ເດັກນ້ອຍ 11 ປີ ຈູດເງິນ ເກືອບ 61 ລ້ານກີບ ໃຫ້ກັບເກມ ຢູ່ iPad

ຕາມສຳນັກຂ່າວ BBC ລາຍງານວ່າ ເດັກນ້ອຍຊື່ວ່າ Alfie Dobson ອາໃສຢູ່ເມືອງ Chorley ປະເທດອັງກິດ ໄດ້ໃຊ້ເງິນຈ່າຍເປັນຈຳນວນຫລາຍໃຫ້ກັບເກມຊະຫນິດຫນຶ່ງຢູ່ເທິງມືຖື, iPad. ທ່ານ Roy ພໍ່ຂອງ Alfie ໄດ້ເລົ່າວ່າ ພາຍໃນເວລາບໍ່ເກີນ 5 ນາທີ Alfie ໄດ້ໃຊ້ເງິນຈຳນວນ 700 ພາວ ຫລືປະມານ 7ລ້ານກິບ ແລະ ໄດ້ໃຊ້ຕື່ມອີກ 11ລ້ານກີບ (1,100 ພາວ ) ໃນເວລາ 30 ນາທີຕໍ່ມາ.

ປົກກະຕິ ນາງ Jill ແມ່ຂອງ Alfie ອານຸຍາດ ໃຫ້ຫລິ້ນເກມໄດ້ໃນວັນຍຸດ (ວັນເສົາ-ວັນທິດ) ແລະສາມາດຊື້ເກມໄດ້ໃນວົງເງິນຈຳກັດ ປະມານ 24,000 ກີບ (1,99 ພາວ ) ຕໍ່ເກມຊະນິດຫນຶ່ງ ຊຶ່ງ ບັນຊີບັດເຄດິດຄາດນັ້ນຍ່ອມຕ້ອງອານຸຍາດຈາກ ພໍ່ແລະແມ່. ແຕ່ລະຄັ້ງ Alfie ຈະຂໍອະນຸຍາດພໍ່ ແລະ ແມ່ ກ່ອນຈະຊື້. ແຕ່ມື້ນັ້ນ Alfie ໄດ້ຫລົງກົດໃສ່ເກມທີ່ມີຕົວເລກ  99 ພາວ ຫລາຍຄັ້ງ (ຕາມການ Alfie ກ່າວບອກ) ຊຶ່ງໃນເວລາຕໍ່ມາບໍ່ດົນມັນໄດ້ແຈ້ງໃນບັນຊີເປັນຈຳນວນເງິນ 6,000 ພາວ ທີ່ Alfie ໄດ້ຈ່າຍໄປເຮັດ ພໍ່ແລະແມ່ ຕົກໃຈ.

ຕໍ່ມາທາງ ບໍລິສັດ Apple ຮັບເລື່ອງທີ່ເກີດຂຶ້ນ ແລະໄດ້ສົ່ງເງິນຄືນໃຫ້ແກ່ຄົບຄົວ Alfie ທີ່ໃຊ້ໄປ ແລະ ໄດ້ແນະນຳຜູ້ປົດຄອງໃຫ້ປີດໃຊ້ຄຸນນະສົມບັດຂອງມືຖືທີ່ສາມາດຄຸ້ມຄອງການຊຳລະແລະການຫລິ້ນຂອງເດັກນ້ອຍໄດ້.

ກ່ອນຈາກນີ້ກໍ່ມີນ້ອງນ້ອຍຜູ້ຫນຶ່ງໃຊ້ເງິນເປັນຈຳນວນ ຫລາຍ ເພື່ອຊື້ເຄື່ອງໃນເກມ Jurassic World ໂດຍໃຊ້ ID Apple ຂອງພໍ່, ແຕ່ທາງ Apple ກໍ່ໄດ້ສົ່ງເງິນຄືນ.

ໂດຍ: ນັກຂຽນມືໃຫມ່