ໄຫ້ວພະເຈົ້າສິງຄຳທ່ຽວບໍ່ນ້ຳອຸ່ນເມືອງຫລາ
ເມືອງຫລາຕັ້ງຢູ່ທາງທິດ ຕາເວັນອອກຊຽງເໜືອຂອງ ແຂວງອຸດົມໄຊ, ເຊິ່ງ ເປັນເມືອງ ນ້ອຍໆແຫ່ງໜຶ່ງແຕ່ກໍອຸດົມ ສົມບູນໄປດ້ວຍຊັບພະຍາກອນການທ່ອງທ່ຽວ ທີ່ສາມາດດຶງ ດູດຜູ້ຄົນ ເຂົ້າມາເຂົ້າມາທ່ຽວ ເມືອງດັ່ງກ່າວນັບມື້ຫລາຍຂຶ້ນ ເຊັ່ນ: ວັດພະເຈົ້າສິງຄຳ, ບ້ານ ຊົນເຜົ່າອາຄາ, ບ້ານ ອາໂນ, ທຳມະຊາດຕົວເມືອງ ແລະ ຂາດບໍ່ໄດ້ກໍແມ່ນວິທີຊີວິດຂອງຊາວ ເມືອງຫລາທີ່ຕິດພັນກັບສາຍ ນ້ຳພາກ, ບໍ່ນ້ຳອຸ່ນເມືອງຫລາ ແລະ ອື່ນໆ.
ໃນເມື່ອກ່ອນວັດພະເຈົ້າ ສິງຄຳມີຊື່ວ່າ: “ວັດກາງ” ເຊິ່ງ ເປັນບ່ອນເຄົາລົບນັບຖື ແລະ ກາບໄຫ້ວຂອງຊາວເມືອງຫລາວັດແຫ່ງນີ້, ສ້າງຂຶ້ນປະມານ 2 ພັນກວ່າປີແລ້ວ, ຕັ້ງຢູ່ເທິງພູເຂົາ ແຫ່ງໜຶ່ງເອີ່ນກັນວ່າ: ພູເຂົາ ຄວາຍປັດຈຸບັນແມ່ນຈຸດໃຈກາງ ຂອງເທສະບານເມືອງຫລາ. ພາຍຫລັງໄດ້ອັນເຊີນພະເຈົ້າສິງ ຄຳ ມາປະດິດສະຖານໄວຢູ່ນີ້. ຢູ່ ເທິງພູເຂົາຄວາຍ ເຊິ່ງເປັນສະ ຖານທີ່ຕັ້ງຂອງວັດເກົ່າຍັງປະ ກົດມີຮູຢູ່ເທິງພູເບື້ອງນ້ຳຫລາ ມີລັກສະນະກ້ຽງບໍ່ເສົ້າໝອງ. ເຊິ່ງໃນຕຳນານເພິ່ນໄດ້ກ່າວ ຂານກັນວ່າ: ມື້ສິນໃຫຍ່ຂຶ້ນ 14-15 ຄ່ຳຊາວບ້ານໄດ້ ເຫັນ ພະຍານາກຈຳແລງແປງຮູບ ເປັນຊາຍໜຸ່ມເອົາຜ້າສີແດງ ມັດຫົວ ແລະ ຂຶ້ນມາກາບໄຫ້ວ ພະເຈົ້າສິງຄຳແລ້ວກໍລົງຮູວັງ ນ້ຳພາກໄປ (ວັງຄຳ, ວັງອີງ ແລະ ວັງອ່າງ)ເຊິ່ງ ກໍຄືສາຍ ນ້ຳພາກ-ນ້ຳຫລາ ໃນປັດຈຸບັນ ແລ້ວ ຈາກນັ້ນກໍຫາຍໄປສ້າງ ຄວາມອັດສະຈັນເປັນ່ຢາງຍິ່ງ.
ຫລັງຈາກນັ້ນກໍມາທ່ຽວ ບໍ່ນ້ຳອຸ່ນເມືອງຫລາ ຕັ້ງຢູ່ທິດຕາ ເວັນອອກສ່ຽງເໜືອຂອງບ້ານ ປາງສາ, ຫ່າງຈາກເທສະບານ ເມືອງນາໝໍ້ ປະມານ 10 ກິໂລ ແມັດ ແລະ ຫ່າງຈາກບ້ານປາງ ສາໄປອີກປະມານ 5 ກິໂລແມັດ. ບໍ່ນ້ຳອຸ່ນແຫ່ງນີ້ມີ ສອງບ່ອນ ເຊິ່ງ ຫ່າງກັນປະມານ 70 ແມັດ. ມີອຸນ ຫະພູມປະມານ 45 ອົງສາ. ບໍລິ ເວນອ້ອມຮອບບໍ່ນ້ຳອຸ່ນມີຕົ້ນ ໄມ້ໃຫຍ່ປົກຄຸມພື້ນທີ່ດັ່ງກ່າວ ຈຶ່ງເຮັດໃຫ້ມີທຳມະຊາດອັນ ສວຍງາມ ພ້ອມທັງມີພູຜາຫີນ ໃຫຍ່ ເໝາະແກ່ການມາພັກຜ່ອນ ທ່ຽວຊົມທຳມະຊາດແຫ່ງນີ້.
