ໂຣເບີດສັນ ຊິງກັບ ເກົາ ສະນຸກເກີສະກອດຕິຊ
ການແຂ່ງຂັນສະນຸກເກີ ລາຍການ ສະກອດຕິຊ ໂອເພັນ ຊິງເງິນລາງວັນລວມ 366.000 ປອນ ທີ່ສະໜາມເອມິເຣດ ອາຣີນາ ໃນເມືອງກາລາສໂກ ປະເທດສະກອດແລນ ຮອບຮອງຊະນະເລີດ ນີລ ໂຣເບິດສັນ ອະດີດມື 1 ໂລກຊາວອົດສະຕຣາລີ ປັດຈຸບັນເປັນມື 20 ຂອງໂລກ ພົບກັບ ຈອນ ຮິກກິນ ຈອມເກັ່ງຂອງເຈົ້າຖິ່ນ ປາກົດວ່າ ໂຣເບິດສັນ ນຳລວດດຽວ 4-0 ເຟມ ແຕ່ອະດີດແຊ້ມໂລກ 4 ສະໄໝ ໄລ່ແທງເກັບ 3 ເຟມລວດຕີຕື້ນຕາມເຫລືອ 4-3 ເຟມ. ເຖິງຢ່າງໃດກໍດີ ໂຣເບິດສັນ ບໍ່ຕື່ນເຕັ້ນຊະນະ 2 ເຟມລວດປິດການແຂ່ງຂັນຊະນະໄປ 6-3 ເຟມ ເຂົ້າໄປຊີງຊະນະເລີດກັບ ເກົາ ຢູເຜິງ ຂອງຈີນ ມື 67 ຂອງໂລກ ທີ່ເອົາຊະນະ ຈັດ ທຣຳ ຈາກອັງກິດ 6-4 ເຟມ.
ເກົາ ອາຍຸ 27 ປີ ຍັງບໍ່ເຄີຍຄວ້າແຊ້ມລາຍການເກັບຄະນະສະສົມມາກ່ອນ ຜົນງານດີສຸດເປັນການເຂົ້າຮອບຮອງຊະນະເລີດ ຢູໂຣປ້ຽນ ມາສເຕີ ໃນເດືອນຕຸລາຜ່ານມາ ແຕ່ເວລານີ້ຝີມືກຳລັງດີຂຶ້ນ ຫລັງຫາກໍໄດ້ແມັກຊິມຳເບຣກໄມ້ດຽວ 147 ຄະແນນກ່ອນເອົາຊະນະ ແອນດຣູ ຮິກກິນສັນ ໃນວັນທີ 12 ທັນວາ.
