ສະຫວັນນະເຂດເປີດງານແຂ່ງຂັນກິລາ ຄັ້ງທີ VIII ຂຶ້ນທີ່ເມືອງທ່າປາງທອງ
ງານມະຫາກຳກິລາທົ່ວ ແຂວງສະຫວັນນະເຂດ ຄັ້ງທີ VIII ໄດ້ໄຂຂຶ້ນຢ່າງເປັນທາງ ການ ໃນວັນທີ 12 ທັນວານີ້ ທີ່ ເມືອງທ່າປາງທອງ, ໂດຍການ ເຂົ້າຮ່ວມເປັນປະທານຂອງ ທ່ານ ສັນຕິພາບ ພົມວິຫານ ກຳ ມະການສູນກາງພັກ, ເລຂາພັກ ແຂວງ, ເຈົ້າແຂວງສະຫວັນນະ ເຂດ, ມີການນຳພັກ-ລັດຂັ້ນສູນ ກາງ, ແຂວງ ແລະ ມວນຊົນ ຊາວເມືອງທ່າປາງທອງເຂົ້າ ຮ່ວມຢ່າງຄັບຄາໜາແໜ້ນ.
ໃນພິທີໄດ້ມີການສະແດງ ຂອງນັກສິລະປິນເມືອງທ່າປາງທອງ, ການສວນສະໜາມຂອງ ບັນດານັກກິລາຈາກ 15 ເມືອງ ເຄື່ອນເຂົ້າສູ່ໜາມກິລາ ພາຍໃຕ້ ການບັນເລງຂອງກອງດູລີຍາງຂອງນ້ອງນ້ອຍເຍົາວະຊົນດ້ວຍບັນຍາກາດຟົດຟື້ນ.
ທ່ານ ຄຳປະສົງ ຂົງຄຳ ຮອງເຈົ້າເມືອງ ທັງເປັນຮອງປະ ທານຄະນະກຳມະການຈັດງານແຂ່ງຂັນກິລາດັ່ງກ່າວ ມີຄຳເຫັນ ວ່າ: ງານແຂ່ງຂັນກິລາຄັ້ງນີ້ມີ ຄະນະນັກກິລາທີ່ໄດ້ຮັບການຄັດເລືອກມາຈາກແຕ່ລະເມືອງ ເພື່ອ ດຶງດູດຊາວໜຸ່ມ, ເຍົາວະຊົນຫັນ ມາຫຼິ້ນກິລາຫຼາຍຂຶ້ນ, ເຮັດໃຫ້ ກຸ່ມຄົນທີ່ເປັນກຳລັງແຮງເຫຼົ່າ ນັ້ນຫ່າງຈາກສິ່ງເສບຕິດເບື່ອ ເມົາຕ່າງໆ. ພິເສດງານແຂ່ງຂັນ ກິລາຄັ້ງນີ້ແມ່ນກະກຽມເອົານັກກິລາຈຳນວນໜຶ່ງ ເພື່ອເຂົ້າຮ່ວມ ງານມະຫະກຳກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງ ຈະເປັນເຈົ້າພາບ ໃນທ້າຍປີ 2018 ເຊິ່ງມີນັກກິລາເຂົ້າຮ່ວມ ທັງໝົດ 1.047 ຄົນ, ຍິງ 388 ຄົນ ໃນ 6 ປະເພດຄື: ກິລາບານ ເຕະ (ຊາຍ-ຍິງ), ບານສົ່ງ (ຊາຍ-ຍິງ), ກະຕໍ້ (ຊາຍ- ຍິງ), ເປຕັງ (ຊາຍ-ຍິງ), ແລ່ນ-ລານ (ຊາຍ-ຍິງ) ແລະ ກິລາໜ້າເກັກ (ຊາຍ-ຍິງ) ຈະມີ ການຊິງຫຼຽນທັງໝົດ 198 ຫຼຽນ, ໃນນັ້ນ ມີ 66 ຫຼຽນຄຳ, 66 ຫຼຽນເງິນ, 66 ຫຼຽນທອງ.
ໂອກາດດັ່ງກ່າວ ທ່ານເຈົ້າ ແຂວງສະຫວັນນະເຂດ ສັນຕິ ພາບ ພົມວິຫານ ກໍໄດ້ເປັນກຽດ ລັ່ນຄ້ອງ 9 ບາດ, ປ່ອຍປຸ້ມເປົ້າ ປ້າຍຄຳຂວັນເປີດງານ, ຕໍ່ດ້ວຍ ການປ່ອຍນົກ, ຍິງພຸຂຶ້ນສູ່ທ້ອງ ຟ້າ ເພື່ອເປັນສັນສັນຍາລັກຂອງ ການເປີດງານຄັ້ງນີ້ດ້ວຍບັນຍາກາດຟົດຟື້ນເບີກບານມ່ວນຊື່ນ.
