ອຸນຫະພູມອາກາດຈະໜາວລົງຕື່ມອີກໃນແຕ່ລະພາກ
ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ນັບແຕ່ວັນທີ 27-29 ທັນວານີ້, ມວນ ອາກາດເຢັນທີ່ມີກຳລັງປານກາງຈະປົກຄຸມຢູ່ທົ່ວທຸກພາກຂອງລາວ, ຊຶ່ງຈະເຮັດໃຫ້ອາ ກາດໜາວເຢັນໃນເຂດພາກເໜືອລົງຫາພາກກາງ, ພ້ອມມີຝົນຕົກໃນລະດັບຄ່ອຍຫາປານ ກາງຢູ່ບາງທ້ອງຖິ່ນ ແລະ ໃນວັນທີ 30 ທັນວາ-2 ມັງກອນ 2018, ມວນອາກາດໜາວ ເຢັນຈາກປະເທດຈີນ ຈະມີກຳລັງແຮງເພີ່ມຂຶ້ນຕື່ມ, ແຜນລົງປົກຄຸມຢູ່ທົ່ວທຸກພາກຂອງ ລາວ, ສົມທົບກັບກະແສລົມຕາເວັນອອກສຽງເໜືອ ພັດປົກຄຸມເຂດພາກເໜືອ ແລະ ພາກ ກາງເປັນສ່ວນໃຫຍ່, ຊຶ່ງຈະເຮັດໃຫ້ອາກາດໜາວເຢັນລົງຕື່ມອີກໃນແຕ່ລະພາກ ແລະ ມີ ຝົນຕົກໃນລະດັບຄ່ອຍຢູ່ບາງທ້ອງຖິ່ນແຂວງພາກເໜືອ ແລະ ພາກກາງ.
ພາກເໜືອດ້ານຕາເວັນອອກ (ຜົ້ງສາລີ, ຫົວພັນ, ຊຽງຂວາງ) ໃນວັນທີ 27-28 ທັນວານີ້, ອາກາດໜາວເຢັນ, ພ້ອມມີຝົນຕົກໃນລະດັບຄ່ອຍຢູ່ເກືອບທົ່ວໄປ ແລະ ຕົກ ປານກາງຢູ່ແຂວງຜົ້ງສາລີ ແລະ ໃນວັນທີ 29 ທັນວາ-2 ມັງກອນ 2018 ອາກາດຈະ ໜາວເຢັນລົງຕື່ມອີກ, ພ້ອມມີໝອກໜາປົກຫຸ້ມຢູ່ທົ່ວໄປ ໃນຕອນກາງຄືນຫາຕອນເຊົ້າ, ສະເພາະເຂດພູສູງ, ຮ່ອມພູ ແລະ ເນີນພູ ອາກາດຈະໜາວເຢັນຫລາຍ, ອຸນຫະພູມຕ່ຳສຸດ 4-6 ອົງສາ ແລະ ສູງສຸດ 23-25 ອົງສາ.
ພາກເໜືອດ້ານຕາເວັນຕົກ (ຫລວງນ້ຳທາ, ອຸດົມໄຊ, ບໍ່ແກ້ວ, ຫລວງພະບາງ ແລະ ໄຊຍະບູລີ) ນັບແຕ່ວັນທີ 27-28 ທັນວານີ້, ອາກາດໜາວເຢັນ, ພ້ອມມີຝົນຕົກ ໃນລະດັບຄ່ອຍຢູ່ເກືອບທົ່ວໄປ ແລະ ຕົກປານກາງຢູ່ແຂວງບໍ່ແກ້ວ ແລະ ຫລວງນ້ຳທາ, ວັນທີ 29 ທັນວາ-2 ມັງກອນນີ້, ອາກາດຈະໜາວເຢັນລົງຕື່ມອີກ, ພ້ອມມີໝອກໜາ ປົກຫຸ້ມຢູ່ທົ່ວໄປໃນຕອນກາງຄືນຫາຕອນເຊົ້າ, ສະເພາະເຂດພູສູງ, ຮ່ອມພູ ແລະ ເນີນພູ ອາກາດຈະໜາວເຢັນຫລາຍ, ໂດຍສະເພາະຢູ່ແຂວງຫລວງນ້ຳທາ ແລະ ອຸດົມໄຊ, ອຸນຫະພູມຕ່ຳສຸດ 8-10 ອົງສາ ແລະ ສູງສຸດ 28-30 ອົງສາ.
