ແຟນບານ ປະຕິຊານ ກັບ ຊະເວຊດ້າ ປະທະກັນບາດເຈັບ 17 ຄົນ
ການແຂ່ງຂັນຊຸເປີລີກາຂອງປະເທດເຊີເບຍ ໃນວັນທີ 13 ທັນວາ ນັດບິກແມັດລະຫວ່າງ ປາຕິຊານ ເບລເກຣດ ພົບກັບ ຊະເວຊດ້າ ເກີດເລື່ອງວຸ້ນວາຍສຸດໆ ເມື່ອແຟນບານປະທະກັນຢ່າງໜັກຈົນມີເລືອດອາບ ແລະ ໄດ້ຮັບບາດເຈັບເຖິງ 17 ຄົນ.
ຫລັງຈາກທີ່ແຟນບານຂອງ ປາຕິຊານ ພົບກັບ ຊະເວຊດ້າ ຈົບລົງດ້ວຍຜົນສະເໝີກັນ 1-1 ເກີດເຫດປະທະກັນຢ່າງໜັກ ຫລັງຈາກໄລຍະທ້າຍເກມ ຊະເວຊດ້າ ຍິງປະຕູຕີສະເໝີ ເຮັດໃຫ້ອາລົມຂອງທີມຢາມສະແດງອອກຢ່າງສະໃຈ ແລະ ມີການຈູດດອກໄມ້ໄຟ ເຊິ່ງເປັນທີ່ມາຂອງການຕີກັນຄັ້ງນີ້.
ຊ່າງພາບ ລາຍການຕໍ່ສື່ຕ່າງປະເທດວ່າ: ແຟນບານທັງສອງທີມປະທະກັນດົນເຖິງ 10 ນາທີ ກ່ອນເຈົ້າໜ້າທີ່ຕຳຫລວດຈະເຂົ້າມາຄວບຄຸມເຫດການ ໄດ້ຄຸມຕົວແຟນບານທີ່ກໍ່ເຫດອອກຈາກສະໜາມ.
ທັງນີ້ລາຍງານລະບຸອີກວ່າ: ມີຜູ້ໄດ້ຮັບບາດເຈັບຢ່າງໜັກ, ມີເລືອດອາບເຕັມຫົວ ແລະ ໃບໜ້າ ຈຳນວນ 17. ກ່ອນໜ້ານີ້ ທັງສອງທີມມັກມີບັນຫາຕີກັນເລື້ອຍໆເວລາທີ່ພົບກັນ.
