ສະຫວັນນະເຂດ-ກວາງບິ່ງເພີ່ມທະວີຮ່ວມມືວຽກງານຊາຍແດນ
ກອງປະຊຸມຮ່ວມລະ ຫວ່າງຄະນະກຳມະການຊາຍ ແດນແຂວງສະຫວັນນະເຂດ ແລະ ກວາງບິງ ສສ ຫວຽດ ນາມ, ໄດ້ມີຂຶ້ນໃນວັນທີ 15 ທັນວານີ້, ທີ່ແຂວງສະຫວັນນະ ເຂດ, ຝ່າຍລາວນຳໂດຍທ່ານ ທ່ອນ ແກ້ວ ພຸດທະໄກຍະລາດ ຮອງເຈົ້າແຂວງໆສະຫວັນ ນະເຂດ ແລະ ຝ່າຍຫວຽດນາມ ນຳໂດຍ ທ່ານ ຫງວຽນ ຊວັນ ກວາງຮອງປະທານຜູ້ປະຈຳ ການຄະນະກຳມະການ ປະຊາ ຊົນ ແຂວງ ກວາງບິ່ງເພື່ອຕີ ລາຄາຜົນການຈັດຕັ້ງປະຕິ ບັດການພົວພັນຮ່ວມມືດ້ານ ວຽກງານການຄຸ້ມຄອງ ຊາຍແດນ ແລະ ການແກ້ໄຂ ບັນຫາຜູ້ຍົກຍ້າຍຕັ້ງພູມ ລຳເນົາລຳພັງໃຈ ແລະ ການ ສ້າງຄອບຄົວບໍ່ຖືກລະບຽບ ຢູ່ຕາມບໍລິເວນຊາຍແດນຂອງ ສອງປະເທດກໍຄືແຂວງສະ ຫວັນນະເຂດ ແລະ ແຂວງ ກວາງບິ່ງເພື່ອແນໃສ່ເພີ່ມທະ ວີການຮ່ວມມືໃນວຽກງານ ດັ່ງກ່າວລະຫວ່າງສອງແຂວງໃຫ້ຫລາຍຂຶ້ນ.
+ ຖະແຫລງການຮ່ວມເວທີປາໄສຊາວໜຸ່ມເຂດສາມຫຼ່ຽມພັດທະນາກຳປູເຈຍ-ລາວ-ຫວຽດນາມ
ໃນກອງປະຊຸມຕ່າງຝ່າຍ ໄດ້ລາຍງານສະພາບການພົວ ພັນຮ່ວມມືລະຫວ່າງສອງຝ່າຍ ໃນຜ່ານມາໄດ້ມີຜົນສຳເລັດ ເປັນຢ່າງດີທຸກຂົງເຂດວຽກ ງານປ້ອງກັນຊາດ-ປ້ອງກັນ ຄວາມສະຫງົບຕາມຊາຍແດນ ລະຫວ່າງສອງຝ່າຍມີຄວາມ ໜັກແໜ້ນ, ການໂຄສະນາເຜີຍ ແຜ່ກ່ຽວກັບລະບຽບກົດໝາຍ ຊາຍແດນໄດ້ດຳເນີນໄປເປັນ ປົກກະຕິປະຊາຊົນຢູ່ບໍລິເວນ ຊາຍແດນມີ ຄວາມຕັ້ງໜ້າພ້ອມ ກັນປະຕິບັດລະບຽບກົດໝາຍ ຂອງແຕ່ລະປະເທດ, ໄດ້ເປັນ ເຈົ້າການປົກປັກບັນດາຫລັກ ໝາຍຊາຍແດນແຫ່ງຊາດ ໃນສະພາບເດີມ ແລະ ສາມາດ ຮັກສາສະຖຽນລະພາບທາງ ດ້ານການເມືອງ, ພື້ນຖານ ໂຄງລ່າງເສດຖະກິດ-ສັງຄົມ ໄດ້ຮັບການພັດທະນາ, ປະ ກອບສ່ວນແກ້ໄຂຊີວິດການ ເປັນຢູ່ຂອງປະຊາຊົນສອງ ຝ່າຍຢູ່ຕາມບໍລິເວນຊາຍແດນ ດີຂຶ້ນ ແລະ ຮ່ວມກັນແກ້ໄຂ ບັນຫາປະຊາຊົນຜູ້ຍົກຍ້າຍ ຕັ້ງພູມລຳເນົາຕາມລຳພັງໃຈ ແລະ ສ້າງຄອບຄົວບໍ່ຖືກລະ ບຽບຢູ່ບໍລິເວນຊາຍແດນຂອງ ສອງແຂວງໄດ້ຮັບການແກ້ໄຂ ແລະ ຄຽງຄູ່ກັນນັ້ນສອງຝ່າຍ ມີຄວາມພະຍາຍາມປັບປຸງກົນ ໄກການປະສານງານເພື່ອແກ້ ໄຂແຕ່ບັນຫາທີ່ເປັນອຸປະສັກ ເຊ່ັນ: ການຈັດສັນອາຊີບ ຂອງ ປະຊາຊົນໃຫ້ໝັ້ນຄົງ, ປຸກລະດົມເຊື່ອມຊື່ມລະບຽບ ກົດໝາຍ, ການປົກຄອງ, ວັດ ທະນະທຳ- ສັງຄົມອື່ນໆ, ເຊິ່ງ ຄາດວ່າ: ປີ 2018 ຈະມາ ເຖິງສອງຝ່າຍຈະສືບຕໍ່ພົວ ພັນຮ່ວມມືຢ່າງສະໜິດແໜ້ນ ໂດຍອຳນາດການປົກຄອງ ແຕ່ລະຂັ້ນ ແລະ ກຳລັງເຈົ້າ ໜ້າທີ່ຂອງສອງແຂວງຈະ ເພີ່ມທະວີປະສານສົມທົບ ລາດຕະເວນເພື່ອສືບສະກັດ ກັ້ນສະພາບການຄ້າຂາຍ ເຖື່ອນ, ຂົນສົ່ງທາດລະເບີດ, ຢາເສບຕິດຂ້າມຊາຍແດນ, ຂຸດຄົ້ນປ່າໄມ້, ເຄື່ອງປ່າ ຂອງດົງ ແລະ ລ່າສັດບໍ່ຖືກ ລະບຽບໃຫ້ໝົດໄປ.