ພາກກາງ (ນະຄອນຫລວງວຽງຈັນ, ໄຊສົມບູນ, ວຽງຈັນ, ບໍລິຄຳໄຊ, ຄຳມ່ວນ ແລະ ສະຫວັນນະເຂດ) ນັບແຕ່ວັນທີ 27-28 ທັນວານີ້, ອາກາດເຢັນຫາໜາວເຢັນ, ພ້ອມມີຝົນຕົກໃນລະດັບຄ່ອຍຢູ່ບາງທ້ອງຖິ່ນເຊັ່ນ: ນະຄອນຫລວງວຽງຈັນ, ໄຊສົມບູນ, ວຽງຈັນ ແລະ ບໍລິຄຳໄຊ ແລະ ໃນວັນທີ 29 ທັນວາ-2 ມັງກອນ 2018 ອາກາດຈະ ໜາວເຢັນລົງຕື່ມອີກ, ພ້ອມມີໝອກບາງປົກຫຸ້ມຢູ່ທົ່ວໄປໃນຕອນກາງຄືນຫາຕອນເຊົ້າ ແລະ ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນເຂດຊາຍແດນຕິດັບ ສສ ຫວຽດນາມ, ສະເພາະແຂວງ ໄຊສົມບູນ ແລະ ເຂດຫລັກຊາວ ອາກາດຈະໜາວເຢັນ, ອຸນຫະພູມ ຕ່ຳສຸດ 14-16 ອົງສາ ແລະ ສູງສຸດ 29-31 ອົງສາ;
ພາກໃຕ້ (ສາລະວັນ, ເຊກອງ, ຈຳປາສັກ ແລະ ອັດຕະປື): ນັບແຕ່ວັນທີ 28 ທັນວາ-2 ມັງກອນນີ້, ອາກາດຈະເຢັນລົງຕື່ມອີກ, ໂດຍສະເພາະໃນໄລຍະຕອນກາງຄືນ ຫາຕອນເຊົ້າ, ສ່ວນຕອນກາງເວັນອາກາດຮ້ອນ, ພ້ອມມີໝອກບາງປົກຫຸ້ມຢູ່ທົ່ວໄປ, ອຸນຫະພູມຕ່ຳສຸດ 18-20 ອົງສາ ແລະ ສູງສຸດ 31-33 ອົງສາ. ສຳລັບເຂດພູພຽງ ບໍລະເວນ ອາກາດໜາວເຢັນ, ພ້ອມມີໝອກໜາປົກຫຸ້ມໃນຕອນກາງຄືນຫາຕອນເຊົ້າ ອຸນຫະພູມຕ່ຳສຸດ 8-10 ອົງສາ ແລະ ສູງສຸດ 22-24 ອົງສາ.
ດັ່ງນັ້ນ ຈົ່ງມີສະຕິລະມັດລະວັງຕໍ່ສະພາບຫົນທາງທີ່ມື່ນ, ໄລຍະເຫັນໄກຫລຸດລົງ, ຊຶ່ງອາດຈະເຮັດໃຫ້ມີອຸປະຕິເຫດເກີດຂຶ້ນໄດ້ ແລະ ຂໍໃຫ້ຕິດຕາມການລາຍງານສະພາບ ອາກາດ ແລະ ນ້ຳຈາກກົມອຸຕຸນິຍົມ ແລະ ອຸທົກກະສາດເປັນປະຈຳ.
