23-29 ມັງກອນ 2018 ແຂວງບໍ່ແກ້ວຈະເປີດປີທ່ອງທ່ຽວໃຫ້ຟົດຟື້ນ
ຮອງເຈົ້າແຂວງບໍ່ແກ້ວ, ແຈ້ງໃຫ້ຮູ້ວ່າ: ການນຳແຂວງ ໄດ້ເປັນເອກະພາບເປີດປີທ່ອງ ທ່ຽວລາວ 2018, ໄປພ້ອມໆ ກັບເທດສະການດອກງິ້ວບານ ຄືລະຫວ່າງວັນທີ 23-29 ມັງ ກອນ 2018 ທີ່ຈະມາເຖິງເພື່ອ ໃຫ້ປີທ່ອງທ່ຽວມີສີສັນ ແລະ ຟົດຟື້ນຍິ່ງຂຶ້ນ, ເພາະເທດສະ ການດອກງິ້ວບານເປັນເຫດ ການສຳຄັນທາງດ້ານວັດທະ ນະທຳ ແລະ ເປັນມູນເຊື້ອອັນດີ ງາມຂອງດອນຊາວດິນແດນ 3 ຫລ່ຽມຄຳທີ່ສືບຖອດກັນມາແຕ່ ດົນນານແລ້ວ ແລະ ຈະເປັນໂອ ກາດທີ່ດີຂອງແຂວງບໍ່ແກ້ວ ເພື່ອ ສົ່ງເສີມ ແລະ ຍົກລະດັບເທດ ສະການດອກງິ້ວບານໃຫ້ໂດດ ເດັ່ນ ແລະ ການເປັນເອກະລັກ ສະເພາະຂອງຊາວແຂວງບໍ່ ແກ້ວ ແລະ ຖືໂອກາດນີ້ເປັນ ການໂຄສະນາເພື່ອດຶງດູດນັກ ທ່ອງທ່ຽວເຂົ້າມາທ່ຽວແຂວງ ບໍ່ແກ້ວ ໃຫ້ຫລາຍຂຶ້ນ.
+ ແຫລ່ງທ່ອງທ່ຽວບໍ່ນ້ຳອຸ່ນນາເມືອງ ແລະ ບໍ່ນ້ຳຮ້ອນວຽງທອງພວມໄດ້ຮັບການພັດທະນາ
ດັ່ງນັ້ນ ໃນໂອກາດຈັດງານເທດສະ ການດັ່ງກ່າວການນຳແຂວງ ບໍ່ແກ້ວໄດ້ຕົກລົງຈະເຊື່ນເຊີນ ເອົາແຂກລະດັບສູງທັງພາຍໃນ ແລະ ຕ່າງປະເທດເຂົ້າມາຮ່ວມ ງານດັ່ງກ່າວໃຫ້ໄດ້ຄື: ສສ ຫວຽດນາມ ຈະເຊີນເອົາການ ນຳ ແຂວງເຊີນລາ, ແຂວງ ດຽນບຽນ, ສ່ວນ ສປ ຈີນ ຈະ ເຊີນ ເອົາຕົວແທນຈາກແຂວງ ຢຸນນານ, ກິ່ງແຂວງສິບສອງ ພັນນາ ແລະ ເບື່ອງໄທກໍຈະ ເຊີນເອົາຕົວແທນຈາກຈັງ ຫວັດຊຽງຣາຍ, ຊຽງໃໝ່, ສຳ ລັບມຽນມາກໍຈະເຊີນເອົາຕົວ ແທນຈາກແຂວງທ່າຂີ່ເຫລັກ ມາຮ່ວມໃຫ້ຫລຍຂຶ້ນ.
ໃນງານດັ່ງກ່າວກໍຈະຈັດ ໃຫ້ມີຫລາຍກິດຈະກຳທີ່ໜ້າປະ ທັບໃຈເຊັ່ນ: ງານວາງສະແດງ ສິນຄ້າ, ງານປະກວດນາງ ສາວດອກງິ້ວບານ, ປະກວດ ອາຫານ, ຢ່າງສະແດງການ ແຕ່ງກາຍຂອງບ່າວສາວໃນ 13 ເຜົ່າທີ່ມີຢູ່ແຂວງບໍ່ແກ້ວ, ການສະແດງສີລະປະວັນນະ ຄະດີພື້ນເມືອງ ແລະ ການແຂ່ງ ຂັນກິລາປະເພດຕ່າງໆ, ພິເສດ ຈະມີການແຂ່ງຂັນກິລາມວຍ ລາວ-ໄທ ແລະ ສປ ຈີນ, ການ ແຂ່ງຂັນລົດຖີບອີກດ້ວຍ. ເພື່ອ ສ້າງໃຫ້ງານເປີດປີທ່ອງທ່ຽວ ຢູ່ແຂວງບໍ່ແກ້ວມີບັນຍາກາດ ຟົດຟື້ນຍິ່ງຂຶ້ນ, ພ້ອມນັ້ນຢູ່ ໃນງານດັ່ງກ່າວຈະຈັດໃຫ້ ມີການພົບປະແລກປ່ຽນບົດ ຮຽນ ແລະ ປະສົບການຕ່າງໆ ລະຫວ່າງຜູ້ປະກອບການທຸ ລະກິດທ່ອງ ທ່ຽວທັງພາຍໃນ ແລະ ຕ່າງປະເທດອີກດ້ວຍ ເພື່ອແນໃສ່ສົ່ງ ເສີມການລົງທຶນ ແລະ ການພົວພັນຮ່ວມມືໃນ ແຫລ່ງທ່ອງທ່ຽວລະຫວ່າງ ພາກພື້ນດ້ວຍກັນໃຫ້ມີບັນຍາ ກາດຄຶກຄື້ນກວ່າເກົ່າ.
