ເທດສະການປຶ້ມປະຈຳປີ 2017 ໄດ້ຮັບຄວາມສົນໃຈຈາກມວນຊົນຢ່າງຫລວງຫລາຍ
ເທດສະການປຶ້ມປະຈຳປີ 2017, ໄດ້ປິດລົງໃນວັນທີ 25 ທັນວານີ້, ທີ່ສູນການຄ້າ ລາວ-ໄອເຕັກ, ນະຄອນຫລວງ ວຽງຈັນ, ພາຍຫລັງດຳເນີນມາ ເປັນເວລາ 5 ວັນ, ໂດຍການ ເຂົ້າຮ່ວມຂອງທ່ານ ທອງໃບ ໂພທິສານ ຫົວໜ້າກົມມໍລະ ດົກ, ປະທານສະມາ ຄົມນັກປະພັນລາວ.
ທ່ານນາງ ບົວໄຂ ເພັງພະ ຈັນ ຮອງປະທານສະມາຄົມນັກ ປະພັນລາວ ກ່າວວ່າ: ຜ່ານການ ຕິດຕາມການດຳເນີນງານຕົວ ຈິງໃນເທດສະການປື້ມຄັ້ງນີ້ ເຫັນວ່າ ດຳເນີນໄປຢ່າງມີປະ ສິດທິຜົນດີ, ໂດຍສະເພາະ ສາ ມາດດຶງດູດມວນຊົນ ເປັນຕົ້ນ ແມ່ນນັກຮຽນ, ນັກສຶກສາ, ຊາວໜຸ່ມ, ເຍົາວະຊົນ, ເຊິ່ງ ເປັນເປົ້າໝາຍສຳຄັນໃນການ ສົ່ງເສີມການອ່ານ, ການຂຽນ, ການຮຽນຮູ້ໄດ້ເຂົ້າມາຮ່ວມດຳ ເນີນກິດຈະກຳ, ຊົມການວາງ ສະແດງ ແລະ ຈຳໜ່າຍປຶ້ມ, ມາພົບປະຮັບຟັງ ແລະ ແລກ ປ່ຽນບົດຮຽນກັບນັກຂຽນ, ນັກປະພັນ, ຜູ້ເຮັດວຽກບໍລິ ການດ້ານນີ້ ຕ່າງກໍໄດ້ມີໂອ ກາດໄດ້ສະແດງຜົນງານ, ສະ ແດງຄວາມເຫັນຂອງຕົນຕໍ່ ມວນຊົນ ແລະ ຜູ້ອ່ານ ແລະ ເປັນໂອກາດໃຫ້ນັກຂຽນ, ນັກ ປະພັນໄດ້ແລກປ່ຽນບົດຮຽນ ແລະ ປະສົບການຕ່າງໆ ເພື່ອນຳມາປັບປຸງບົດຂຽນບົດ ປະພັນຂອງຕົນ ມີຄຸນນະພາບ ດີຂຶ້ນ.
ເທດສະການດັ່ງ ກ່າວ, ມີຫລາຍກິດຈະກຳທີ່ ມີບັນຍາ ກາດຟົດຟື້ນມ່ວນຊື່ນເຊັ່ນ: ການ ສະແດງສິລະປະ, ວັນນະຄະດີ, ການສະແດງການແຕ່ງກາຍ ຂອງຕົວລະຄອນໃນບົດວັນນະຄະດີທີ່ມີຊື່ສຽງຂອງລາວເຮົາ ເຊັ່ນ: ສິນໄຊ, ຍັກກຸມພັນ, ພະ ຍານາກ, ພະຍາຄັນຄາກ, ຊຽງ ໝ້ຽງ, ທ້າວກໍ່າກາດຳ ແລະ ອື່ນໆ, ພ້ອມນີ້ ຍັງມີການແຕ່ງ ກາຍຂອງຕົວລະຄອນໃນບົດວັນນະກຳ-ວັນນະຄະດີຂອງ ສາກົນ, ເຊິ່ງປະດິດ ໂດຍນັກ ຮຽນ, ນັກສຶກສາ, ຊາວໜຸ່ມ, ເຍົາວະຊົນພ້ອມ ຍັງມີການໂຕ້ ວາທີ ເຊິ່ງມີນັກຮຽນ-ນັກ ສຶກສາໄດ້ສະແດງຄວາມຮູ້- ຄວາມສາມາດຂອງຕົນໃນ ການຕອບ ບັນຫາຕ່າງໆຢ່າງ ມີຫລັກການ ແລະ ມີຂໍ້ມູນສຳ ຄັນມາອ້າງອີງ ແລະ ຢືນຢັນ ແລະ ໄດ້ເປີດໂອກາດ ໃຫ້ນັກ ຮຽນ-ຊາວໜຸ່ມ, ເຍົາວະຊົນ ທີ່ ເຂົ້າມາຮ່ວມກິດຈະກຳໄດ້ສະ ແດງຄວາມສາມາດຂອງຕົນ ໃນການແຕ້ມຮູບເພື່ອ ຊີງລາງ ວັນຈາກຄະນະຮັບຜິດຊອບ ແລະ ມີກິດຈະກຳຖາມ- ຕອບ ຄວາມຮູ້ກ່ຽວກັບປຶ້ມກ່ຽວ ກັບນັກຂຽນ, ນັກປະພັນຕະ ຫລອດໄລຍະຂອງການຈັດ ງານເທດສະການປຶ້ມນີ້ຢ່າງມີ ຊີວິດຊີວາ.
