ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ເນັ້ນບາງບັນຫາສຳຄັນ ເພື່ອໃຫ້ວຽກງານມີຄວາມຄ່ອງຕົວຂຶ້ນ
ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ໃຫ້ກຽດໂອ້ລົມໃນກອງປະຊຸມສະຫລຸບການຈັດຕັ້ງປະຕິບັດວຽກງານຫ້ອງ ການກະຊວງ ປະຈຳປີ 2017 ແລະ ທິດທາງແຜນການປະຈຳປີ 2018 ທີ່ໄດ້ຈັດຂຶ້ນໃນອາທິດຜ່ານມານີ້, ທີ່ກະຊວງດັ່ງກ່າວ, ໂດຍທ່ານໄດ້ເນັ້ນບາງບັນຫາທີ່ສຳຄັນວ່າ: ໃຫ້ທຸກຄົນຈົ່ງ ເອົາໃຈໃສ່ຢ່າງຕັ້ງໜ້າໃນການເຮັດໜ້າທີ່ມະຫາພາກໃນຂົງເຂດວຽກງານຕົນຮັບ ຜິດຊອບຕື່ມໃນການບໍລິການທັງພາຍໃນ ແລະ ພາຍນອກ, ເກັບກຳຂ່າວ, ອອກຂ່າວເປັນ ປະຈຳໃຫ້ຫັດກຸມ, ເຜີຍແຜ່ວຽກງານແຮງງານ ແລະ ສະຫວັດດີການສັງຄົມໃຫ້ກວ້າງ ຂວາງ, ເອົາໃຈໃສ່ຈັດສັນງົບປະມານໃຫ້ເກີດປະໂຫຍດສູງສຸດ, ພະນັກງານ-ລັດຖະກອນ ທຸກຄົນຕ້ອງໄດ້ຮູ້ປັບປຸງຕົນເອງ, ຫັນຕົນເອງໃຫ້ເປັນວິຊາສະເພາະ, ມີລະບຽບຮຽບ ຮ້ອຍຈົບງາມ, ເຂົ້າຮ່ວມສ້າງຂະບວນການ 3 ອົງການຈັດຕັ້ງມະຫາຊົນໃຫ້ມີຄວາມຟົດ ຟື້ນ, ຊຶ່ງເປັນເງື່ອນໄຂພື້ນຖານການພັດທະນາບຸກ ຄະລາກອນໃຫ້ມີປະສິດທິພາບ, ພ້ອມ ທັງກໍານົດພາລະບົດບາດ, ຂອບເຂດສິດ, ໜ້າທີ, ແຕ່ລະພະແນກກຳນົດແບບແຜນວິທີ ເຮັດວຽກຢ່າງຊັດເຈນ, ພ້ອມກັນປະສານສົມທົບພາຍໃນພະແນກຫ້ອງການກັບບັນດາ ກົມອ້ອມຂ້າງກະຊວງ ໃນການຈັດຕັ້ງປະຕິບັດວຽກງານໃນແຕ່ລະດ້ານໃຫ້ປະສົບຜົນ ສຳເລັດ, ປະຕິບັດນະໂຍບາບຕໍ່ພະນັກງານ-ລັດຖະກອນຜູ້ທີ່ຫ້າວຫັນ ແລະ ສົງເສີມ ພັດທະນາບຸກຄະລາກອນໃຫ້ມີຄວາມຮູ້ຄວາມສາມາດສູງເພື່ອຕອບສະໜອງຄວາມຮຽກຮ້ອງຕ້ອງການຂອງວຽກງານ ໃນໄລະຍະໃໝ່.
