ພຽງແຕ່ແນໃສ່ຊ່ວຍໃຫ້ ອາເມລິກາ ແລະ ສປປ ເກົາຫລີ ເປີດເສັ້ນທາງມຸ່ງໄປເຖິງການຫລຸດຜ່ອນຄວາມເຄັ່ງຕຶງລະຫວ່າງ 2 ຝ່າຍເທົ່ານັ້ນ.
ກ່ອນໜ້ານັ້ນ, ວັນທີ 22 ທັນວາຜ່ານມາ, ທ່ານ ວິລາດິມີ ຊາໂຟໂນ ອັກຄະລັດຖະທູດຣັດເຊຍປະຈຳ ສປຊ ໃຫ້ຮູ້ວ່າ: ປະເທດນີ້ກະຕຸກຊຸກຍູ້ທຸກໆຝ່າຍເຂົ້າຮ່ວມ, ພ້ອມກັນມານະພະຍາຍາມຫລຸດຜ່ອນຄວາມເຄັ່ງຕຶງໃນແຫລມເກົາຫລີ ແລະ ຢັ້ງຢືນວ່າ: ຣັດເຊຍພ້ອມແລ້ວທີ່ຈະຊ່ວຍໜູນວິວັດທະນາການນີ້.
