ຊ້າກໍຍັງດີກວ່າບໍ່ເຮັດ

ສະບາຍດີເພື່ອນຜູ້ອ່ານທີ່ ຮັກແພງ, ໄດ້ຍິນຂ່າວນີ້ໃຜໆ ກໍ ຈະດີໃຈ,ເພາະບັນຫາດັ່ງກ່າວ ມັນເປັນຊ້ຳເຮື້ອມາແຕ່ດົນແລ້ວ, ນັ້ນແມ່ນການເຄື່ອນໄຫວຂອງ ບັນດາຄລີນິກ, ຮ້ານຂາຍຢາ ທີ່ບໍ່ໄດ້ຮັບອະນຸຍາດຈາກຂະ ແໜງການກ່ຽວຂ້ອງ, ເຊິ່ງມັນ ໄດ້ສວຍໃຊ້ ຄວາມຮູ້ເທົ່າບໍ່ເຖິງ ການຂອງປະຊາຊົນ ແລະ ການ ເຮັດວຽກແບບບໍ່ເອົາໃຈໃສ່ຫົວ ຊາຂອງຂະແໜງການກ່ຽວ ຂ້ອງ, ເພື່ອສ້າງຮັ່ງຄູນມີໃຫ້ແກ່ ພວກມັນຕັ້ງຄລີນິກຈົງຊານ, ເປີດວິທະຍຸຄື້ນໃດຂຶ້ນມາກໍລ້ວນ ແຕ່ມີການໂຄສະນາຍ້ອງຍໍສາ ລະພັດຄວາມເດັດຂອງການປິ່ນ ປົວພະຍາດຕ່າງໆ ຂອງຄະລີນິກ ດ່ັງກ່າວແຕ່ລະມື້ໄດ້ມີຜູ້ຕົກເປັນ ເຫຍື່ອນັບບໍ່ຖ້ວນໄດ້ເຂົ້າມາໃຊ້ ບໍລິການ, ໃນທີ່ສຸດຈິ່ງຮູ້ວ່າກະ ໂຕຄລີນິກດັ່ງກ່າວບໍ່ມີຮອດປະ ຕັງອະນຸຍາດໃຫ້ດຳເນີນກິດຈະ ການ ແລະ ກໍເປັນຕາຫົວຢູ່ວ່າ ແຕ່ເປັນຫຍັງ ເຂົາຈິ່ງສາມາດ ດຳເນີນງານມາໄດ້ນັບ 2-3 ປີ ແລະ ໃນທີ່ສຸດກໍພຽງປະກາດ ໃຫ້ ຢຸດເຊົາໄດ້ຢ່າງງ່າຍດາຍ.

+ ເບິ່ງຄືນໂຮງອົບນວດແອບແຝງຫລາຍຢ່າງ

+ ເບິ່ງຕື່ມເລື່ອງປ້າຍຄຳຂວັນ

ເມື່ອເປັນເຊັ່ນນີ້ເບິ່ງຢ່າງໜຶ່ງ ກໍຄື: ລະບຽບກົດໝາຍເຮົາບໍ່ ເຂັ້ມງວດປານໃດ. ຖ້າດັ່ງນັ້ນ ກໍອາດຈະມີການລັກລອບປອມ ແປງແນວ ໃໝ່ຂຶ້ນມາກໍເປັນໄດ້. ແຕ່ເຖິງຢ່າງໃດກໍຂໍສະແດງ ຄວາມຍ້ອງຍໍຊົມເຊີຍຂະແໜງ ກ່ຽວຂ້ອງເຖິງຈະຊ້າແດ່ກໍຍັງ ດີກວ່າບໍ່ແກ້ໄຂ ແລະ ຫວັງວ່າໃນ ອະນາຄົດແຕ່ລະຂະແໜງການ ຈະມີຄວາມເຂັ້ມແຂງ ຂຶ້ນຕື່ມໃນ ການແກ້ໄຂສິ່ງຫຍໍ້ທໍ້ບົກຜ່ອງ ຕ່າງໆ ໃນຂະແໜງການຂອງ ຕົນ, ເພື່ອສ້າງຄວາມໄວ້ເນືອ ເຊື້ອໃຈໃຫ້ປະຊາຊົນຜູ້ມາໃຊ້ບໍລິ ການດີຂຶ້ນ, ໂດຍສະເພາະຂະ ແໜງສາທາລະນະສຸກເຮົາ, ເຊິ່ງ ປັດຈຸບັນເພິ່ນພວມເລັ່ງປະຕິບັດ ຂໍ້ແຂງຂັນ 5 ດີ, ເພື່ອ ແນໃສ່ຍົກ ສູງຄຸນນະພາບຂອງຂະແໜງ ການໃຫ້ປະກົດຜົນເປັນຈິງ.