ທ່ອງທ່ຽວຢຶດຕາຕະລາງຄະແນນອາທິດນີ້ ໃນລາຍການເຕະບານຍິງ ຮຸ່ນອາຍຸ 18 ປີ
ທີມທີ່ຢຶດຕາຕະລາງຄະແນນຂອງການແຂ່ງຂັນບານເຕະຍິງຮຸ່ນອາຍຸບໍ່ເກີນ 18 ປີ ປະຈໍາອາທິດແມ່ນທີມກົມພັດທະນາທ່ອງທ່ຽວທີ່ມີປະຕູຍິງໄດ້ຫລາຍກວ່າທີມເມືອງມະນີ ເອັຟຊີ 15 ປະຕູ. ດັ່ງນັ້ນ ຈຶ່ງສົ່ງຜົນໃຫ້ທີມກົມພັດທະນາທ່ອງທ່ຽວຢຶຶດຕາຕະລາງຄະແນນປະຈໍາອາທິດນີ້ ຈາກການລົງສະໜາມ 4 ຄັ້ງ, ຊະນະ 4 ຄັ້ງ, ຍິງ 49 ປະຕູ, ລວມ 12 ຄະແນນ ແລະ ຂະນະທີ່ອັນດັບທີ 2 ຕົກເປັນຂອງທີມເມືອງມະນີ ເອັຟຊີ ເຊິ່ງລົງສະໜາມ 4 ຄັ້ງ, ຊະນະ 4 ຄັ້ງ ແຕ່ຍິງໄດ້ 26 ປະຕູ, ລວມມີ 12 ຄະແນນ.
ອັນດັບທີ 3 ຕົກເປັນຂອງທີມ ມະຫາວິທະຍາໄລແຫ່ງຊາດ ລົງສະໜາມ 4 ຄັ້ງ, ຊະນະ 3 ຄັ້ງ, ເສຍ1 ຄັ້ງ, ຍິງໄດ້ 25 ປະຕູ, ລວມມີ 9 ຄະແນນ, ສ່ວນທີມ ມສ ສາລາຄໍາ ລົງສະໜາມ 5 ຄັ້ງ, ຊະນະ 1 ຄັ້ງ, ເສຍ 3 ຄັ້ງ, ສະເໝີ 1 ຄັ້ງ, ຍິງໄດ້ 22 ປະຕູ ລວມມີ 4 ຄະແນນ ຈັດຢູ່ອັນດັບທີ 4 ຂອງຕາຕະລາງຄະແນນ, ອັນດັບທີ 5 ຕົກເປັນຂອງທີມ ມປ ວຽງຈັນໂຮ່ຈິມິນ ລົງສະໜາມ 4 ຄັ້ງ, ຊະນະ 1 ຄັ້ງ, ເສຍ 1 ຄັ້ງ, ສະເໝີ 2 ຄັ້ງ, ຍິງໄດ້ 5 ປະຕູ ລວມມີ 4 ຄະແນນ. ອັນດັບທີ 6 ມະຫາວິທະຍາໄລວິທະຍາສາດ ສຸຂະພາບ ລົງສະໜາມ 4 ຄັ້ງ, ຊະນະ 1 ຄັ້ງ, ສະເໝີ 3 ຄັ້ງ ລວມມີ 3 ຄະແນນ, ອັນດັບທີ 7 ມສ ວຽງຈັນ ລົງສະໜາມ 5 ຄັ້ງ, ເສຍ 5 ຄັ້ງ ບໍ່ມີຄະແນນລວມ.
ການແຂ່ງຂັນບານເຕະຍິງຮຸ່ນອາຍຸບໍ່ເກີນ 18 ປີ ໄດ້ດໍາເນີນມາແຕ່ວັນທີ 18 ພະຈິກເປັນຕົ້ນມາເຊິ່ງມີ 7 ທີມເຂົ້າຮ່ວມການແຂ່ງຂັນ ເຊິ່ງປະກອບມີ: ກົມພັດທະນາທ່ອງທ່ຽວ, ມະຫາວິທະຍາໄລແຫ່ງຊາດ, ມະຫາວິທະຍາໄລວິທະຍາສາດ ສຸຂະພາບ, ເມືອງມະນີ ເອັຟຊີ, ມສ ສາລາຄໍາ, ມສ ວຽງຈັນ, ມປ ໂຮ່ຈິມິນ.
