3 ສະໂມສອນຍັກໃຫຍ່ພຣີເມຍລີກ ຕິດຕາມເບິ່ງດາວຮຸ່ງຮອຟເຟນໄຮ
ນາດີມ ອາມິຣີ ກອງກາງອະນາຄົດໄກຂອງ ຮອຟເຟນໄຮ ເນື້ອຫອມສຸດໆ ຫລັງ ທອດແນມ ຮອດສະເປີ, ແມນເຊັສເຕີ ຢູໄນເຕັດ ແລະ ອາເຊນອລ ພ້ອມໃຈກັນຕິດຕາມເບິ່ງການພັດທະນາ ຫລັງໂຊຟອມດີກັບຕົ້ນສັງກັດ ໂດຍພ້ອມທຸ້ມຄ່າຕົວກວ່າ 20 ລ້ານປອນ.
ຂ່າວລະບຸວ່າ: ຢູໄນເຕັດ ຕ້ອງການກອງກາງຄົນໃໝ່ມາເພີ່ມປະສິດທິພາບ ຫລັງເສຍໄຊຕໍ່ ແມນເຊັສເຕີ ຊິຕີ້ 2-1 ໃນການແຂ່ງຂັນທ້າຍອາທິດຜ່ານມາ ສະແດງໃຫ້ເຫັນວ່າທີມມີຂຸມກຳລັງເປັນຮອງຄູ່ຕໍ່ສູ້ ແລະ ຄາດວ່າ ຮອດສະເປີ, ແມນເຊັສເຕີ ຢູໄນເຕັດ ແລະ ອາເຊນອລ ກຳລັງພິຈາລະນາເຖິງຄວາມເປັນໄປໄດ້ໃນການຍື່ນຂໍ້ສະເໜີ 20 ລ້ານປອນ ເພື່ອດຶງດາວເຕະຊາວເຢຍລະມັນ ອາຍຸ 21 ປີ ມາຮ່ວມທີມໃນເດືອນມັງກອນ 2018.
ທັງນີ້, ກອງກາງທີມຊາດເຢຍລະມັນ ຮຸ່ນອາຍຸບໍ່ເກີນ 21 ປີ ເຊິ່ງມີພໍ່ແມ່ເປັນຊາວປາກິດສະຖານ ສ້າງຜົນງານໃຫ້ ຮອຟເຟນໄຮ ໄດ້ຢ່າງໜ້າປະທັບໃຈໃນລະດູການນີ້ ຈາກການຍິງໄປ 4 ປະຕູ ລວມທຸກລາຍການ ໂດຍລາວເຫລືອສັນຍາກັບທີມອີກ 2 ປີ.
