ຕຳຫລວດເມືອງໄຊທານີສຶກສາອົບຮົມຜູ້ໃຊ້ສື່ສັງຄົມອອນລາຍໄປໃນທາງບໍ່ຖືກຕ້ອງ
ໃນວັນທີ 26 ທັນວານີ້, ເຈົ້າໜ້າທີ່ ປກສ ເມືອງໄຊທານີ ນະຄອນຫລວງວຽງຈັນ, ໄດ້ ເອົາຕົວທ້າວ ບອບບີ້ ອາຍຸ 22 ປີຢູ່ບ້ານໜອງແຕ່ງເມືອງສີໂຄດ ຕະບອງນະຄອນຫລວງວຽງ ຈັນ, ມາສຶກສາອົບຮົມເພື່ອປັບ ປຸງແນວຄິດ ແລະ ການປະພຶດ ຕົນ, ຫລັງຈາກຜູ້ກ່ຽວໄດ້ນໍາ ໃຊ້ສື່ສັງຄົມອອນລາຍ (Face book) ເປັນເຄື່ອງມືເພື່ອໃສ່ ຮ້າຍປ້າຍສີເຈົ້າໜ້າທີ່ ແລະ ອໍາ ນາດການປົກຄອງບ້ານໜອງພະຍາໃນທາງບໍ່ດີຕ່າງໆ ແລະ ໄດ້ມີປະຊາຊົນຈໍານວນຫລາຍໄດ້ສະແດງຄວາມຄິດເຫັນວິ ຈານເຈົ້າໜ້າທີ່ ແລະ ອໍານາດ ການປົກຄອງບ້ານດັ່ງກ່າວຢ່າງ ໜັກໜ່ວງໃນສື່ສັງຄົມອອນລາຍ.
+ ຕຳຫລວດແຂວງຈຳປາສັກສຶກສາອົບຮົມຜູ້ມົ້ວສຸມຢາເສບຕິດ
ເຫດການມີຢູ່ວ່າ: ທ້າວ ບອບບີ້ໄດ້ໃຊ້ໂທລະສັບຖ່າຍວີດີໂອສຳພາດຍິງຄົນໜຶ່ງຢູ່ບ້ານ ໜອງພະຍາ ເມືອງໄຊທານີ, ເຊິ່ງ ຜົວຂອງລາວຕົກເປັນຜູ້ ຖືກຫາລັກຊັບພົນລະເມືອງ (ລັກ ລົດຈັກ) ແລະ ຖືກເຈົ້າໜ້າທີ່ ປກສ ເມືອງໄຊທານີຈັບຕົວ ມາດໍາເນີນຄະດີເມື່ອກາງເດືອນພະຈິກຜ່ານມາ, ໂດຍທ້າວ ບອບ ບີ້ ໄດ້ບອກໃຫ້ຍິງຄົນນັ້ນເວົ້າ ໃສ່ຮ້າຍປ້າຍສີການຈັດຕັ້ງບ້ານໜອງພະຍາ ແລະ ເຈົ້າໜ້າທີ່ ເມືອງໄຊທານີແລ້ວໄດ້ນໍາວີດີ ໂອດັ່ງກ່າວໄປເຜີຍແຜ່ລົງໃນ ເຟສບຸກ, ຈົນເຮັດໃຫ້ສັງຄົມເກີດ ຄວາມເຂົ້າໃຈຜິດ ແລະ ວິພາກ ວິຈານໄປຕ່າງໆນາໆ, ອັນໄດ້ ສ້າງຄວາມເສື່ອມເສຍໃຫ້ແກ່ ເຈົ້າໜ້າທີ່ ແລະ ການຈັດຕັ້ງບ້ານ ດັ່ງກ່າວ ແລະ ພາຍຫລັງເອົາ ຕົວມາສອບສວນ, ທ້າວ ບອບບີ້ ໄດ້ຮັບສາລະພາບວ່າ: ໄດ້ຈັດ ສາກຖ່າຍວີດີໂອດັ່ງກ່າວແທ້, ໂດຍກະທໍາໄປດ້ວຍຄວາມຮູ້ ເທົ່າບໍ່ເຖິງການ ແລະ ຂໍໂທດຕໍ່ ເຈົ້າໜ້າທີ່ ແລະ ອໍານາດການ ປົກຄອງບ້ານດັ່ງກ່າວດ້ວຍ, ຈາກນັ້ນ, ກໍໄດ້ມອບໃຫ້ຜູ້ປົກ ຄອງເພື່ອສຶກສາອົບຮົມຜູ້ກ່ຽວຕື່ມ ເພື່ອບໍ່ໃຫ້ມີເຫດການດັ່ງ ກ່າວເກີດຂຶ້ນອີກ.
