ລາວໂຕໂຢຕ້າຊ້ອມເຂັ້ມ ກຽດວັດຄົມຄູ່ແຂ່ງ ໃນຮອບຮອງບານເຕະແມ່ຂອງຄັບ 2017
ທັບນັກກິລາບານເຕະຂອງ ລາວໂຕໂຢຕ້າ ເອັຟຊີ (Lao Toyota FC) ນຳທີມໂດຍ Kazuo Homma ກອງໜ້າຕົວເກັ່ງຂອງທີມ, ບຸນທະວີ ສີປະສົງ ນັກເຕະທີມຊາດລາວຊຸດໃຫຍ່, Renshi Yamaguchi ກອງຫລັງຮ່າງໃຫຍ່ຂອງທີມຊາວຍີ່ປຸ່ນ.
ສຳລັບການຊ້ອມຄັ້ງນີ້ ພາຍໃຕ້ການຄຸມທັບຂອງ ອາຈານ ບຸນລັບ ເຄນກິຕິສັກ ຫົວໜ້າຄູຝຶກ ພ້ອມດ້ວຍນັກເຕະໂຕຫລັກໆ ເພື່ອກຽມຄວາມພ້ອມລຸຍການແຂ່ງຂັນ Toyota Mekong Club Championship 2017 ທີ່ຈະເລີ່ມຂຶ້ນໃນວັນທີ 17 ທັນວາ 2017 ເວລາ 17:00 ໂມງ ທີ່ສະໜາມກິລາແຫ່ງຊາດ (ຫລັກ 16).
ສຳລັບ ລາວໂຕໂຢຕ້າ ເອັຟຊີ ໄດ້ສິດໄປຢືນໃນຮອບຮອງຊະນະເລີດ ເນື່ອງຈາກປີກາຍ ລ້ານຊ້າງ ຢູໄນເຕັດ ຍາດໄດ້ຮອງແຊ້ມ ໂດຍລໍຖ້າພົບທີມຊະນະຈາກ ບິກເກັດ ອັງກໍ ທີມຈາກກຳປູເຈຍ ຫລື Sanna Khanh Hoa ທີມຈາກຫວຽດນາມ ທີ່ນັດທຳອິດສະເໝີກັນ 4-4 ແລະ ຕັດສິນມື້ນີ້.
