ຊາວໜຸ່ມລາວ 10 ຄົນສຳເລັດການເຝິກອົບຮົມ ICT ທີ່ຍີ່ປຸ່ນ
ແຫລ່ງຂ່າວ ຂປລ ລາຍງານວ່າ: ໃນວັນທີ 12 ທັນວາ ນີ້, ທີ່ສູນໄຈກາ ໂອກິນະວະ ປະ ເທດຍີ່ປຸ່ນ, ໄດ້ຈັດພິທີມອບໃບ ຢັ້ງຢືນ ໃຫ້ຄະນະຊາວໜຸ່ມລາວ ຈຳນວນ 10 ຄົນທີ່ ສຳເລັດ ການເຝິກອົບຮົມໃນ ໂຄງການ ການສ້າງຄວາມຮູ້ຄວາມສາ ມາດ ໃນການເປັນຜູ້ນຳໜຸ່ມ ພາຍໃຕ້ຫົວຂໍ້: ກ່ຽວກັບນະ ໂຍບາຍ ດ້ານຫລັກສູດ ເຕັກ ໂນໂລຊີຂໍ້ມູນຂ່າວສານ ແລະ ການສື່ສານ (ICT), ມອບ ໂດຍທ່ານ ກາວາຊະກິ (Ka wasaki) ຜູ້ອຳນວຍການ ສູນໄຈກາ ໂອກິນະວະ.
+ ສຄສ ເຝິກອົບຮົມການຂຶ້ນແຜນຄົ້ນຄວ້າ ແລະ ສ້າງຫລັກສູດສິດສອນ
+ ຍີ່ປຸ່ນຊ່ວຍຍົກລະດັບຄວາມເປັນຜູ້ນຳສຳຫລັບການນຳລາວ
ການເຝຶກອົບຮົມດັ່ງກ່າວ, ໄດ້ເລີ່ມແຕ່ວັນທີ 27 ພະຈິກ , ໂດຍການສະໜັບສະໜູນ ຈາກ ອົງການໄຈກາ ແລະ ບໍລິສັດ Fujitsu Learning Media Limited, ຊຶ່ງມີຈຸດປະສົງເພື່ອ ສົ່ງເສີມບຸກຄະລາກອນຜູ້ທີ່ ຈະກຳນົດນະໂຍບາຍກ່ຽວ ຂ້ອງກັບເຕັກໂນໂລຊີດ້ານຂໍ້ ມູນຂ່າວສານ ແລະ ການສື່ ສານ,ຊອກວິທີແກ້ໄຂບັນຫາ ຂອງການນຳໃຊ້ ICT ໃນ ອະ ນາຄົດອັນໃກ້ນີ້ ຢູ່ ສປປ ລາວ. ຜ່ານການຝຶກອົບຮົບຄັ້ງນີ້, ບັນດາສຳມະນາກອນໄດ້ ຮຽນຮູ້ ແລະ ປະສົບການ ຫລາຍຢ່າງໂດຍສະເພາະແມ່ນ ລະບົບການບໍລິຫານຈັດການໃນຂົງເຂດວຽກງານ ແລະ ວິ ທີການແກ້ໄຂບັນຫາຕ່າງໆ ໂດຍການນຳໃຊ້ລະບົບ ICT ທີ່ທັນສະໄໝເຂົ້າມາຊ່ວຍ.
ໃນໂອກາດດັ່ງກ່າວ, ບັນ ດາສຳມະນາກອນ ໄດ້ລົງຢ້ຽມ ຢາມ ແລະ ທັດສະນະສຶກສາ ຢູ່ ສະຖານທີ່ສຳຄັນຫລາຍແຫ່ງ ຂອງຍີ່ປຸ່ນ ທີ່ມີການນຳໃຊ້ລະ ບົບ ICT ເຂົ້າໃນວຽກງານ ບໍລິຫານວຽກງານຕ່າງໆ ຂອງແຂວງ ໂອກິນະວະ ເປັນ ຕົ້ນ ສະຖານີອຸຕຸນິຍົມ, ສະໜາມ ບິນນາຮາ, ໂຮງງານຜະລິດ ນ້ຳປະປາ, ໂຮງງານບຳບັດ ນ້ຳ, ວິທະຍາໄລວິຊາຊີບ ໂອກິ ນະວະ, ສູນຄວບຄຸມການ ຈະລາຈອນຂອງຕຳຫລວດ, ສວນອຸທິຍານນິເວດ ວິທະ ຍາມິຢະໂກະ (Eco-Park Miyako), ໂຮງງານຜະລິດ Bio-ethanol ແລະ ພິພິທະ ພັນເຂື່ອນເກັບນ້ຳໃຕ້ດິນ. ນອກ ຈາກນີ້, ຍັງໄດ້ຢ້ຽມຊົມໂຄງ ການສາທິດການເພິ່ງພາຕົນ ເອງ 100% ຈາກພະລັງງານ ທົດແທນ ໃນເກາະກູຣິມາ ຈິມະ, ໂຄງການຊົນລະປະ ທານແຫ່ງຊາດ ຂອງມິຢະ ໂກະ ແລະ ໂຮງໝໍເມືອງແຢະ ຢາມາ.
