ເຫັນຮູບແລ້ວສິໄຫ້.. ເດັກນ້ອຍແຝດຜູ້ບໍລິສຸດຕ້ອງຕາຍຍ້ອນສົງຄາມໃນປະເທດຊີເລຍ
April 8, 2017 - 2:25 PM
ພໍ່ຜູ້ສູນເສຍລູກແຝດນ້ອຍອາຍຸພຽງ 10ເດືອນ ຈາກອາວຸດເຄມີໃນປະເທດຊີເລຍ! ເບິ່ງແລ້ວສິໄຫ້…
ຮູບພາບອັນຫນ້າເສົ້າສະຫລົດໃຈ ໂດຍສະເພາະສຳລັບຫົວອົກຄົນເປັນພໍ່ເປັນແມ່!
ທ່ານ ອັບດຸນ ຮາມິດ ຢູດເຊ ປະຊາຊົນຊາວຊີເລຍຄົນທຳມະດາ ຜູ້ເປັນພໍ່ເລົ່າດ້ວຍນຳ້ຕານອງຫນ້າວ່າບ້ານລາວຖືກເຄື່ອງບິນໂຈມຕີ. ທຳອິດຄິດວ່າລູກທັງສອງນ້ັນປອດໄພ ເພາະລາວບໍ່ຮູ້ສຶກເຖິງອາຍແກັດພິດແຕ່ຢ່າງໃດຈິ່ງໄດ້ປະລູກໄວ້ຢູ່ເຮືອນກັບເມຍ ແລະ ອອກໄປຊ່ວຍພີ່ນ້ອງທີ່ຖືກໂຈມຕີຄືກັນ. ລາວບໍ່ຄິດເລີຍວ່ານັ້ນຈະເປັນຄັ້ງສຸດທ້າຍທີ່ລາວໄດ້ເຫັນລູກແຝດມີຊີວິດຢູ່. ນອກຈາກລູກແຝດທັງສອງ ລາວຍັງສູນເສຍເມຍ ແລະ ພີ່ນ້ອງອີກ 20ຄົນ ຈາກການໂຈມຕີຄັ່ງວັນທີ 04 ເມສາທີ່ຜ່ານມາ.
ພາບແລກທີ່ເຜີຍແຜ່ທາງອິນເຕີເນັດ ຕອນທີ່ພໍ່ເຫັນລູກໃນສະພາບໄຮ້ວິນຍານ:
ລູກແຝດ ຊາຍ-ຍິງທີ່ຫນ້າຮັກ ຖ່າຍຕອນກ່ອນເກີດເຫດ
ຫົວອົກຂອງຜູ້ເປັນພໍ່ທີ່ແຕກສະຫລາຍ
ຂ່າວຈາກ Daily Mail UK
