ດື່ມນຳ້ໝາກເລັ່ນປ້ອງກັນພະຍາດກະດູກຜ່ອຍໄດ້

ດື່ມນຳ້ໝາກເລັ່ນມື້ລະ 2 ຈອກຈະຊ່ວຍຫລຸດໂອກາດສ່ຽງຈາກການເປັນພະຍາດກະດູກຜຸຜ່ອຍໄດ້, ນັກວິທະຍາສາດກ່າວ ວ່າສ່ວນປະກອບທີ່ເປັນກຸນແຈສຳຄັນແມ່ນໄລໂຄປີນ ເຊິ່ງເປັນສານຕ້ານອະນຸມູນອິດສະລະທີ່ຈະຊ່ວຍຫລຸດຄວາມສ່ຽງພະຍາດມະເຮັງຕ່ອມລູກໝາກ ແລະ ປ້ອງກັນພະຍາດຫົວໃຈ.

ມີຄົນອັງກິດປະມານ 3 ລ້ານຄົນທີ່ເປັນພະຍາດກະດູກຜຸຜ່ອຍ, ຜົນການວິໄຈຈາກມະຫາວິທະຍາໄລໂຕຣອນໂຕ້ໃນການາດາ ຖາມແມ່ຍິງໄວໝົດປະຈຳເດືອນ 60 ຄົນ ອາຍຸ 50 – 60 ປີ ທີ່ຕັດອາຫານທີ່ມີສ່ວນປະກອບຈາກໝາກເລັ່ນອອກເປັນເວລາ 1 ເດືອນ ເຮັດໃຫ້ນຳໄປສູ່ການເພີ່ມລະດັບເອັນ – ເທໂລເປບໄທ ເຊິ່ງເປັນສານເຄມີທີ່ຢູ່ໃນກະແສເລືອດເມື່ອກະດູກເລີ່ມມີການສະຫລາຍໂຕ ຕໍ່ຈາກນັ້ນອີກ 4 ເດືອນ ຈະໄດ້ຮັບນຳ້ໝາກເລັ່ນທີ່ມີໄລໂຄປີນ 15 ມິນລີກຣາມ, ກຸ່ມໜຶ່ງໃຫ້ໄລໂຄປີນໃນຮູບແບບເມັດແຄັບຊູນ ຂະໜາດ 35 ມິນລີກຣາມ ແລະ ອີກກຸ່ມໜຶ່ງໃຫ້ກິນເມັດແຄັບຊູນເປົ່າ ຫລື ຢາຫລອກ ເຊິ່ງຜ່ານຜົນການວິໄຈກໍພົບວ່າ : ລະດັບເອັນ – ເທໂລເປບໄທຫລຸດລົງໃນແມ່ຍິງທີ່ດື່ມນຳ້ໝາກເລັ່ນ ຫລື ກິນໄລໂຄປີນແບບເມັດແຄັບຊູນ, ແຕ່ຈະບໍ່ເກີດຜົນສຳ ລັບຜູ້ທີ່ກິນຢາຫລອກ.

ຫາກທ່ານໃດບໍ່ມັກເຮັດນຳ້ປັ່ນໝາກເລັ່ນສົດດື່ມເອງ ນຳ້ໝາກໄມ້ບັນຈຸກ່ອງກໍມີປະລິມານໄລໂຄປີນໃນເກນມາດຕະຖານຄືກັນ ສະນັ້ນ ການດື່ມນຳ້ໝາກເລັ່ນທີ່ມີປະລິມານໄລໂຄປີນ 15 ມິນລີກຣາມ ມື້ລະ 2 ຈອກ ກໍສາມາດຊ່ວຍເສີມສ້າງກະດູກໃຫ້ແຂງແຮງໄດ້ຄືກັນ.